Dagblaðið Vísir - DV - 02.09.2013, Blaðsíða 8

8 Fréttir 2. september 2013 Mánudagur
vitni segist
hafa logið
B
ergur Már Ágústsson, lyk-
ilvitni í alvarlegu líkams-
árásarmáli gegn þeim Ann-
þóri Karlssyni og Berki
Birgissyni, hefur dregið
framburð sinn til baka og segist hafa
borið ljúgvitni fyrir dómi. Bergur
mætti í skýrslutöku að kröfu ríkissak-
sóknara fyrir Héraðsdóm Suðurlands
síðasta föstudag og sagðist hafa bor-
ið vitni undir áhrifum fíkniefna.
Fórnarlamb grófrar
líkamsárásar
Bergur var fórnarlamb grófrar lík-
amsárásar að kvöldi 4. janúar 2012
og hlaut mjög alvarlega áverka. Þver-
brot í gegnum sköflunginn á hægri
fótlegg og 6 sentimetra opinn skurð
á sköflungnum, brot á hægri hnéskel
og bólgu í kringum hnéð, fjölda yfir-
borðsáverka á fótlegg, úlnliðum og
handleggjum.
Bergur bar vitni gegn Annþóri
og Berki við fyrirtöku málsins og
voru þeir ásamt sjö öðrum sakfelld-
ir fyrir aðild sína að líkamsárásinni
ásamt öðrum brotum í Héraðsdómi
Reykjaness í desember síðastliðnum.
Fyrir dómi hafði Bergur borið að þeir
hefðu ráðist inn í íbúð í Mosfellsbæ
vopnaðir sleggju, golfkylfu og hafna-
boltakylfu.
Segist ekki vita hver
fótbraut hann
Bergur segist nú hafa greint rangt
frá vegna mikils þrýstings frá lög-
reglunni og undirheimum. Lög-
reglan hafi margsinnis komið heim
til hans og beðið hann um að kæra
Börk og Annþór fyrir líkamsárásina.
Ekkert hafi verið minnst á aðra sem
tengdust málinu. Greindi Bergur
frá því að ljóst hafi verið að lögregla
hafi viljað taka þá félaga úr umferð.
Þá sagðist hann líka hafa orðið fyrir
þrýstingi frá undirheimum en neit-
aði að nefna nöfn.
Í niðurstöðu dómsins sem féll í
desember segir að hafið sé yfir allan
vafa að ákærðu hafi sammælst um
að fara í Mosfellsbæ í þeim tilgangi
að ráðast á húsráðanda og að Börk-
ur og Annþór hafi verið með í þeirri
ákvörðun.
Bergur sagðist á föstudag ekki
hafa hugmynd um hver veitti honum
alla þá alvarlegu áverka sem hann
hlaut. Hann sagðist þó handviss um
að þeir Annþór og Börkur hafi engan
lamið og þeir hafi verið óvopnaðir á
staðnum. Bergur segist enn fremur
hafa haft áhrif á framburð annarra
vitna: „Já, ég náttúrulega talaði við
þá áður en ég kærði þá (Annþór og
Börk) þannig að þeir sögðu þá bara
svipaða sögu og ég hafði sagt. Ég
algjörlega stjórnaði því sem þeir
sögðu.“
Langur brotaferill Annþórs
og Barkar
Annþór hlaut sjö ára fangelsisdóm
en Börkur var dæmdur í sex ára fang-
elsi. Við ákvörðun refsingarinn-
ar er litið til langs brotaferils þeirra
beggja. Annþóri, sem er 36 ára, hef-
ur fyrir utan þessi brot verið fjórum
sinnum áður gerð refsing fyrir lík-
amsárásir, fimm sinnum fyrir þjófn-
að og nytjastuld og tvisvar fyrir stór-
felld fíkniefnalagabrot. Hann hefur
auk þess þrisvar rofið skilorðsdóma
og þrisvar rofið reynslulausn.
Brotin sem Annþór var dæmd-
ur fyrir framdi hann á reynslulausn.
Í dóminum segir að hann eigi sér
engar málsbætur og að fyrri dóm-
ar virðist engin varnaðaráhrif hafa.
Engin skilyrði eru að mati dómsins
til að skilorðsbinda refsinguna sem
hann er nú dæmdur til.
Börkur, sem er 33 ára, hefur sjö
sinnum hlotið refsidóma frá árinu
1997, en þá var hann dæmdur í 18
mánaða fangelsi fyrir hótun og stór-
fellda líkamsárás. Hann hefur síðan
ítrekað verið dæmdur fyrir sérstak-
lega hættulegar líkamsárásir auk til-
raunar til manndráps, en fyrir hana
hlaut hann rúmlega sjö ára fangels-
isdóm árið 2005. Dómurinn segir
hann engar málsbætur eiga sér. Þeir
hafa nú í rúmt ár verið vistaðir á sér-
stökum öryggisgangi á Litla-Hrauni,
fjarri öðrum föngum. Í júnímánuði
síðastliðnum gaf ríkissaksóknari út
enn eina ákæruna á hendur þeim
fyrir stórfellda líkamsárás, en þeim
er gefið að sök að hafa í sameiningu
veist með ofbeldi að fanga á Litla-
Hrauni og veitt honum högg sem
leiddi til dauða hans í maí í fyrra.
Vitnum hótað
„Ég var frekar ruglaður. Búinn að
vera í dagneyslu svona sirka í þrjú
ár,“ sagði Bergur um ástandið sem
hann var í þegar hann bar vitni.
Óljóst er hvaða afleiðingar það
mun hafa að Bergur dregur vitnis-
burð sinn til baka. Lögreglumað-
ur sem kallaður var til skýrslugjaf-
ar við fyrirtöku málsins lýsti þeim
veruleika að vitnum, sakborning-
um og fjölskyldum þeirra hafi verið
hótað ef framburði yrði ekki breytt
við aðalmeðferð málsins í desem-
ber í fyrra.
„Hann vildi ekki breyta fram-
burði sínum en þorði ekki annað,“
sagði lögreglumaðurinn um eitt
vitnið sem var hótað með byssu.
Þá var tengdamóður eins sak-
bornings hótað og hún beðin að
koma þeim skilaboðum til hans
að annaðhvort væri hann vinur
þeirra, Annþórs og Barkar, eða lög-
reglunnar. n
n Bergur Már Ágústsson dregur framburð sinn til baka n Vitnum hótað
„Ég var frekar rugl-
aður, búinn að
vera í dagneyslu.
Sveinn Andri Sveinsson, hæstarétt-
arlögmaður, og verjandi Annþórs hefur
borið saman endurrit, eða samantektir
lögreglumanna sem unnar eru upp úr yfir-
heyrslum á sakborningum og upprunalegan
framburð á mynddiskum. „Sýnt hefur
verið fram á að endurritin eða samantektir
lögreglumannanna eru alls ekki í samræmi
við yfirheyrslurnar sjálfar. Það sýnir galla
þessa kerfis. Það er slæmt að dómarar og
verjendur geti ekki treyst því að það sem
fram kemur í endurritinu sé rétt,“ segir
Sveinn Andri.
Við aðalmeðferð í Héraðsdómi
Reykjaness bentu verjendur tvímenning-
anna á ákveðið misræmi í yfirheyrslunum
sjálfum annars vegar og endurritinu hins
vegar. Skoruðu þeir á að dómari færi í gegn-
um mynddiskana til að sjá þá meinbugi sem
þeir fullyrtu að væru á endurriti lögreglunn-
ar. Dómari varð ekki við þeirri áskorun.
Í mynddiskunum, sem blaðamaður
hefur undir höndum er á nokkrum stöðum
fullyrt við sakborninga að ákveðnar stað-
reyndir liggi fyrir í málinu, sem verjendur
hafa bent á að sé alfarið rangt. Þetta er að
mati verjenda dæmi um yfirheyrsluaðferðir
sem ekki eru lögum samkvæmt.
Eitt dæmi þar sem framburði sakborn-
ings virðist einfaldlega breytt í endurriti
er í yfirheyrslu yfir Viktori, einum þeirra
tíu sem sitja nú í fangelsi vegna aðildar
að málinu. Í upptökunni á mynddiski segir
rannsóknarlögreglumaður eftirfarandi:
„Geturðu sagt mér hverjir voru þarna með
þér og þú ert búinn að nefna þarna Börk,
Annþór, Smára og Simba.“
Sakborningur: „Já. Jón Ólafur.“
Rannsóknarlögreglumaður: „Kaj.“
Sakborningur: „Og Kaj, Sindri og Viggó.“
Rannsóknarlögreglumaður: „Jón Ólafur og
Sindri og Viggó?“
Sakborningur: „Já.“
Í samantekt lögreglu segir hins vegar að
rannsóknarlögreglumaður hafi spurt:
„Hverjir voru þátttakendur í árásinni og
voru með þér þarna á vettvangi.“ og þá hafi
sakborningur svarað: „Það voru Annþór,
Börkur, Kaj, Viggó, Jón Óli, Sindri, Simbi
og Smári auk mín.“ Hins vegar, líkt og sést
hér að ofan, spyr hann aldrei um hvaða
„árásarmenn“ heldur einungis hverjir voru
þarna á vettvangi.
Hér virðist gengið út frá því að hafi
menn verið á vettvangi jafngildi það því að
vera árásarmaður. Á þetta hafa verjendur
bent.
Stefán Eiríksson, lögreglustjóri, segist ekki
geta svarað fyrir um einstök málsatriði og
bendir á að dómur sé fallinn í málinu sem
um er rætt.
Lögregla gagnrýnd
n Lögmenn Annþórs og Barkar segja misræmi í
yfirheyrslum og endurriti lögreglu
Dró framburð sinn til baka
„Ég algjörlega stjórnaði því
sem þeir sögðu,“ sagði Bergur á
föstudaginn um framburð sinn og
annarra vitna í fyrirtöku málsins í
desember í fyrra. Sagðist hann ekki
einungis hafa logið heldur hafa
haft samráð við önnur vitni.
Mikill viðbúnaður Mikill viðbúnaður var
við aðalmeðferð málsins og lögreglumaður
vitnaði um að fjölmörgum vitnum og sak-
borningum hefði verið hótað ef þeir breyttu
ekki framburði sínum.
Í öryggisgæslu Þeir Annþór og Börkur
hafa nú í rúmt ár verið vistaðir á sérstökum
öryggisgangi á Litla-Hrauni, fjarri öðrum
föngum.