Dagblaðið Vísir - DV - 11.09.2013, Page 8

Pistill Selmu breytti sam fé laginu
n Freyja Haraldsdóttir er þakklát þeim sem rjúfa þögnina
É
g er ykkur báðum óendan­
lega þakklát því ég veit hversu
mikil vægt það er að öðlast
góðar fyrirmyndir,“ skrifar
Freyja Haraldsdóttir, varaþing­
maður Bjartrar framtíðar, í pistli
á bloggsíðu. Þar beinir hún orð­
um sínum til Selmu Bjarkar Her­
mannsdóttur, ungrar stúlku sem
skrifaði á bleikt.is áhrifamikinn
pistil um helgina. Þar fjallaði hún
um einelti sem hún hefur orðið fyr­
ir á lífsleiðinni vegna þess að hún
fæddist með skarð í vör.
Selma hefur hlotið mikið lof fyr­
ir hugrekki sitt. Í kjölfarið steig önn­
ur ung stúlka, Bjarndís Sara Anbari,
fram og sagði frá reynslu sinni. Hún
fæddist einnig með skarð í vör auk
„cerebral palsy“, sem er tegund
hreyfihömlunar. Freyja hrósar
þessum ungu stúlkum fyrir hug­
rekki þeirra. Í pistlinum rifjar Freyja
upp hvernig lífið var fyrir hana
þegar hún var að alast upp með
fötlun sinni. „Þegar ég var í 9. bekk
langaði mig nánast aldrei í skólann.
Ég kveið fyrir árshátíðum, ég þoldi
ekki að finna mér föt og ég hataði
líkamann sem ég horfði á í spegl­
inum. Mig langaði helst af öllu að
geta klætt mig í svartan ruslapoka
svo engin sæi hvernig ég liti út eða
einfaldlega fá að vera bara heima.“
Freyja segir það hafa verið erfitt
að horfa á sjónvarpið og sjá aldrei
aðra konu eins og sig. Hún hafi síð­
ar á lífsleiðinni kynnst konum sem
eru fyrirmyndir hennar.
„Og ég þakka það þessum kon­
um sem að mörgu leyti björguðu
mínu lífi. Þær höfnuðu þessu „eðli­
lega“, rufu þögnina og ögruðu hatr­
inu með hugrekki, stolti og ást, ná­
kvæmlega eins og þú varst að gera
með því að stíga fram og segja
söguna þína.“ n
OR fékk ekki greitt
fyrir Magma-bréfið
n Stjórnarmaður í OR hefur áhyggjur af að ekki hafi verið greitt fyrir bréfið
O
rkuveita Reykjavíkur fékk
ekki greidda þá rúma
fimm milljarða króna sem
stofnunin átti að fá sem
fyrstu greiðslu fyrir skulda­
bréf kanadíska fyrirtækisins Magma
sem er í eigu Ross Beaty. Skulda­
bréfið er með veði í tæplega fjórð­
ungshlut Magma í HS Orku. Þetta
herma heimildir DV. Á sínum tíma
seldi Orkuveitan tæplega 30 pró­
senta hlut í HS Orku til Magma með
seljendaláni en sökum lækkandi ál­
verðs í heiminum hefur fjárfestingin
ekki borgað sig. Orkuveitan er fjár­
þurfi og þarf að bæta lausafjárstöðu
sína – þetta var hluti af tilganginum
með sölunni á skuldabréfinu – og
skiptir dráttur á viðskiptunum því
máli fyrir stofnunina.
Í júlí síðastliðnum ákvað stjórn
Orkuveitu Reykjavíkur, og síðar
borgarráð Reykjavíkur, að selja
skuldabréfið til verðbréfafyrirtækis­
ins Landsbréfa sem er í eigu Lands­
bankans og kvað kauptilboðið á um
að þann 30. ágúst 2013 greiddust
5.160 milljónir króna fyrir skulda­
bréfið. Afgangurinn átti að greiðast í
desember 2016, samtals 3.440 millj­
ónir króna. Landsbréf áttu þá eft­
ir að setja saman fjárfestahóp til að
kaupa bréfið. Þessu átti hins vegar
að vera lokið þann 30. ágúst.
Ákvæði um frest
Stjórnarmaður í Orkuveitu Reykja­
víkur – sem ekki vill láta nafns síns
getið – sem DV ræddi við segir að um
mánaðamótin síðustu hafi ekki ver­
ið búið að greiða fyrstu afborgun­
ina fyrir skuldabréfið. Stjórnarmað­
urinn segist hafa vissar áhyggjur af
sölunni á bréfinu en segir jafnframt
að í samningum um söluna hafi
verið fyrirvari um mögulegan frest á
fyrstu afborgun. „Menn vonast eftir
því að þetta fari að detta inn,“ segir
stjórnarmaðurinn.
Í svari Eiríks Hjálmarssonar,
upplýsingafulltrúa Orkuveitu
Reykjavíkur, við fyrirspurn DV um
málið kemur fram að Landsbréf hafi
óskað eftir mánaðarfresti til að rifta
fyrirvara í kaupsamningi. „Kaup­
andi óskaði frests til að aflétta fyrir­
vara og var veittur mánaðarfrestur.“
DV óskaði eftir upplýsingum um
hvers eðlis þessi fyrirvari væri en
fékk ekki svar við þeirri spurningu.
Boltinn er í raun hjá Landsbréf­
um sem kaupanda skuldabréfsins
fyrir hönd fjárfesta sem ekki eru
kunnir þó líklegt sé að lífeyrissjóðir
séu þar á meðal. Stjórnarmaðurinn
segir að ekki hafi hins vegar borist
erindi til stjórnar Orkuveitunnar
þess efnis að Landsbréf ætli að falla
frá kauptilboðinu enda væri slíkt
samningsbrot.
Ákveðin nauðungarsala
DV greindi ítarlega frá viðskiptun­
um í júlí síðastliðnum og byggði
umfjöllunin á gögnum frá Orku­
veitu Reykjavíkur, sem Bjarni
Bjarnason forstjóri var skrifaður
fyrir.
Í yfirliti yfir neikvæð áhrif þess
að selja skuldabréfið sagði meðal
annars um tilboð Landsbréfa í
skuldabréfið, en verðbréfafyrir­
tækið átti tvö tilboð í bréfið: „Til­
boðin eru undir bókfærðu virði OR
og taka hvors þeirra myndi hafa í
för með sér gjaldfærslu. Hafa ber
í huga að búið er að færa hækkun
í bókum OR um ca. 600 mkr. frá
upphafi.“ Í gögnunum kom fram
að selja þyrfti bréfið til að laga eig­
infjárstöðu OR en stofnunin hefur
selt margar eignir síðastliðin ár, til
dæmis Orkuveituhúsið sjálft.
Þá kom einnig fram að Bjarni
hefði áhyggjur af því að Magma
myndi einfaldlega hætta að greiða
vexti af skuldabréfinu, en afborgan­
ir af seljendaláninu sjálfu eru ekki
fyrr en á gjalddaga bréfsins árið
2016 enda er um kúlulán að ræða.
Miðað við þessi tíðindi þá er enn
ekki búið að greiða fyrir skuldabréf­
ið, jafnvel þó búið séð að undirrita
samninga um kaupin. Ekki náðist í
Sigþór Jónsson, framkvæmdastjóra
Landsbréfa, til að spyrja hann um
kauptilboðið og dráttinn á fyrri
greiðslunni fyrir skuldabréfið. n
Dráttur á sölu Magma-bréfsins
Orkuveitan fékk ekki þá fimm milljarða
fyrir Magma-skuldabréfið sem stofn-
unin átti að fá þann 30. ágúst.
MynD: DV eHF / Sigtryggur Ari
Ingi Freyr Vilhjálmsson
fréttastjóri skrifar ingi@dv.is
Gáfu gamlan
strætisvagn
Reynir Jónsson, framkvæmda­
stjóri Strætó bs., afhenti Flug­
björgunarsveitinni gamlan
strætisvagn að gjöf á föstudaginn.
Strætó bs. tók tólf nýja vagna í
notkun í ágúst og því losnaði um
eldri vagna og nýtur nú Flugbjörg­
unarsveitin góðs af.
Það var Baldur Ingi Halldórs­
son, bílaflokksformaður hjá Flug­
björgunarsveitinni, sem tók á móti
vagninum. Fyrirhugað er að gefa
einnig vagna til slökkviliðsins á
höfuðborgarsvæðinu og Bruna­
varna Árnessýslu.
Baldur Ingi segir í tilkynningu
að vagninn sem Flugbjörgunar­
sveitin fékk að gjöf verði meðal
annars nýttur við nýliðaþjálfun og
æfingar. „Þá nýtist vagninn einnig
sem bækistöð og móttökustað­
ur fyrir sjúklinga og björgunarfólk
í stórum aðgerðum. Hann mun
því nýtast okkur mjög vel og þessi
gjöf einfaldar mér lífið sem bíla­
flokksformaður.“ Sem fyrr segir
losnaði um gamla vagna eftir að
Strætó bs. keypti nýja. Reynir segir
að einhverjum þeirra verði fargað
en segir að það sé gott að geta gef­
ið vagna til þeirra sem vinna jafn
óeigingjarnt starf og björgunar­
sveitir og slökkvilið gera.
Sex milljónir
til Sýrlands
Utanríkisráðherra hefur veitt sex
milljóna króna framlag til Flótta­
mannastofnunar Sameinuðu
þjóðanna vegna flóttamanna­
ástands í Sýrlandi og nágaranna­
löndum. Fram kemur í tilkynn­
ingu að tæpar tvær milljónir
landsmanna hafi hrakist á brott frá
Sýrlandi og talið sé að ríflega millj­
ón börn séu þar á meðal. Viðtöku­
löndin eigi í erfiðleikum með að
sinna þessum mikla fjölda flótta­
fólks og sífellt berist nýjar beiðnir
frá alþjóðastofnunum sem þurfi
sárlega á stuðningi að halda.
Á árunum 2012 og 2013 hefur
Ísland veitt 45 milljónum króna
til hjálparstarfs vegna neyðar­
ástandsins í Sýrlandi að ógleymd­
um þeim sex milljónum sem nú
eru veittar.
Keyrði á mann
og ók á brott
Á ellefta tímanum á mánudags­
kvöld gekk vegfarandi inn á lög­
reglustöðina á Grensásvegi og
tilkynnti að ekið hefði verið á
hann á bifreiðaplani við Laugar­
ásbíó. Lögreglan á höfuðborgar­
svæðinu segir manninn ekki
hafa meiðst mikið þegar ekið var
á hann. Nokkru seinna kom á
lögreglustöðina á Akranesi öku­
maður og tilkynnti að hann hefði
ekið á gangandi vegfaranda í
Reykjavík. Hann varð svo skelk­
aður vegna viðbragða þess sem
hann ók á að hann forðaði sér af
vettvangi og stoppaði ekki fyrr
en á Akranesi. Lögreglan segir, í
dagbókaruppfærslu, að málið fá
venjubundna afgreiðslu.
Þakklát Freyja
Haraldsdóttir þakkar
Selmu og Bjarndísi fyrir
að stíga fram og segja
sögu sína. MynD Sigtryggur Ari
8 Fréttir 11. september 2013 Miðvikudagur