Dagblaðið Vísir - DV - 17.06.2014, Blaðsíða 2
Vikublað 17.–19. júní 20142 Fréttir
Skemmdu
bíl björgunar-
sveitarmanns
Óprúttinn aðili fór inn í einkabíl
björgunarsveitarmannsins Jó-
hanns Jóhannessonar á Akureyri
um helgina á meðan hann var
í útkalli. Vísir greindi frá þessu
á mánudag. „Ég skil bílinn eftir
fyrir utan björgunarsveitarhúsið
Dalborg á Akureyri, ég er í burtu
í rúman sólarhring og í milli-
tíðinni er farið inn í bílinn. Það
er eins og einhver hafi verið að
reyna að tengja fram hjá,“ sagði
Jóhann. Hann kom að bílnum
seint um nótt eftir útkallið og var
því örþreyttur og ósáttur. „Það er
mjög skrýtið. Það voru til dæm-
is verkfæri fyrir tugi þúsunda í
skottinu,“ segir hann en ekki var
hreyft við þeim.
Brenndist
í andliti
Ungur maður brenndist í and-
liti og á hendi í Grafarholti á
sunnudagskvöld. Það var um
kvöldmatarleytið sem tilkynnt
var um eld í íbúðarhúsnæði þar.
Þegar lögregla og slökkvilið kom
á staðinn kom í ljós að þar hafði
heimilisfólk verið að djúpsteikja
mat og hafði feitin ofhitnað með
þeim afleiðingum að kviknað var
í pottinum.
Fólkið hafði skvett vatni á
eldinn og við það varð sprenging
sem getur gerst þegar olíueldur
er slökktur með vatni. Maðurinn
sem brenndist var fluttur með
sjúkrabíl á slysadeild. Nokkrar
skemmdir urðu í eldhúsinu af
völdum elds, reykjar, sóts og olíu
og slökkvilið reykræsti íbúðina.
Fyrrverandi meðlimur segir Hilmar Leifsson vera „kallinn“ í fundargerðabókum
J
á, hann var með í Hells Ang-
els,“ sagði Sigmundur Geir
Helgason um Hilmar Leifs-
son í vitnaleiðslu á mánudag
vegna áfrýjunar til Hæstarétt-
ar í meiðyrðamáli Hilmars gegn DV.
Sigmundur, sem jafnan er kallað-
ur Simbi, er fyrrverandi meðlimur í
Vítisenglum. Hilmar stefndi DV árið
2013 fyrir að vera bendlaður við Hells
Angels og sagður háttsettur í samtök-
unum í tekjublaði árið 2012. DV var
sýknað í því máli fyrir héraðsdómi og
var Hilmari gert að greiða sex hund-
ruð þúsund krónur í málskostnað.
Hann áfrýjaði þeim dómi til Hæsta-
réttar. Sigmundur sagði í vitnisburði
sínum að þegar hann hætti í Hells
Angels árið 2012 hafi Hilmar verið
virkur í samtökunum.
Óþolinmóður lögfræðingur
Vitnaleiðsla hófst á því að lög-
fræðingur Hilmars, Vilhjálmur Hans
Vilhjálmsson, neitaði að bíða eftir
Sigmundi Geir sem ekki var mættur
er vitnaleiðsla átti að hefjast klukk-
an hálftíu. Faðir Sigmundar, sem var
mættur, sagði þá að hann hafi talað
við son sinn stuttu áður og hafi hann
verið á leiðinni. „Ég held að það sé
grunnforsenda að vitni mæti. Vitni
er óreglumaður og afbrotamaður
og ég efast um það að vitni komi. Ef
vitni mætir ekki þá er engin vitna-
skýrsla,“ sagði Vilhjálmur. Dómari
sagði Vilhjálmi að jafnan væri hefð-
in að beðið væri eftir vitnum. „Ég
má ekkert vera að því að bíða eftir
þessu,“ sagði Vilhjálmur og rauk út
úr réttarsal. Á þeim tímapunkti kom
faðir Sigmundar Geirs aftur inn og
sagði hann vera kominn í húsið. Vil-
hjálmur Hans settist þá aftur niður.
Kynntist í Fáfni
Sigmundur Geir sagði í vitnisburði
sínum að hann hafi sótt um inn-
göngu í vélhjólasamtökunum Fáfni,
sem síðar sameinuðust Hells Ang-
els, árið 2006. Hann vildi ekki svara
spurningum um hvernig ferlið hafi
verið er Fáfnir rann inn í Hells Angels
ári síðar. „Ég vil ekki tjá mig um það
hvernig sá progress fer fyrir. Þetta
tekur náttúrlega X langan tíma,“
sagði Sigmundur. Hann staðfesti þó,
það sem áður hefur komið fram, að
Fáfnir hafi runnið inn í Hells Angels
árið 2007. Sigmundur segir að hann
hafi kynnst Hilmari Leifssyni þegar
hann sótti um inngöngu í Fáfni. Að
hans eigin sögn gekk Sigmundur í
Fáfni gagngert til að komast í Hells
Angels. „Ég fór þarna inn til að verða
Hells Angels því ég vissi að stefnan
var þangað,“ sagði Sigmundur.
„Hann var með í Hells Angels“
Í svörum sínum um hvort Hilmar
Leifsson hafi verið í Hells Angels var
Sigmundur nokkuð afdráttarlaus.
„Já, hann var með í Hells Angels. Ég
er ekki alveg viss þangað til hvenær.
Ég fór út á undan,“ sagði Sigmundur.
Hann segist ekki vera nákvæmlega
viss hvenær það var sem hann sjálf-
ur hætti í Hells Angels en telur þó
að það hafi verið árið 2012. Þá hafi
Hilmar enn verið í samtökunum.
Þessi staðhæfing Sigmundar stang-
ast á við það sem Hilmar sagði sjálf-
ur í vitnisburði sínum síðastliðinn
nóvembermánuð vegna sama máls.
Þar neitaði hann því staðfastlega að
hafa nokkurn tíma verið meðlimur
í Hells Angels. „Ég var í Fáfni. Hætti
þegar að þeir fóru í þetta inngöngu-
ferli,“ sagði Hilmar þá. Jafnframt
sagði Hilmar að hann hafi ekkert
komið nálægt Hells Angels eftir að
hann hætti í Fáfni. Auk vitnisburð-
ar Sigmundar afhjúpa fundargerða-
bækur Hells Angels frá árinu 2012,
sem DV hefur undir höndum, djúp
tengsl Hilmars við samtökin. Nafn
Hilmars kemur fram í fundargerða-
bók frá mars þetta sama ár. Meðlimir
samtakanna velta þar fyrir sér hvort
hann ætli áfram að vera meðlim-
ur Hells Angels. Tveir meðlimir taka
það verkefni að sér að kanna það en
ekki kemur fram hver niðurstaðan úr
því hafi verið en tekið skal fram að
bækurnar ná aðeins fram á mitt ár.
Segir Hilmar vera „kallinn“
Þegar Sigmundur er spurður um
hvort Hilmar hafi verið þekktur und-
ir einhverjum gælunöfnum inn-
an Hells Angels segir Sigmundur að
Hilmar hafi verið þekktur sem „kall-
inn“. Í fundargerðabókum er ítrekað
vitnað bæði í Hilmar og „kallinn“. Í
janúar árið 2012 er sagt frá því í bók-
inni að meðlimir Hells Angels hafi
leitað til Hilmars vegna fjármögn-
unar á húsnæði samtakanna í Faxa-
feni þar sem áætlanir hafi verið uppi
um að koma fyrir húðflúrunarstofu.
Í febrúar það sama ár segir í bók-
inni: „Óskar og Ingvar hittu kallinn
í morgun og var hann rosa jákvæð-
ur og nefndi að gíra okkur niður og
hætta þessum stórkarlaleik.“ Á þess-
um tíma var Einar Ingi Marteinsson,
formaður samtakanna, í gæsluvarð-
haldi vegna gruns um aðild að grófri
líkamsárás í Hafnarfirði. Einar var
sýknaður af því máli en það dró þó
mikla athygli að samtökunum.
Hvorki vinur né óvinur
Spurningar Vilhjálms Hans til Sig-
mundar gengu nær allar út á hvert
samband hans væri við Hilmar.
Spurði Vilhjálmur hann bæði hvort
hann væri vinur eða óvinur Hilm-
ars. Báðum spurningum svaraði Sig-
mundur neitandi en viðurkenndi þó
að honum væri illa við Hilmar. Sig-
mundur var auk þess spurður hvort
hann hafi staðið að eignaspjöllum á
fasteignum Hilmars. Því svaraði Sig-
mundur neitandi. „Nei, okkur hef-
ur ekki lent saman áður,“ sagði Sig-
mundur. Hann hefur áður sagt í
samtali við DV að Hilmar hafi reynt
að fá meðlimi samtakanna upp á
móti sér vegna þess að hann hafi vilj-
að hætta í samtökunum. n
Hilmar leifssON
var í Hells aNgels
„Ég fór
þarna inn
til að verða Hells
Angels því ég vissi
að stefnan var
þangað
Vítisenglar Lítið hefur farið fyrir Hells Angels nýverið en samtökin glímdu við fjárhags-
vandræði árið 2012. Mynd ReuteRS
Meðlimur til 2012
Samkvæmt vitn-
isburði Sigmundar
sem og fundargerða-
bókum var Hilmar
Leifsson meðlimur
í Hells Angels í það
minnsta til ársins
2012. Mynd SigtRygguR ARi
„Já, hann
var með í
Hells Angels
Hjálmar Friðriksson
hjalmar@dv.is