Dagblaðið Vísir - DV - 11.09.2013, Blaðsíða 18

18 Sport 11. september 2013 Miðvikudagur
Tvö prósent
vilja ekki Messi
Í könnun sem gerð var á með­
al stuðningsmanna Barcelona
kom fram að tvö prósent stuðn­
ingsmanna vildu ekki sjá Lionel
Messi, besta knattspyrnumann
heims, í liðinu. Þetta segir for­
seti Barcelona, Sandro Rosell,
en könnunin var gerð fyrir
skemmstu. Messi, sem af mörgum
er talinn besti knattspyrnumaður
sögunnar, hefur á ferli sínum með
Barcelona skorað 318 mörk í 383
leikjum, þar af 138 mörk í síðustu
114 leikjum. „Ég væri alveg til í að
kynnast þessum tveimur prósent­
um,“ sagði Rosell um niðurstöð­
ur könnunarinnar en ekki kemur
fram hversu stórt úrtakið var.
Nani sáttur með
nýjan samning
Portúgalinn Nani hjá Englands­
meisturum Manchester United er
staðráðinn í að sanna sig eftir að
hafa skrifað undir nýjan fimm ára
samning á dögunum. Margt benti
til þess í sumar að Nani yrði seldur
frá United en óstöðugleiki hefur
einkennt spilamennsku hans hjá
United undanfarin ár. „Ég er mjög
ánægður að þetta sé loksins komið
á hreint. Það er erfitt þegar framtíð
manns er í lausu lofti en nú get ég
einbeitt mér hundrað prósent að
því að vera leikmaður Manchester
United,“ segir Nani.
Stuðnings-
menn ætla
að mótmæla
Stuðningsmenn Newcastle í ensku
úrvalsdeildinni ætla að mótmæla
slökum árangri félagsins á leik­
mannamarkaðnum í sumar fyrir
heimaleik liðsins gegn Liverpool
þann 19. október næstkomandi.
Eini leikmaðurinn sem gekk í raðir
Newcastle í sumar var Loic Remy
sem kom á lánssamningi frá QPR.
Stuðningsmenn Newcastle hafa
áhyggjur af gengi félagsins en liðið
var nálægt því að falla í fyrra. Þá
hefur spilamennska liðsins í fyrstu
leikjum ensku úrvalsdeildarinnar
ekki þótt lofa sérstaklega góðu.
Newcastle er með fjögur stig eftir
fyrstu þrjár umferðirnar.
Staðan í riðlinum
Leikir Markatala Stig
Sviss 8 14 5 18
Ísland 8 14 14 13
Slóvenía 8 11 10 12
Noregur 8 9 9 11
Albanía 8 8 9 10
Kýpur 8 4 13 4
Leikir sem eru eftir
n 11. okt. Slóvenía – Noregur
n 11. okt. Albanía – Sviss
n 11. okt. Ísland – Kýpur
n 15. okt. Noregur – Ísland
n 15. okt. Sviss – Slóvenía
n 15. okt. Kýpur – Albanía
Í
sland á fína möguleika á að kom­
ast í umspil um sæti á lokakeppni
HM í Brasilíu næsta sumar eftir
frábæran sigur á Albönum,
2–1, í E­riðli undankeppninn­
ar á þriðjudagskvöld. Íslenska liðið
lék vel í leiknum og var feikilega
vel stutt af 9.768 áhorfendum sem
fylltu Laugardalsvöll og létu grenj­
andi rigningu ekkert á sig fá. Sigur­
inn þýðir að Ísland er nú í 2. sæti rið­
ilsins með 13 stig. Ísland á tvo leiki
eftir í undankeppninni, gegn Kýpur
á heimavelli þann 11. október og
svo gegn Noregi á útivelli þann 15.
október. Ef Ísland vinnur þá leiki er 2.
sætið tryggt.
Erfið byrjun
Mikil eftirvænting var fyrir leikinn
gegn Albönum enda líklega mikil­
vægasti leikur sem íslenska karla­
landsliðið hefur leikið til þessa. Ís­
lenska liðið byrjaði ágætlega og strax
á 5. mínútu átti Gylfi Þór Sigurðs­
son frábært skot sem markvörður
Albana, Etrit Berisha, varði vel. Að­
eins fjórum mínútum síðar komust
Albanir yfir þegar Valdet Rama skor­
aði með skoti frá vítateigslínunni eft­
ir hraða sókn. Ísland hafði rétt áður
verið í álitlegri sókn en misheppnuð
sending frá Birki Bjarnasyni varð til
þess að Albanir keyrðu hratt á ís­
lensku vörnina og náðu að komast
yfir.
Íslenska liðið var ekki lengi
að jafna sig. Á 14. mínútu átti Jó­
hann Berg Guðmundsson, hetja Ís­
lands í leiknum gegn Sviss, frábæra
sendingu á Birki Má Sævarsson,
hægri bakvörð Íslands, sem keyrði
upp að endamörkum. Birkir átti
ágæta sendingu fyrir markið og lak
boltinn til Birkis Bjarnasonar við
fjærstöng sem skilaði honum upp
í þaknetið, 1–1. Leikurinn róaðist
nokkuð eftir jöfnunarmark Íslands
en Íslendingar áttu þó álitlegri sóknir
í fyrri hálfleiknum. Staðan í hálfleik
var 1–1.
Ánægðir áhorfendur
Íslenska liðið kom inn í seinni hálf­
leikinn af krafti og tókst að komast
yfir strax á 47. mínútu. Birkir Már
Sævarsson átti frábæran sprett upp
hægri vænginn og náði að koma
boltanum fyrir markið. Kolbeinn
Sigþórsson tók klókt hlaup að nær­
stönginni og kláraði með hælspyrnu
í fjærhornið. Virkilega vel að verki
staðið hjá Kolbeini sem nú hefur
skorað 11 mörk í 17 landsleikjum.
Albanir sóttu í sig veðrið þegar
líða tók á síðari hálfleikinn og juku
pressuna. Sóknarmenn Albana áttu
hins vegar erfitt með að skapa sér
færi gegn gríðarlega vinnusömu ís­
lensku liði sem pressaði stíft. Ís­
lendingar áttu á köflum erfitt með
að halda boltanum en tókst þó að
skapa sér nokkur ágæt færi. Stuðn­
ingsmenn íslenska liðsins – og leik­
menn að sjálfsögðu – voru gríðar­
lega ánægðir þegar Andre Marriner,
ágætur dómari leiksins, flautaði til
leiksloka.
Íslenska liðið var vel að sigrin­
um komið og var það frábær barátta,
öflug liðsheild, magnaður stuðn­
ingur áhorfenda og að sjálfsögðu
góð spilamennska úti á vellinum
sem skapaði sigurinn. Liðið sýndi
enn og aftur góðan karakter og gafst
ekki upp þó liðið hefði lent undir.
Gylfi Þór Sigurðsson var að öðrum
ólöstuðum besti leikmaður Íslands
í leiknum, en allir leikmenn liðsins
áttu góðan leik. n
Draumurinn lifir
n Frábær sigur Íslands á Albaníu n Gylfi Þór Sigurðsson maður leiksins
Einkunnir leikmanna íslenska liðsins
7,5 Hannes Þór
Halldórsson Í raun reyndi
lítið á Hannes í leiknum
en hann gerði vel það sem
hann gerði og var öruggur í
sínum aðgerðum. Ekki hægt
að kenna honum um þegar
Albanir komust yfir.
8 Birkir Már Sævars-
son Birkir Már gaf sig
allan í leikinn og tók
virkan þátt í sóknarleikn-
um. Líklega hans besti
landsleikur til þessa. Lagði
upp tvö mörk en hefði átt að mæta Valdet
Rama betur þegar hann kom Albönum yfir.
7,5 Kári Árnason Kári
var öruggur í vörninni
og gerði hlutina
á einfaldan hátt.
Fumlaus frammistaða
hjá Kára sem lokaði vel á
albönsku sóknarmennina.
7,5 Ragnar Sigurðsson
Líkt og Kári var Ragnar
öryggið uppmálað og er
líklega besti miðvörður
Íslands í dag. Skilaði
boltanum vel frá sér sem er
góður kostur hjá miðverði.
7 Ari Freyr Skúlason Var
frískur að vanda og tók,
líkt og Birkir Már, virkan
þátt í sóknarleiknum.
Hefur stundum átt erfitt
uppdráttar varnarlega en
var í litlum vandræðum með
Albana.
7 Jóhann Berg
Guðmundsson Það var
við miklu að búast eftir
frábæran leik Jóhanns
gegn Sviss. Týndist á
köflum í leiknum og var lakastur
af annars frábærum sóknarmönnum
íslenska liðsins. Átti þó fína spretti og átti
sendinguna á Birki í fyrsta markinu.
7,5 Aron Einar
Gunnarsson Fyrirliðinn
var þindarlaus og vann
margar mikilvægar
tæklingar. Þó hann sé
ekki alltaf mjög áberandi
vinnur hann mikilvægt starf
á miðjunni. Virkaði samt
stundum óöruggur á
boltanum.
9 Gylfi Þór
Sigurðsson Gylfi
stýrði sóknaraðgerðum
Íslands eins og herforingi, klikkaði varla
á sendingu og lék sér að leikmönnum Al-
bana á köflum. Var lygilega vinnusamur og
stöðvaði margar sóknir Albana í fæðingu.
Gylfi átti stórleik.
8 Birkir Bjarnason
Birkir er mikilvægur
hlekkur í íslenska liðinu
og var duglegur, bæði
varnar- og sóknarlega.
Hefur oft verið meira áberandi
og skapað meira en skilaði sínu og vel það.
7,5 Eiður Smári
Guðjohnsen Eiður
byrjaði leikinn vel þó
aðeins hafi dregið
af honum í seinni
hálfleik. Hann og Gylfi
náðu vel saman og það
skapaðist jafnan hætta þegar
Eiður fékk boltann. Eiður virðist langt því frá
vera búinn að syngja sitt síðasta.
8 Kolbeinn Sigþórsson
Var stundum dálítið
einmana en vann vel og
skapaði usla í albönsku
vörninni. Skoraði
heimsklassamark enda
framherji í heimsklassa.
Tapaði varla skallaeinvígi í leiknum.
Einar Þór Sigurðsson
blaðamaður skrifar einar@dv.is
Ótrúleg stemning Áhorfendur sem fylltu Laugardalsvöll eiga sinn þátt í sigrinum. 9.768
áhorfendur fylltu völlinn.
Magnaður sigur
Íslenska liðið getur
verið stolt af sinni
frammistöðu gegn
Albönum. Allir
leikmenn liðsins
áttu góðan leik en
Gylfi var í sérflokki.
MyndiR SiGtRyGGuR ARi