Dagblaðið Vísir - DV - 17.06.2014, Blaðsíða 13
Vikublað 17.–19. júní 2014 Fréttir 13
Á
hvítasunnudaginn síð-
asta fóru sambýliskonurn-
ar Pino Becerra Bolaños og
Ásta Stefánsdóttir í göngutúr
við Bleiksárgljúfur í Fljóts-
hlíð. Svæðið þekkti Ásta vel enda
á fjölskylda hennar sumarbústað í
nágrenninu. Konurnar voru báðar
vanar göngukonur og höfðu mikla
ástríðu fyrir útivist. Á þriðjudag hafði
enginn heyrt frá þeim frá laugardags-
kvöldi og hófst eftirgrennslan þegar
þær skiluðu sér ekki í vinnu eftir
hvítasunnuhelgina. Á miðvikudags-
kvöld fannst Pino látin, en ekkert hef-
ur til Ástu spurst og þrátt fyrir mikla
leit hefur sérþjálfuðum leitarflokkum
ekkert orðið ágengt í leitinni.
30 metra fall
Á mánudag var ákveðið að draga
úr leit og hafa þess í stað virka vakt
með svæðinu áfram. Sveinn Krist-
ján Rúnarsson, yfirlögregluþjónn á
Hvolsvelli, segir að Ásta sé talin af í
ljósi aðstæðna. Krufning hefur leitt
í ljós að Pino drukknaði ekki eins og
talið var í fyrstu heldur lést af áverk-
um sem hún fékk við fallið. Lögregla
segir hana hafa fallið um 30 metra
fram af fossi í gljúfrinu. Björgunar-
sveitarmenn fundu Pino á þriðjudag
í vatninu í Bleiksárgljúfri. Fjölskyld-
ur Ástu og Pino eru harmi slegnar og
fjölskylda Ástu hefur beðist undan
viðtali vegna málsins.
Ástu er lýst sem hæglátri konu
sem var góð í samstarfi. Hún er 35
ára, lögfræðingur og búsett í Reykja-
vík. Hún hefur meðal annars starfað
hjá Héraðsdómi Reykjavíkur og við
Háskóla Íslands auk þess sem hún
aðstoðaði Pino við störf hennar á Ís-
landi. Pino var íþróttafræðingur sem
hélt úti Boot camp-líkamsræktarhópi
sem hittist í Hljómskálagarðinum við
æfingar. Einnig þjálfaði hún hlaupa-
hóp Stjörnunnar.
„Var hógvær og hlédræg“
„Hún er fluggáfuð stelpa, ótrúlega
góð. Hún er mjög hógvær og hlé-
dræg, það var ekkert auðvelt að kynn-
ast henni út af feimni hennar. Um
leið og ég fór að tala við hana þá var
það ekkert vandamál,“ segir fyrrver-
andi samstarfsfélagi Ástu, sem vann
með henni í Héraðsdómi Reykjavík-
ur. „Það var gott að leita til hennar og
fá hjálp ef maður var í vandræðum
með eitthvað. Hún var líka mjög dug-
leg í öllu sem hún tók sér fyrir hend-
ur,“ segir samstarfsfélaginn. Hún seg-
ir þó að Ásta hafi lítið talað um sína
persónulegu hagi í vinnunni og hún
hafi því lítið vitað um hana. „Hún hef-
ur ferðast um landið og þekkti það
ágætlega. Vegna þess er þetta enn
óskiljanlegra en það er nú,“ segir sam-
starfsfélaginn.
Lýstu ekki eftir henni
Það vekur athygli að ekkert hefur
verið auglýst eftir Ástu frá því að leit
hófst á þriðjudaginn fyrir viku síð-
an. Sveinn Kristján Rúnarsson, yfir-
lögregluþjónn á Hvolsvelli, segir að
fjölskylda konunnar hafi ekki ósk-
að eftir því að slíkt yrði gert og þá
hafi lögreglan ekki talið það sérstak-
lega nauðsynlegt. „Það er ekkert sem
bendir til að það sé neitt annað í gangi
en þetta slys og við höfum verið í sam-
bandi við foreldra hennar varðandi
myndbirtingu, þau stjórna því. Við
teljum það ekki höfuðatriði að slíkt sé
gert. Að öllu jöfnu er auglýst eftir fólki
ef ekki er talið að eitthvað saknæmt
hafi átt sér stað. Þetta er hins vegar
sérstakt mál. Það er allt sem bendir til
þess að hún sé þarna á svæðinu, sem
er mjög erfitt yfirferðar. Það er alveg til
í dæminu að jörðin hafi gleypt hana,
það eru alls konar holrými og eins
geta vötn haldið fólki í einhvern tíma
og skilað því svo frá sér,“ segir Sveinn
Rúnar í samtali við DV.
Þekkti svæðið vel
Bleiksárgljúfur skilur á milli tveggja
landareigna, Barkarstaða og Háa-
Múla. Ekki sést til Bleiksárgljúfurs
frá Háa-Múla en bústaðurinn sem
konurnar voru í eru á þeirri landar-
eign. Betur sést frá Barkarstaðarkoti,
sem er bústaður í landi Barkarstaða.
Samkvæmt heimildum DV var eig-
andi bústaðarins í honum en varð
ekki var við neitt óeðlilegt. Fjölskylda
konunnar á bústaðinn sem þær voru
í og segir Sveinn að staðurinn þar
sem fötin fundust sé ekkert sérstakur
fyrir fjölskyldunni.
Þau hafi ekki átt einhvern
ákveðinn stað í gljúfrinu þangað sem
gengið var og stokkið út í ána. „Þau
hafa gengið um svæðið þarna allt og
þekkja það mjög vel, enda hefur bú-
staðurinn verið í eigu fjölskyldunn-
ar lengi,“ segir Sveinn Kristján. Búið
er að fara í öll útihús og alla sumar-
bústaði sem eru á leitarsvæðinu en
þeir eru ekki margir. Í norðurátt tek-
ur hálendið við og þar er fjallaskáli,
sem einnig er búið að kanna. „Það er
búið að velta öllu við en það er ekk-
ert sem bendir til annars en að þetta
hafi verið slys,“ segir Sveinn Kristján.
Fótspor gáfu engar vís-
bendingar
Fótspor sem fundust gáfu lög-
reglunni engar vísbendingar og talið
er að þau séu ekki eftir Ástu. Það varð
niðurstaðan eftir að búið var að fara
vel yfir svæðið þar sem þau fundust,
en leitinni hefur nú verið beint ann-
að. Búið er að fara yfir leitarsvæð-
ið þrisvar sinnum og á mánudag
var farið að leita meðfram Markar-
fljóti og á Markarfljótsaurum. „Eins
og staðan er núna þá er afar ólíklegt
að við finnum konuna á lífi. Það lif-
ir þetta enginn af, fáklæddur í rúma
viku,“ segir Sveinn Kristján.
Enn sem komið er hefur Ásta þó
ekki verið úrskurðuð látin og Sveinn
Kristján segist ekki geta sagt til um
hvenær það verður gert, ef hún finnst
ekki. „Á svæðinu eru endalausar syll-
ur og ranghalar. Það er búið að kafa
á svæðinu þrisvar sinnum, skoða
allt eins og hægt er en maður get-
ur aldrei fullyrt neitt. Við vitum ekki
hvernig sandbotninn hegðar sér,
hvort hann lokar á einhverjar glufur
og hvort það þurfi að grafa á botnin-
um,“ segir Sveinn Kristján.
Ástríðufull íþróttakona
Pino Becerra Bolaños var 42 ára
íþróttafræðingur. Hún var fædd
í Sevilla á Spáni en fluttist ung til
Kanaríeyja. Þar stundaði hún nám og
íþróttir og menntaði sig í fræðunum.
Hún var mikil íþróttakona og þegar
hún fluttist til Íslands í mars síðast-
liðnum starfaði hún við íþróttaþjálf-
un. Bróðir Pino, Antonio Becerra,
lýsti harmi fjölskyldunnar í minn-
ingargrein í dagblaði á Kanaríeyjum
á föstudag.
„Hún verðskuldar ævisögu, verð-
skuldar að hennar sé minnst eins og
hún var – eins og náttúruafl. Hún
dó með þeim hætti sem náttúru-
öfl deyja – á óútskýrðan, undarlegan
hátt,“ sagði Antonio. „Hún var stór-
kostlegur íþróttamaður og betri þjálf-
ari – þeir sem hafa notið þess gleyma
því aldrei; ástríðufull kona og tilfinn-
inganæm, á köflum erfið, en alltaf
einlæg. Hún átti allt og var hamingju-
samari en flestir kunna að vera. Frá-
fall hennar skilur okkur orðlaus eftir,
án hennar nærveru, án hennar orða
eða ásýndar.“
Lentu í vandræðum vegna 17. júní
Bræður hennar áttu að koma til
landsins á mánudag til að hægt væri
að flytja Pino heim. Þeir ætluðu að
sinna þeim verkefnum sem þarf að
klára til að þeir geti flogið með hana
aftur til Kanaríeyja. Fjölskyldan hefur
óskað eftir því að Pino verði brennd
og báðu um að það yrði gert í dag, 17.
júní, eða eigi síðar en á miðvikudag.
Þar sem dagurinn er hátíðisdagur var
ekki hægt að verða við óskum bræðr-
anna og fjölskyldunnar og þurfa þeir
líklega að bíða fram í næstu viku þar
sem líkbrennsla fer aðeins fram á
þriðjudögum. Starfsmenn sendiráðs
Spánar á Íslandi eru fjölskyldunni
innan handar til þess að reyna að flýta
ferlinu svo þau geti farið heim eigi síð-
ar en á föstudag. Þegar fjölskyldan fer
aftur til Spánar verður haldin jarðar-
för fyrir Pino, að sögn bræðra hennar.
Bróðir hennar, Ángel Becerra, þakk-
ar sérstaklega auðsýndan hlýhug og
samúðarkveðjur sem þau hafa fengið.
Hafði mikil áhrif
Í maí hóf hún störf hjá hlaupahópi
Stjörnunnar í Garðabæ. Á skömm-
um tíma náði hún vel til hlauparanna
sem bera henni vel söguna. „Hlýleiki
hennar og einlægur áhugi á vellíðan
annarra snart mig,“ sagði Gunnar Ár-
mannsson hlaupari í pistli sem hann
birti til minningar um hana.
„Ég þekkti Pino aðeins í rétt um
mánuð. Engu að síður dugði það
henni til að hafa slík áhrif á mig að
mér finnst kær vinur hafa horfið á
braut,“ segir Gunnar. n
„Hún er fluggáfuð
stelpa, ótrúlega góð“
n Stórlega dregið úr leit við Bleiksárgljúfur n Íslenska konan talin af n Pino féll niður 30 metra
n Hvítasunnudagur 8. júní 2014
Það liggur fyrir að konurnar tvær fóru í
gönguferð við Bleiksárgljúfur í Fljótshlíð.
Talið er að Pino Becerra Bolaños hafi látist
þennan dag í Bleiksárgljúfri.
n Þriðjudagur 9. júní 2014
Leit hefst í Bleiksárgljúfri eftir að aðstand-
endur hafa samband við lögreglu. Ekkert
hafði heyrst frá konunum frá laugardags-
kvöldinu 7. júní 2014 og hófst eftirgrennslan
þegar þær mættu ekki til vinnu á þriðjudag.
Leit hófst seinnipart þriðjudags og allt að 90
leitarmenn kembdu svæðið. Föt kvennanna
fundust við hyl í Bleiksárgljúfri, en Bleiksár-
gljúfur skerst niður úr hálendinu ofan við
Fljótshlíð. Þyrla Landhelgisgæslunnar var
notuð við leitina.
n Miðvikudagur 10. júní 2014
Pino Becerra Bolaños finnst í Bleiksárgljúfri
í Fljótshlíð, um 25 metra frá Hvolsvelli,
að kvöldi þriðjudags. Kafarar fundu líkið
við sama hyl og föt kvennanna fundust.
Sérhæft leitarfólk, þar á meðal kafarar,
leitarhundar og gönguhópar fóru yfir svæðið
auk þess sem þyrla gæslunnar var enn við
störf. Sveinn Kristján Rúnarsson, yfirlög-
regluþjónn á Hvolsvelli, sagði að allar líkur
séu á að um slys hafi verið að ræða.
n Fimmtudagur 11. júní 2014
Leit er fram haldið við Bleiksárgljúfur og hef-
ur nú verið leitað í tvo sólarhringa fram undir
morgun. Mikill fjöldi hefur komið að leitinni.
Farið var vandlega yfir gljúfrið auk þess sem
radíus leitarinnar var um sex kílómetrar í
allar áttir. Lögregla taldi sig hafa fullleitað í
Bleiksárgljúfri en þá hafði kafari úr sérsveit
lögreglunnar sigið niður í gljúfrið og leitað
á bak við fossinn í gljúfrinu. Aðstæður í
gljúfrinu eru mjög erfiðar. Gljúfrið er bæði
þröngt og skuggsýnt. Áætlað er að hiti
vatns sé í kringum tvær gráður. Rannsakað
var hvernig vatnsstraumar bera hluti niður
Bleiksárgljúfur með þar til gerðri dúkku og
upplýsingarnar notaðar til að leiðbeina leit-
armönnum. Í ljós kom að dúkkan hefði getað
farið út í Markarfljót. Fótspor eftir berfætta
manneskju fundust um þremur kílómetrum
austan við Bleiksárgljúfur og voru það fyrstu
sporin sem fundust. Þau leiddu leitarmenn
um svæðið en íslenska konan fannst ekki.
n Föstudagur 14. júní 2014
Greint er frá því að konan sem lést í gljúfrinu
var Pino Becerra Bolaños. Bróðir hennar
ritar minningargrein um hana í dagblað á
Kanaríeyjum. Leit hélt áfram en reynist vera
árangurslaus.
n Laugardagur 14. júní 2014 og
sunnudagur 15. júní 2014
Leitarmenn á hestum frá Skagafirði bætt-
ust í leitarhópinn. Á laugardagskvöldi var
ákveðið að ef leitin bæri ekki árangur yrði
dregið úr henni á sunnudag og á mánudag.
Leitin hélt áfram á sunnudag en talsvert
færri leitarhópar voru að störfum.
n Mánudagur 16. júní 2014
Ákveðið var að hafa virkt eft ir lit og vakt með
leit ar svæðinu verður þó áfram um óákveðinn
tíma. Lögregla greindi frá því að Pino Becerra
Bolaños hafi látist eftir 30 metra fall í fossi
Bleiksárgljúfurs. Krufning hefur leitt þetta í
ljós. Bræður Pino boða komu sína til landsins
en þeir ætla að flytja ösku systur sinnar heim.
Tímafrek og erfið leit
Enn leitað Ásta þekkti svæðið vel.
Ásta Sigrún Magnúsdóttir
Rögnvaldur Már Helgason
astasigrun@dv.is / rognvaldur@dv.is „Þetta er
hins vegar
sérstakt mál
Dregið
úr leitinni
Ásta er há og grönn, um
1,80 m á hæð með ljós-
skollitað hár. Lögreglan
biður alla þá sem voru
á ferð í Fljótshlíð, á
svæðinu innan við
Múlakot, frá því á
laugardagskvöld og
fram á mánudagskvöld,
að hafa samband í
síma 488-4110 eða á
sveinnr@logreglan.is.
Harmdauði Pino Becerra Bolaños var vinsæll
íþróttaþjálfari. Mynd ÚR EinkaSaFni