Dagblaðið Vísir - DV - 16.10.2013, Page 4

4 Fréttir 16. október 2013 Miðvikudagur
Vinnan komin á fullt
n Fyrsta sprengjan vegna Norðfjarðarganga sprengd
V
inna við jarðgöng á milli
Eskifjarðar og Norðfjarðar
er komin á fullt, en fyrsta
sprengjan vegna ganganna
var sprengd á laugardag klukkan
13 stundvíslega. Það eru Suðurverk
og tékkneska fyrirtækið Metrostavn
sem áttu lægsta tilboðið í gerð
Norðfjarðarganga, en tilboð þeirra
hljóðaði upp á tæpa 9,3 milljarða
króna. Vegagerðin gerði ráð fyrir að
göngin myndu kosta níu og hálfan
milljarð króna. Gert er ráð fyrir að
göngin verði í heildina 7.542 metr­
ar en til samanburðar eru Hval­
fjarðargöng 5.770 metrar. Göngin
munu leysa af hólmi einn hættu­
legasta fjallveg landsins, veginn um
Oddskarð en þar eru einmitt gömlu
Norðfjarðargöngin, 640 metra
göng, sem tekin voru í notkun árið
1977, en þau liggja í um sex hund­
ruð metra hæð.
Guðmundur Björnsson, tækni­
fræðingur hjá verkfræðistofunni
Hnit sem fer með umsjón og eft­
irlit vegna framkvæmdanna, sagði
í samtali við DV um helgina hófst
vinna og fyrsta sprengingin var
framkvæmd á laugardag. Fljótlega
verður svo farið í að setja upp vinnu­
búðir Norðfjarðarmegin áður en
annar bor verður fluttur á svæðið til
að létta undir. Þá er vinnu við brú­
arsmíði yfir Norðfjarðará að ljúka
og er búið að leggja veg að ganga­
munnanum Norðfjarðarmegin.
Verklok eru áætluð árið 2017. n
Gamma keypti þrjár
blokkir á einu bretti
n 56 sex íbúðir keyptar með rúmlega 1.700 milljóna króna láni frá Arion banka
S
jóðsstýringarfyrirtækið Gam
Management (Gamma)
keypti 56 íbúðir í Kópavogi
á einu bretti í byrjun sept­
ember síðastliðinn. Um er
að ræða íbúðir í fjölbýlishúsum
í Vindakór 6 til 8. Seljandinn var
Íbúðalánasjóður. Í afsali íbúðanna
er kaupverð þeirra ekki tilgreint
en á íbúðunum hvíla veð frá Arion
banka upp á samtals 1.730 millj­
ónir króna. Íbúðirnar eru á bilinu
120 til 190 fermetrar að stærð.
Á bak við sjóði Gamma eru fag­
fjárfestar eins og lífeyrissjóðir og
slíkir aðilar en eignarhaldið á þeim
er ógagnsætt og liggur ekki fyrir
opinberlega. Að langmestu leyti er
hins vegar um að ræða lífeyrissjóði.
Keyptu 140 íbúðir
DV fjallaði talsvert um uppkaup
Gamma á íbúðarhúsnæði í mið­
bænum, Vesturbænum, Hlíðunum
og Norðurmýrinni í vor. Þá hafði
Gamma keypt upp um 140 íbúðir
fyrir fjóra milljarða króna. Í sam­
tali við DV um miðjan mars síð­
astliðinn sagði Gísli Hauksson,
framkvæmdastjóri Gamma, að
fasteignasjóður fyrirtækisins væri
nánast fullfjárfestur. „Hann er
nánast fullfjárfestur. Svo gott sem.
Þetta er bara lítill og nettur sjóð­
ur sem fjárfesti sérstaklega mikið
í fyrra.“ Af orðum Gísla að dæma
mátti ætla að Gamma ætlaði sér
að minnka, eða hætta fasteigna­
uppkaupum sínum. Svo hefur hins
vegar ekki verið.
Áhyggjur fasteignasala
Í tengslum við umfjöllunina um
uppkaup Gamma á íbúðum ræddi
DV við formann Félags fasteigna­
sala, Ingibjörgu Þórðar, en hún
sagði að fasteignasalar hefðu
áhyggjur af því. „Við höfum veru­
legar áhyggjur af þessu, við fast­
eignasalar, að þetta gæti haft veru­
leg áhrif á verðmyndun á markaði.
Og hvernig mun almenningi ganga
að standa undir slíku leiguverði?“
Ingibjörg sagði í mars að starfs­
menn Gamma hefðu verið aðsóps­
miklir í fasteignakaupum. Að sögn
Ingibjargar hafði þeirri taktík verið
beitt að reyna að fá íbúðirnar á sem
lægstu verði enda er slíkt vitanlega
ekki óeðlilegt þar sem um er að ræða
viðskipti. Hún sagðist vita dæmi þess
að Gamma hefði boðið 27 milljón­
ir króna í íbúðir sem svo hefðu verið
seldar á 32 milljónir króna. Gamma
leigir íbúðirnar sem félagið kaupir út
á háu verði og hefur DV heyrt af tölum
eins og rúmlega 200 þúsund fyrir 100
fermetra íbúðir. „Þetta er náttúrulega
bara „hardcore business“ hjá þessum
mönnum,“ sagði Ingibjörg í mars.
Kaupa líka í miðbænum
Gísli Hauksson sagði í samtali við
DV í mars að félagið hefði fyrst og
fremst áhuga á íbúðum sem væru
miðsvæðis í Reykjavík. En þessi
stefna virðist hafa breyst á liðnum
mánuðum þegar litið er til upp­
kaupa félagsins í Vindakór.
Gamma hefur heldur ekki hætt
uppkaupum sínum í Reykjavík
en í fasteignayfirliti eignarhalds­
félagsins, Centrum fjárfestingar
slhf., kemur fram að félagið hefur
á síðustu mánuðum keyptir eignir
í Garðastræti, á Grettisgötu, Hring­
braut, Bjarkargötu og Bræðra­
borgarstíg svo fátt eitt sé nefnt.
DV hefur heimildir fyrir því frá
tveimur aðilum að þeir hafi haft
áhuga á íbúðum á svæðinu sem
Gamma hafi svo keypt vegna þess
að fyrirtækið hafi verið aðgangs­
harðara og boðið betur. Í öðru til­
fellinu missti kona af þremur íbúð­
um á svæðinu sem hún hafði áhuga
á vegna þess að Gamma varð á und­
an að kaupa íbúðarinnar. „Þetta er
óhugnanlegt,“ segir einn af viðmæl­
endum blaðsins.
Uppkaup Gamma á íbúðarhús­
næði heldur því áfram og má ætla,
miðað við þessar tölur, að íbúða­
eign félagsins sé komin vel á þriðja
hundraðið. Um er að ræða enn
eitt dæmið um aukin umsvif líf­
eyrissjóðanna í íslensku viðskipta­
lífi en þá skortir tilfinnanlega fjár­
festingartækifæri hér á landi vegna
gjaldeyrishaftanna. n
„Þetta er
óhugnanlegt
Ingi Freyr Vilhjálmsson
fréttastjóri skrifar ingi@dv.is
Ætluðu að hætta Fram-
kvæmdastjóri Gamma, Gísli
Hauksson, sagði við DV fyrr á
árinu að sjóðurinn væri að hætta
fasteignauppkaupum á miðbæj-
arsvæðinu þar sem hann væri
fullfjárfestur. Þess í stað hefur
sjóðurinn bætt í. MyNd ArNþór BirKissoN
Allt á fullu Áætlað er að
framkvæmdum ljúki árið 2017.
Fleiri nota belti
94 prósent ökumanna á
höfuð borgarsvæðinu nota
bílbelti, samkvæmt nýrri taln­
ingu tryggingafélagsins VÍS.
Ökumönnum sem nota belti hef­
ur fjölgað nokkuð frá sams kon­
ar talningu í fyrra en þá reyndist
tæplega 91 prósent þeirra í bíl­
belti. Færri tala í síma undir stýri
án þess að nota handfrjálsan
búnað. Hlutfallið var 8,9 pró­
sent í fyrra en var 7,1 prósent nú.
„Miðað við alla þá vitneskju sem
fyrir liggur um mikilvægi bílbelta
er ótrúlegt að 617 ökumenn af
10.057 hafi ekki spennt beltið í
talningu VÍS. Rannsóknarnefnd
samgönguslysa telur að á árun­
um 2002–2012 hefðu 42 einstak­
lingar lifað bílslys af ef þeir hefðu
verið í bílbelti,“ segir á heima­
síðu VÍS.
Metþátttaka í
undankeppni
Fresturinn til þess að skila inn
lögum í undankeppni Eurovision
er liðinn. Þetta kemur fram í frétt
RÚV. Nefnd mun taka sér tíma
fram yfir næstu mánaðamót til
að velja þau lög sem munu kom­
ast áfram. Um miðjan nóvember
verður síðan tilkynnt opinberlega
hvaða lög komast áfram.
Haft er eftir framkvæmda­
stjóra keppninnar að umslögin
séu fleiri í ár en í fyrra þannig
að svo virðist sem um metþátt­
töku sé að ræða. Lokakeppni
Eurovision verður haldin í maí á
næsta ári í Kaupmannahöfn.
Dúnsængur og
koddar fyrir veturinn
Ítölsk rúmföt frá Bellora
Laugavegi 87 - Sími: 511 2004
Fermingargjöfin í ár er
Dúnsæng frá Dún og Fiður
Laugavegi 87 l sími 511-2004
FERMINGARTILBOÐ
D
V
E
H
F.
2
01
1