Dagblaðið Vísir - DV - 02.09.2013, Blaðsíða 20
20 Lífsstíll 2. september 2013 Mánudagur
Holl uppskera í september
n 3 fæðutegundir sem gera ykkur gott
Í
september gefst okkur kostur á að
njóta ferskrar og lífrænnar fæðu
sem gerir okkur gott. Ekki missa af
þessum þremur hollu grænmetis-
tegundum í haust: Sætum kartöflum,
spergilkáli og rauðrófum.
Sætar kartöflur
Af hverju eru þær góðar?
Sætar kartöflur innihalda flókin kol-
vetni og trefjar. Þær eru ríkar af A-
vítamíni sem styrkir ónæmiskerfið
og þá er beta karótín gott gegn bólg-
um.
Hvernig er best að njóta þeirra?
Best er að baka sætar kartöflur eða
gufusjóða. Það má útbúa úr þeim
nokkurs konar hummus með ólífu-
olíu,tahini, hvítlauk og sítrónusafa
og nota ofan á flatbökur eða sem
ídýfu. Slík ídýfa geymist í vikutíma í
ísskáp.
Spergilkál
Af hverju er það gott?
Spergilkál inniheldur mikið af
andoxunarefnum, C-vítamíni og
steinefnum. Það er talið veita vörn
gegn krabbameini og styrkja bein.
Það hefur einnig góð áhrif á hjarta-
heilsu og styrkir ónæmiskerfið.
Hvernig er best að elda spergilkál?
Best er að borða það hrátt, þá má
setja það í blandarann og í heilsu-
drykki, grilla, sjóða eða steikja á
pönnu eða rífa í salat.
Rauðrófur
Af hverju eru rauðrófur frábærar?
Rauðrófur eru góðar gegn bólgum í
líkamanum og því góð forvörn gegn
krabbameini og öðrum sjúkdómum.
Það er sannað að rauðrófur lækka
blóðþrýsting og þá eru þær ríkar af
andoxunarefnum, kalki og steinefn-
um.
Hvernig er best að borða rauðróf-
ur?
Rauðrófum má blanda í heilsu-
drykki, þeir verða við það fagurbleik-
ir. Þær má steikja, gufusjóða, rífa nið-
ur eða grilla. Margir halda að það
megi ekki borða þær hráar. n
Missir sjálfsvirðingu
á lágbotna skóm
n „Fortíð mín er eitt stórt tískuslys“ n Gönguskór í uppáhaldi
B
jörk Björk Eiðsdóttir lauk BA-
prófi í fjölmiðlafræði við há-
skóla í Bandaríkjunum árið
2006 og hefur starfað við
fjölmiðla æ síðan. Nú síðast
starfaði hún sem ritstjóri Séð og heyrt
en hún sagði því starfi upp í byrjun
sumars og vinnur nú hörðum hönd-
um að því að gefa út sitt eigið tímarit
ásamt Elínu Arnar.
Blaðamaður DV hitti Björk yfir
kaffibolla á Höfðatorgi, þar sem hún
hefur skrifstofu.
Segðu mér frá nýja verkefni þínu?
„Nú vinn ég hörðum höndum
að því að láta stóra drauminn ræt-
ast, en tímaritið okkar Elínar Arnar,
fyrrverandi ritstjóra Vikunnar, MAN
Magasín mun líta dagsins ljós þann
5. september næstkomandi. Ásamt
okkur starfa hjá tímaritinu Sunna Jó-
hannsdóttir framkvæmdastjóri og
Auður Húnfjörð auglýsingastjóri. Við
höfum svo fengið fleira úrvals fólk til
að leggja okkur lið í fyrsta tölublaði og
get ég ekki beðið eftir að fá fyrsta ein-
tak í hendurnar enda veit ég að þessi
frumburður verður vel lukkaður!“
Þér er boðið á stefnumót með 30
mínútna fyrirvara. Hvað gerir þú og í
hvað ferðu?
„Það þýðir ekkert að hringja í mig
með 30 mínútna fyrirvara enda dag-
skráin þéttsetin flesta daga og kvöld.
Ég afþakka því pent og langar hvort
eð er ekkert að vita hvað varð til þess
að maðurinn stóð uppi deitlaus á
síðustu stundu, hvað þá síður hvers
vegna hann fékk á flugu í höfuðið að
hringja í mig.“
Í hverju myndir þú alls ekki láta
sjá þig?
„Lágbotna skóm! Ég hreinlega
missi sjálfsvirðinguna án hælanna
og finnst ég varla hafa atkvæðisrétt.
Þeir einu sem hafa séð mig á lágbotna
eru fjallgöngufélagar mínir en þeir
hafa líka séð svo ótal margt annað
að sjálfsvirðingin er fyrir löngu fokin
gagnvart þeim.“
Einhver tískuslys af þinni hálfu í
fortíðinni?
„Fortíð mín er eitt stórt tískuslys
og ég var lengi vel dæmalaust fórnar-
lamb tískunnar! Efst í huga er líklega
pallíettukjóll með hettu, kóngablátt
pils sem hefði getað misskilist sem
belti og stuttur rennilásaleðurjakki
sem fékk föður bestu vinkonu minn-
ar til að afskrifa mig við fyrstu sýn og
banna henni að „leika við mig.“ Sem
betur fer sá hann síðar góðmennsk-
una sem leyndist undir leðrinu. Takk
fyrir trúna Bjössi!“
Dýrmætasta flíkin í fata-
skápnum er?
„Viking-gönguskórnir sem hafa
komið mér í hæstu hæðir eru dýr-
asti fatnaður sem ég hef eignast. Við
eigum þó í svolitlu ástar/haturssam-
bandi því þeir eru enn að valda mér
hælsæri, en ég teipa mig bara í bak og
fyrir – og neita að gefast upp upp gegn
70 þúsund króna skóm! Svo elska ég
Cintamani-skelina sem bróðir minn
gaf mér í afmælisgjöf meira en allar
flíkur þessar heims. Hún er ekki bara
hlý og góð heldur einnig undurfögur.
Ég eyði bara peningum í útivistarföt,
restin er allt eitthvert ódýrt drasl sem
endist ekki neitt og þolir engin veður.“
Best að borða?
„Það er aðeins ein leið að matar-
hjarta mínu og það vita allir sem eitt-
hvað þekkja mig: Spicy chicken! “
Hvenær djammaðir þú síðast, hvar
og með hverjum?
„Það var nú bara á föstudaginn fyr-
ir viku með vinkonum mínum Mörtu
Maríu og Ellý Ármanns. Þetta kvöld
var merkilegt að mörgu leyti en við
sögu kom m.a.: Karókí, kynlífshjúkka,
búningaskipti, bolla, partítjald og
stórkostleg tjáning í dansi. Það var
stuð: það veit guð og allir snapchat
vinir mínir!“
Hvað finnst þér óaðlaðandi í fari
fólks?
„Yfirlæti, níska og fýlugirni.“
Hvað finnst þér aðlaðandi?
„Húmor! Já, og svo að kunna eitt-
hvað sem ég kann alls ekki, eins og
stærðfræði, að spila á hljóðfæri eða
tala frönsku.“
Það fyrsta sem þú gerir þegar þú
vaknar er?
„Snooza í 5 mínútur …“
Dekur er?
„Bjarkarlundur; bústaðurinn
hans pabba, heitur pottur, stjörnu-
bjartur himinn og rauðvínsglas. Já og
tásunudd!“
Næst á dagskrá?
„Að koma 138 blaðsíðum af feg-
urð og fróðleik í prentun í formi
glæsilegs glanstímarits! Halda brjál-
að útgáfuteiti, sofa og rifja svo upp
gömul og góð kynni við börnin mín
og hlaupabrettið í Laugum.“ n
Þolir ekki fýlupúka Björk Eiðsdóttur
finnst húmor aðlaðandi og þolir illa fólk
sem fer í fýlu. Hún viðurkennir fjölmörg
tískuslys, á meðal þeirra verstu er pall-
íettukjóll með hettu. Mynd KRiStinn MagnúSSon
Flúraðar
fyrirsætur
Áður fyrr átti fyrirsæta alsett húð-
flúri varla séns í bransanum. Nú
færist í vöxt að þær beri stór og
áberandi flúr.
Safnar haus-
kúpum
Ira Chernova
er 25 ára fyr-
irsæta frá
Rússlandi
og ein að-
alfyrirsæta
í nýrri Dies-
el-gallabuxna-
herferð. Hún er
ekki með tölu á þeim húðflúrum
sem hún ber.
„Ég safna hauskúpum, haus-
kúpan inni í lófanum er af úlfi.
Fyrir ofan á fingrunum eru flúrað
orðið Varúlfur. Rétt fyrir neðan er
fjögurra blaða smári, merki um
lukku,“ segir Ira í viðtali við Style.
com og segist líta á flúrið sem
hluta af sjálfri sér. „Öll þeirra eiga
sér sögu og ástæðu jafnvel þótt
þau hafi ekki sérstaka merkingu
þá eru þau minningar og til merk-
is um lífsreynslu sem ég hef geng-
ið í gegnum.“
Alin upp í hermenningu
Fyrirsætan Emily Shephard er frá
Kaliforníu, einnig 25 ára. Hún fékk
sér fyrsta húðflúrið aðeins 18 ára
og segist hafa verið hugfangin af
þeim síðan í æsku. „Ég er alin upp
í hermannsfjölskyldu, og þar eru
húðflúr hluti af menningunni,
sér í lagi í sjóhernum. Mér finnst
ég tilheyra Bandaríkjunum enn
frekar með þessi húðflúr.“
Hún segist ekki í neinum vand-
ræðum með vinnu í bransanum.
„Það hefur verið tekið vel á móti
mér í fyrirsætubransanum, ef eitt-
hvað vinnur gegn mér, þá er það
ekki húðflúrið, heldur hæð mín.“
Með pólítísk
tískuflúr
Emily er með
fjölmörg
húðflúr sem
minna á
tískuiðnað-
inn. „Ég er
með merki
Chanel og YSL
af pólitískum ástæð-
um,“ segir hún og vísar í
að Coco hafi verið hluti
af byltingu kvenna fyrir frekari
réttindum. „Það er henni að þakka
að ég get verið í sundfatnaði og
látið sjást í óléttubumbuna ef ég
verð ólétt. Áður var tískan sniðin
að feðraveldinu.“
Íris Björk Jónsdóttir
blaðamaður skrifar iris@dv.is