Dagblaðið Vísir - DV - 02.09.2013, Blaðsíða 14

Sandkorn
H
áskóli Íslands er kominn út
á hálar brautir þegar stjórn­
endur hans láta stjórnast af
geðþótta við ráðningar starfs­
manna og fyrirlesara. Í síð­
ustu viku varð uppnám innan skólans
þegar gagnrýnt var að Jón Baldvin
Hannibals son, fyrrverandi utanríkis­
ráðherra, hefði verið ráðinn sem
fyrirlesari um alþjóðastjórnmál. Á
undraskömmum tíma var ákveðið að
afturkalla ráðninguna vegna dónabréfa
sem Jón Baldvin, skrifaði ungri frænku
sinni fyrir allmörgum árum. Á þeim
tíma var hann utanríkisráðherra og var
framkoma hans við stúlkuna einkar
ósiðleg og henni þungbær.
Mál Jóns Baldvins og stúlkunnar
rataði inn á borð yfirvalda sem sáu ekki
möguleika á sakfellingu og létu það
niður falla. Sjálfur hefur Jón Baldvin
viðurkennt að framkoma hans hafi
verið ósiðleg og beðist fyrirgefningar.
Stúlkan vill ekki fyrirgefa. Eins og stað­
an er núna er hann uppvís að siðferðis­
bresti en hann er saklaus samkvæmt
reglum réttarríkisins. Hann hefur ekki
brotið íslensk lög. Niðurstaðan er
mannorðsmissir hans.
Háskóli Íslands hefur ekki þótt
vandur að virðingu sinni. Jón Baldvin
gefur til kynna í varnargrein sinni í
síðustu viku að innan veggja skólans
komist menn upp með ritþjófnað. Þar
er hann er hann væntanlega að vísa til
þess að Hannes Hólmsteinn Gissurar­
son prófessor hlaut dóm fyrir að nota
verk Halldórs Laxness án þess að geta
heimilda með eðlilegum hætti. Staða
prófessorsins við skólann breyttist ekk­
ert við dóminn. Hann fékk ekki einu
sinni áminningu. Það mál og brott­
vísun Jóns Baldvins sýna að geðþótti
er ríkjandi hjá æðstu stjórn Háskóla
Íslands. Mistök skólans í upphafi voru
að ráða Jón Baldvin í upphafi. Frá því
hann var ráðinn og þar til hann var rek­
inn kom ekkert nýtt fram.
Á undanförnum árum hafa komið
fram nokkur meint kynferðisbrotamál
þar sem sekt hefur ekki verið sönnuð
en menn sitja eftir laskaðir. Séra Gunn­
ar Björnsson hraktist úr embætti sínu á
Selfossi eftir að hafa verið borinn þeim
sökum að hafa sært blygðunarkennd
unglingsstúlkna. Hann var sýknaður
fyrir dómi en missti embættið eigi að
síður. Gunnar Þorsteinsson, forstöðu­
maður Krossins, var borinn svipuðum
sökum af hópi kvenna. Hann hefur ekki
í neinu verið sakfelldur en missti starf
sitt í kjölfar málanna. Egill Gillzenegger
Einarsson var kærður ásamt kærustu
sinni fyrir að nauðga ungri stúlku sem
parið tók með sér heim. Því máli var á
endanum vísað frá þar sem sök þótti
ekki sannanleg. Í framhaldinu kærði
Egill stúlkuna fyrir rangar sakargiftir.
Því máli var einnig vísað frá.
Mál Egils og Jóns Baldvins eru lík
að því leytinu til að þeir sitja báðir uppi
með mannorðsmissi vegna þess að þeir
gengu þannig fram gagnvart ungum
stúlkum að fólki er misboðið. En þeir
eru báðir saklausir í skilningi laganna
og það er óboðlegt að meðhöndla þá
eins og seka menn. Afgreiðsla Háskóla
Íslands á Jóni Baldvin er með þeim
hætti að eðlilegt er að einhver þar inn­
andyra axli ábyrgð. Geðþóttaákvarð­
anir mega ekki eiga sér stað við stjórn
æðstu menntastofnunar þjóðarinnar.
Uppreist Jóns
n Jón Baldvin Hannibalsson,
fyrrverandi utanríkisráð­
herra, á ekki sjö dagana sæla
í heimalandinu þar sem
syndir fortíðarinnar verða
honum að fótakefli. Há­
skóli Íslands afturkallaði þá
ákvörðun að láta Jón Baldvin
kenna á námskeiði um al­
þjóðastjórnmál. Þetta gerð­
ist í kjölfar háværra mót­
mæla femínista. En nú hefur
hlaupið á snærið hjá gamla
ráðherranum sem ráðinn
hefur verið til þess að kenna
við háskólann í Tartu í Eist­
landi næsta vor. Hann fær
því nokkra uppreist æru.
Skúli seigur
n Skúli Mogensen þykir hafa
unnið kraftaverk í rekstri
WOW air sem tapaði tæplega
800 milljón­
um króna á
síðasta ári en
hefur hagn­
ast um 184
milljónir
króna fyrstu
sjö mánuði
þessa árs. Skúli yfirtók
rekstur Iceland Express, sem
undir stjórn Pálma Haralds-
sonar í Fons hafði verið í
gríðarlegu tapi. Nú virðist
sem sameinað flugfélag geri
góða hluti.
Vandamálið horfið
n Viðskipti ársins áttu sér
stað á dögunum þegar Ingi-
björg Björnsdóttir, ekkja Árna
Vilhjálms-
sonar, seldi
allan hlut
sinn í Granda
og tengdum
fyrirtækjum
til Kristjáns
Loftssonar.
Víst er að Kristjáni er létt við
að losna við meðeigand­
ann. Í sumar vakti gríðarlega
athygli þegar Birna, dótt­
ir Árna heitins, lýsti andúð
sinni á hvalveiðibrölti Krist­
jáns. Hermt er að Ingibjörg
sé sammála dóttur sinni. Nú
hefur vandamálinu verið
bægt frá með því að milljarð­
ar króna fara frá Kristjáni til
erfingja Árna.
Pólitískur
vergangur
n Togarajaxlinn tannhvassi,
Björn Valur Gíslason, er á póli­
tískum vergangi eftir að hafa
ekki náð kjöri
í þingkosn­
ingunum.
Innan flokks
er hann
fremur um­
deildur sem
varaformað­
ur. Það er því ljóst að hann
þarf að styrka stöðu sína.
Orðrómur er uppi um að
hann hyggist hasla sér völl í
bæjarmálunum á Akureyri
og ná þar fyrsta sæti á lista
í sveitarstjórnarkosningun­
um í vor.
Ég trúi því að við
getum breytt þessu
Ekki tilbúin að
tjá mig um þetta
Kristín Tómasdóttir heldur sjálfstyrkingarnámskeið fyrir stelpur. – DV Guðbjörg Matthíasdóttir neitaði að ræða togarakaup. – DV
Jón Baldvin og Gillz„Háskóli Ís-
lands hefur
ekki þótt vandur að
virðingu sinni.
M
ágkona mín er grunnskóla­
kennari að mennt. Áður en
hún flutti til Íslands kenndi
hún yngstu bekkjum í Dan­
mörku. Eitt árið voru mörg börn af
erlendum uppruna í bekk hjá henni.
Þetta var 2. bekkur. Við lok hans
var lagt fyrir stöðupróf í lestri. Að­
eins nokkur börn höfðu tök á því að
lesa samfelldan texta sér til gagns.
Hún tók niðurstöðurnar nærri sér og
fannst eins og hún hefði ekki staðið
sig sem kennari þeirra.
Samkennari hennar var hins
vegar á öðru máli. Hann hughreysti
hana og benti henni á að bekkurinn
hefði náð stórkostlegum framför­
um í félagsfærni, samskiptum á
dönsku, myndmennt, útiveru, söng
og vináttu. Þetta var góður bekkur
og nemendur höfðu sterka og góða
sjálfsmynd, voru forvitnir og kátir.
Lestrarkunnáttan kæmi … bara að­
eins seinna en krafist var.
Nemendur hennar lásu líka mynda­
bækur og það var lesið fyrir þá. Þeir
nutu þess. Samkennarinn hafði engar
áhyggjur. Með þessu frjóa og hvetj­
andi námsumhverfi sem mágkona mín
hafði skapað þá ætti lestrarprófið bara
að vera viðmiðunartæki – enda mældi
það bara afmarkaðan þátt af því sem
færi fram í kennslustofunni.
Og þannig er það.
Ekki vænlegt markmið
Lestrarskimun er verkfæri kennara
til að sjá hvar börnin standa í lestri.
Læsiskunnátta þeirra er ekki mæld.
Aðeins hefðbundin lestrarkunnátta.
Það er misjafnt hvernig börn þroskast
og hvernig þau læra að lesa. Lestrar­
skimunarpróf í 2. bekk geta gefið vís­
bendingar um lestrartregðu eða les­
blindu en ætti ekki að vera afmarkaður
mælikvarði þegar við ræðum um lestur
og læsi barna. Ofuráhersla á að börn
eigi að vera fluglæs fyrir tiltekinn aldur
er ekki vænlegt markmið. Við þurfum
að hlusta á börn og hvetja þau, lesa
fyrir þau myndabækur og textabækur
og þroska með þeim heilbrigt viðhorf
til lesturs. Foreldrar þurfa að vera dug­
legir að lesa með börnum og fyrir börn
og þeir þurfa að vera þeim fyrirmynd.
Mestu skiptir að þeim líði vel
Þó lestrarkunnátta sé undirstaða
náms og mikilvægt að börn geti les­
ið sér til gagns þá þýðir ekkert að ör­
vænta þó 63% barna geti lesið sér
til gagns við lok 2. bekkjar í Reykja­
vík í dag. Hin 37% munu eflaust ná
sér eflaust á strik við lok 3. bekkjar –
samkvæmt stöðlum. Það sem er fyrir
mestu er að þeim líði vel í skólanum,
eigi vini og fái tækifæri til að þjálfa fé­
lagsfærni sína og hæfileika á sínum
forsendum. Hitt kemur þá áður en við
vitum af.
Höfundur er varaborgarfulltrúi í
Reykjavík.
Ofuráhersla á
læsi sjö ára barna
Útgáfufélag: DV ehf. Stjórnarformaður: Þorsteinn Guðnason Ritstjóri: Reynir Traustason (rt@dv.is) Aðstoðarritstjóri: Ingibjörg Dögg Kjartansdóttir (ingibjorg@dv.is) Fréttastjóri menningar: Símon
Birgisson (simonb@dv.is) Ritstjórnarfulltrúi: Ingi Freyr Vilhjálmsson (ingi@dv.is) Umsjónarmaður helgarblaðs og innblaðs: Kristjana Guðbrandsdóttir (kristjana@dv.is) Framkvæmdastjóri og
vefstjóri DV.is: Jón Trausti Reynisson (jontrausti@dv.is) Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 2. september 2013 Mánudagur
Leiðari
Reynir Traustason
rt@dv.is
Kjallari
Líf
Magneudóttir
„Ofuráhersla á að
börn eigi að vera
fluglæs fyrir tiltekinn aldur
er ekki vænlegt markmið.