Dagblaðið Vísir - DV - 17.06.2014, Blaðsíða 24

Vikublað 17.–19. júní 201424 Neytendur
Í
síðustu viku voru niðurstöður
verðkönnunar Alþýðusambands
Íslands á fiskmeti birtar en verð-
lagseftirlit sambandsins gerði
verðsamanburð á fiskafurðum í 27
verslunum víðs vegar um landið 2.
júní síðastliðinn.
Sú verslun sem hafði oft-
ast lægsta verðið í könnuninni
var Litla Fiskbúðin við Miðvang
í Hafnarfirði, en verðið var lægst
þar í tíu tilvikum af 23. Fiskbúðin
á Hellu og Fiskbúðin Trönuhrauni
voru næstódýrastar en þær voru
með ódýrasta verðið í þremur til-
vikum.
Fiskbúðin Hafberg í Gnoðar-
vogi var oftast með hæsta verðið
í könnuninni, eða í sjö tilvikum.
Næstdýrasta fiskbúðin í verð-
könnuninni var Fiskikóngurinn,
Sogavegi, en verð var hæst þar í
fimm tilvikum. Þá var verð hæst
í fjórum tilvikum í Fiskbúðinni
Vegamótum á Seltjarnarnesi.
Mest úrval var í Fiskbúðinni
Sjávarfangi á Ísafirði, en hún var
eina búðin í könnuninni sem átti
til allar tegundirnar. Minnsta úr-
valið var í Kjöt- og Fiskbúð Austur-
lands þar sem til voru sex tegundir
og þarnæst kom Samkaup-Úrval,
þar sem til voru sjö tegundir.
Mjög mikill munur var á mörg-
um vörum og var munurinn í
flestum tilvikum 50–100 prósent.
Mestur var munurinn á stórlúðu í
sneiðum, sem var dýrust hjá Fiski-
kónginum á 3.990 krónur en ódýr-
ust í fiskbúðinni Fiskás á Hellu,
þar sem hún kostaði 1.790 kr., sem
gerir 123 prósent mun á verði.
Í frétt á vef ASÍ um könnun-
ina er bent á að í könnuninni var
einungis verðið kannað en ekkert
er tekið fram um gæði vörunnar
eða þjónustu. n
jonsteinar@dv.is
Litla Fiskbúðin ódýrust
n Var oftast ódýrust í verðkönnun ASÍ n Fiskbúðin Hafberg í Gnoðarvogi oftast dýrust
Mynd SteFán KArlSSon
Góðar reglur
fyrir kaup á
netinu
Sífellt fleiri eru farnir að versla
á netinu og hefur slíkt auk-
ist gríðarlega hérlendis sem og
annars staðar. Það er gott að hafa
nokkra hluti í huga þegar keypt er
í gegnum verslanir á netinu, sér-
staklega þegar þær eru erlend-
ar, þar sem það getur reynst dýr-
keypt ef eitthvað klikkar.
Settu þér takmörk
Vefir á borð við
eBay og Amazon
geta freistað
manns með
ýmsu en það er
betra að setja
sér takmörk hvað
varðar hversu miklu
maður vill eyða, sérstaklega ef
um er að ræða uppboðsvefi á
borð við eBay. Ef þú ætlar að
keppa við aðra um vöru á upp-
boði er algjört grundvallaratriði
að setja sér takmörk svo að mað-
ur endi ekki á því að borga miklu
meira fyrir vöruna en maður ætl-
aði sér í upphafi.
Kauptu bara af
traustum seljendum
Flestar netverslanir, sér í lagi er-
lendar, hafa einhvers konar kerfi
sem sýnir hversu vel seljendur
standa sig í þjón-
ustu við kaup-
endur. Það
er góð venja
að versla að-
eins við þá
seljendur
sem hafa góða
einkunn og halda
sig fjarri þeim sem hafa misgóð-
an söluferil. Það er líka gott að
sjá hversu mikil viðskipti eru hjá
seljendum og velja þá sem hafa
þau mestu. Með þessu er áhætt-
an lágmörkuð.
Vertu viss um skilaréttinn
Flestar netverslanir bjóða upp á
einhvers konar skilarétt. Þegar
vara er keypt frá útlöndum er
gott að vera viss um að hægt sé
að skila vörunni ef hún er gölluð
eða ekki eins góð og hún leit út
fyrir að vera. Leitaðu upplýsinga
á sölusíðunni áður en þú kaupir
eða sendu tölvupóst á seljand-
ann ef þú sérð upplýsingarnar
ekki þar.
Passaðu upp á aurinn
Haltu þig við öruggan greiðslu-
máta. Það er ekki sniðugt að
láta seljanda sem
þú treystir ekki
fullkomlega
hafa greiðslu-
kortanúmer-
ið þitt. Margir
seljendur vilja
að þú borgir með
símgreiðslu eða öðrum hætti, en
best er að nota þjónustu á borð
við PayPal, sem kemur í veg fyr-
ir að kreditkortanúmerið þitt fari
í hendurnar á aðilum sem gætu
misnotað það. PayPal býður líka
upp á ákveðna vörn þar sem þú
getur gert kvörtun við færslu ef
eitthvað kemur upp á. Einnig
er hægt að nota fyrirframgreidd
kreditkort, sem koma í veg fyrir
að háum fjárhæðum sé stolið af
kortinu.
Ó
dýrasta reiðhjólaverkstæðið
á höfuðborgarsvæðinu er
Borgarhjól á Hverfisgötu
en almennar viðgerðir þar
kosta einungis 3.600 krón-
ur á klukkustund. Rúmum fjögur
þúsund krónum munar á ódýrasta
og dýrasta verkstæðinu. Þá er ódýr-
ast að láta laga sprungið dekk hjá
Reiðhjóla- og sláttuvélaþjónust-
unni að Vagnhöfða 6, einung-
is 2.000 krónur með nýrri slöngu.
Þetta leiðir verðkönnun DV hjá ell-
efu reiðhjólaverkstæðum á höfuð-
borgarsvæðinu í ljós.
erfiður samanburður
Vinsældir hjólreiða aukast ár frá
ári, bæði samgönguhjólreiðar og
reiðhjólaíþróttir. Þessi aukning sést
meðal annars á því að sífellt fleiri
taka þátt í átakinu Hjólað í vinnuna
og þá var þátttökumet slegið í Bláa
lóns-þrautinni, fjallahjólakeppni
sem haldin var fyrr í mánuðinum,
þegar ríflega 600 keppendur tóku
þátt. Hjólaverkstæðin finna fyrir
aukningunni og um þessar mund-
ir er einmitt mikill álagstími á verk-
stæðunum.
Blaðamaður hafði samband
við helstu hjólaverkstæði höfuð-
borgarsvæðisins, eftir lista sem
finna má á vefsíðunni Hjólreiðar.
is, og tók niður tímaverð á almenn-
um viðgerðum, hvað það kostar að
láta yfirfara hjólið og hvað kostar að
láta lagfæra sprungið dekk. Erfitt er
að bera saman þjónustu sem þessa
þar sem verklagsreglur eru mis-
munandi eftir verkstæðum. Verk-
stæði gefa til að mynda upp verð
á viðgerð á sprungnu dekki ýmist
með eða án slöngu. Þá bjóða tvö
verkstæði, Kría Hjól ehf. og TRI,
upp á sérstaka þjónustupakka sem
samsvarar því að láta yfirfara hjólið
á öðrum verkstæðum. Þegar starfs-
menn sögðu verð mismunandi eft-
ir hjólum og því sem þurfi að gera
hverju sinni voru þeir beðnir um að
gefa upp algengt verð.
5.000 króna verðmunur
Sem fyrr segir er ódýrasta verð á al-
mennum viðgerðum reiðhjóla hjá
Borgarhjóli að Hverfisgötu í Reykja-
vík, 3.600 krónur klukkutíminn.
Dýrasta tímaverðið á almennum
viðgerðum er hins vegar hjá Hjóla-
spítalanum í Kópavogi þar sem
klukkutíminn kostar 7.938 krón-
ur. Þannig munar 4.438 krónum á
tímaverði þessara tveggja staða.
Mælt er með að reiðhjól séu yfir-
farin tvisvar á ári, til dæmis að vori
og hausti. Í þessu felst stilling á gír-
um og bremsum, keðjan er smurð
og yfirfarin, farið er yfir dekk og
gjarðir og gerð er almenn ástands-
skoðun á hjólinu. Ódýrast er að
láta yfirfara hjólið hjá Hjólaspretti í
Hafnarfirði en þar kostar það 3.000
krónur. Dýrast er það hjá Hvelli
í Kópavogi þar sem fengust þau
svör að algengt verð væri um 8.000
krónur. Alls munar því 5.000 krón-
um á þessum tveimur verkstæðum.
Ein algengasta hjólaviðgerðin
er að gera við sprungið dekk. Eins
og áður segir gefa verkstæði upp
verð á slíkri viðgerð ýmist með
eða án nýrri slöngu. Algengt verð
á slöngu er um 1.200 krónur og því
er hægt að fullyrða að ódýrast er
að láta gera við sprungið dekk hjá
Reiðhjóla- og sláttuvélaþjónust-
unni ehf. að Vagnhöfða 6 en þar
kostar viðgerðin aðeins 2.000 krón-
ur með slöngu. Erfitt er hins vegar
að segja til um hvar dekkjaviðgerð
er dýrust því hjá Borgarhjóli kostar
hún að hámarki 4.050 krónur með
slöngu en hjá Hvelli var gefið upp
lágmarksverð 3.490 krónur með
slöngu. n
Kría Hjól ehf
n Almennar viðgerðir: 6.000 kr.
klukkutíminn
n Bjóða upp á tvo þjónustupakka, annar
kostar 6.000 kr. og hinn 15.000 kr.
n Sprungið dekk: 2.500 kr. með slöngu
Örninn
n Almennar viðgerðir: 6.700 kr.
klukkutíminn
n Yfirfara hjólið: 3.350 kr.
n Sprungið dekk: 2.865 kr. með slöngu
Borgarhjól
n Almennar viðgerðir: 3.600 kr.
klukkutíminn
n Yfirfara hjólið: 5.600 kr.
n Sprungið dekk: 3.190–4.050 kr.
með slöngu
Hjólasprettur
n Almennar viðgerðir: 6.000 kr.
klukkutíminn
n Yfirfara hjólið: 3.000 kr.
n Sprungið dekk: 1.500–2.000 kr. án slöngu
Hvellur
n Almennar viðgerðir: 6.278 kr.
klukkutíminn
n Yfirfara hjólið: Algengt verð í kringum
8.000 kr.
n Sprungið dekk: að lágmarki 3.490 kr.
með slöngu
Hjólið
n Almennar viðgerðir: 6.900 kr.
klukkutíminn
n Sprungið dekk: 3.050 kr. með slöngu
trI
n Almennar viðgerðir: 6.400 kr.
klukkutíminn
n Bjóða upp á þrjá þjónustupakka,
frá 3.990–14.900 kr.
n Sprungið dekk: 1.600 kr. án slöngu
everest
n Almennar viðgerðir: 6.500 kr.
klukkutíminn
n Yfirfara hjólið: 3.500 kr.
n Sprungið dekk: 2.500 kr. með slöngu
Markið
n Almennar viðgerðir: 7.800 kr.
klukkutíminn.
n Yfirfara hjólið: Algengt verð í kringum
5.850 kr.
n Sprungið dekk: 2.940 kr. með slöngu.
reiðhjóla- og
sláttuvélaþjónustan ehf.
n Almennar viðgerðir: 6.990 kr.
klukkutíminn
n Yfirfara hjólið: 4.000–6.000 kr.
n Sprungið dekk: 2.000 kr. með slöngu
Hjólaspítalinn
n Almennar viðgerðir: 7.938 kr.
klukkutíminn
n Yfirfara hjólið: 4.490 kr.
n Sprungið dekk: 3.500 kr. með slöngu
Hér geturðu farið með hjólið í viðgerðáslaug Karen Jóhannsdóttiraslaug@dv.is
Borgarhjól ódýrasta
reiðhjólaverkstæðið
n Verðkönnun á reiðhjólaverkstæðum í borginni n Talsverður verðmunur
Hjólaviðgerðir
Það er hægt að spara
talsvert á því að velja
ódýrasta verkstæðið.