Dagblaðið Vísir - DV - 16.10.2013, Síða 6

6 Fréttir 16. október 2013 Miðvikudagur
Ekki heimilt að kaupa eignir bankans
n Íslandsbanki bregst við frétt DV um útibú bankans í Reykjanesbæ
B
ankinn áréttar einnig að um­
rædd fasteign er í sölumeðferð
á frjálsum markaði hjá löggildri
fasteignasölu. Samkvæmt
starfsreglum bankans er starfsmönn­
um hans ekki heimilt að festa kaup
á fullnustueignum í eigu bankans,“
segir í tilkynningu frá Íslandsbanka
vegna umfjöllunar DV um málefni
útibús bankans í Reykjanesbæ.
Í DV á mánudag sagði Anna Val­
dís Jónsdóttir farir sínar ekki slétt­
ar í samskiptum við útibú bankans
í Reykjanesbæ. Hún og eiginmað­
ur hennar misstu fasteign við Klett­
ás 11 til bankans og var ofboðið
þegar sást til útibússtjórans, Sighvats
Inga Gunnarssonar, skoða eignina á
sunnudaginn. Segir Anna Valdís að
útibússtjórinn ásælist eignina sjálfur,
en hann þvertók fyrir það í samtali við
DV og kvaðst hafa verið að meta kosti
og galla hennar, enda væri hún í eigu
bankans.
Í yfirlýsingu Íslandsbanka kemur
fram að fasteignin við Klettás 11 hafi
verið að fullu í eigu bankans frá því
í maí á þessu ári og sé ekki í útleigu.
Áður hafði umrædd eign verið í eigu
einkahlutafélags sem stundaði fast­
eignarekstur. Þetta kom fram í frétt
DV þar sem sagði að Annco, fyrir­
tæki Önnu og eiginmanns hennar,
hafi verið gert gjaldþrota. Þau hjón­
in höfðu staðið í ýmiss konar atvinnu­
starfsemi um áratugaskeið og meðal
annars haldið úti lítilli útgerð, smíðað
báta og rekið bílaleigu. Það var á ár­
unum 2003–2004 sem þau ákváðu að
söðla um, hætta öllum rekstri og fjár­
festa í fasteignum á Suðurnesjum. n
mikael@dv.is
„Var bara góður
díll fyrir okkur“
n Erlendir aðilar fjármagna niðursuðuverksmiðjuna á Kópaskeri
E
igendur niðursuðuverk­
smiðjunnar á Kópaskeri
sem var opnuð fyrir
skömmu hafa síðastliðna
mánuði skoðað möguleik­
ann á því að kaupa skip og kvóta
hér á landi. Þetta herma heimildir
DV og staðfesta Jón Örn Jakobsson,
eigandi verksmiðjunnar, og Grét­
ar Mar Jónsson, starfsmaður verk­
smiðjunnar og fyrrverandi þing­
maður, að málið hafi verið til
skoðunar. „Við höfum verið að
skoða þetta, hvort einhver hagnað­
ur sé af því að kaupa kvóta og skip.
En eins og verðið á kvótanum er þá
er þetta erfitt. Það er bara verið að
skoða þessa hluti,“ segir Jón Örn.
Fyrirtækið er í eigu Jóns Arn­
ar Jakobssonar, Litháans Sarunas
Raila og rússnesks auðmanns sem
heitir Oleg Snegirov. Rússinn er
skráður fyrir 30 prósenta hlut í
einu af fyrirtækjunum sem tengjast
verksmiðjunni en það heitir Arct­
ic Eagle ehf. Félagið sem á og rekur
fasteignina á Kópaskeri, og sér um
rekstur verksmiðjunnar, heitir hins
vegar JS Seafood en Rússinn á ekki
eignarhlut í því.
Keypti 30 prósent á 33 milljónir
Í hlutafjáraukningu hjá Arctic Eagle
í nóvember í fyrra var hlutafé fé­
lagsins aukið úr 500 þúsund krón­
um og upp í rúmlega 714 þús­
und krónur. Athygli vekur að Oleg
Snegirov var seld þessi hlutafjár­
aukning á 200 þúsund evrur, eða 33
milljónir króna. Í ársreikningnum
segir að stærstur hluti fjármagns­
ins, rúmar 22 milljónir króna, hafi
farið í kaup á tækjabúnaði fyrir
verksmiðjuna.
Miðað við ársreikning fyrirtæk­
isins er nær allt eigið fé þess um­
ræddar milljónir frá Rússanum.
Eigið fé félagsins var tæpar 38 millj­
ónir króna í lok síðasta árs. Rúss­
neski fjárfestirinn virðist því vera
að fjármagna fyrirtækið jafnvel þó
að hann eigi bara 30 prósent í því.
Peningarnir sem Rússinn lagði inn
í félagið eru sömuleiðis samtals
nærri 10 sinnum meiri en bókfært
hlutafé þess eftir hlutafjáraukn­
inguna: Hlutafé félagsins er fjórar
milljónir króna.
„Góður díll“
Aðspurður um hvernig Oleg
Snegirov hafi verið selt 200 þúsund
króna hlutafé fyrir 33 milljónir seg­
ir Jón Örn að þeir Sarunas hafi verið
að selja honum viðskiptahugmynd.
„Við buðum honum þetta bara og
hann samþykkti þetta. Við erum að
selja honum viðskiptahugmynd og
svona. Þetta var bara góður díll fyrir
okkur. Þetta er bara kunningi minn
frá Rússlandi og hann hjálpaði okk­
ur að koma þessu á koppinn. Við
þurftum að leita út fyrir landstein­
ana eftir fjármagni. Það er ekkert
óeðlilegt í þessu,“ segir Jón Örn.
Hann segir að Artic Eagle fjár­
magni svo JS Seafood en félagið
keypti meðal annars verksmiðju­
húsið á Kópaskeri fyrir 10 milljón­
ir króna í fyrra. Þannig fjármagnar
umræddur Rússi nánast allt verk­
efnið en á einungis 30 prósenta
hlut í fyrirtækinu. Miðað við fjár­
mögnun hans ætti hann að eiga
alla eignarhluti í niðursuðuverk­
smiðjunni.
Verða ekki sjálfbærir með skipi
Greint var frá opnun niðursuðu­
verksmiðjunnar í fréttum Stöðvar
2 um helgina og var sagt frá því að
byrjað væri að sjóða niður þorsklif­
ur og að stefnt væri að því að byrja
að sjóða niður hrogn og makríl á
næsta ári. Opnun verksmiðjunnar
býr til 10 til 15 störf á Kópaskeri
sem er kærkomið í litlu þorpi sem
því.
Hráefnisskortur er hins vegar í
greininni og gætu kaup á skipi og
kvóta hjálpað til við að sjá verk­
smiðjunni fyrir hráefni en eins og
er þá er lifrin keypt alls staðar að af
landinu að sögn Grétars. „Við verð­
um aldrei sjálfbærir þó við kaupum
skip. Það þarf svo mikla lifur í þetta.
Við myndum kannski styrkja hrá­
efnisöflun okkar eitthvað, að ein­
hverju litlu leyti, en menn eru að
hugleiða allan andskotann,“ segir
Grétar Mar en hann sér um þann
hluta rekstrarins sem snýst um öfl­
un hráefnis fyrir verksmiðjuna.
Ætlar sér frekari hluti
DV hefur heimildir fyrir því að Oleg
Snegirov hafi áhuga á frekari fjár­
festingum á Íslandi en í umræddri
verksmiðju. Aðspurður segir Jón
Örn að hann hafi skoðað það en að
engar ákvarðanir hafi verið teknar
í þeim efnum. „Ég vona bara að
hann fjárfesti meira á Íslandi.“
Miðað við orð Jóns Arnar, og
opinberar upplýsingar sem liggja
fyrir um niðursuðuverksmiðjuna,
er því þarna nánast eingöngu um
erlenda fjárfestingu að ræða á
Kópaskeri. n
Ingi Freyr Vilhjálmsson
fréttastjóri skrifar ingi@dv.is
„Ekkert óeðli-
legt í þessu
Leita að skipi Eigendur
niðursuðuverksmiðjunnar
á Kópaskeri hafa leitað að
skipi og kvóta til að geta séð
sjálfir að hluta um hráefnis-
öflun. Grétar Mar Jónsson er
starfsmaður fyrirtækisins.
Skoðar húsið Hér má sjá útibússtjórann meta kosti og galla fasteignarinnar eins og
hann orðaði það.
Vilja að
Þjóðkirkjan
fái að byggja
62,7 prósent landsmanna eru
fylgjandi því að Þjóðkirkjan fái að
byggja trúarbyggingar á Íslandi en
aðeins 31,5 prósent eru fylgjandi
því að Félag múslima á Íslandi fái
að byggja trúarbyggingar hér á
landi. Þetta kemur fram í niður­
stöðum könnunar sem MMR fram­
kvæmdi á dögunum um viðhorf
Íslendinga til þess að mismun­
andi trúfélög fái að byggja trúar­
byggingar á Íslandi.
Í niðurstöðunum kemur fram
að hlutfall þeirra sem voru fylgj­
andi því að Þjóðkirkjan fái að
byggja trúarbyggingar hafi verið
hærra á meðal þeirra sem eldri
eru. Af þeim sem tóku afstöðu og
tilheyrðu elsta aldurshópnum (68
ára og eldri) sögðust 75,3 prósent
vera fylgjandi því að Þjóðkirkjan fái
að byggja trúarbyggingar á Íslandi.
Til samanburðar sögðust 58,3 pró­
sent á aldrinum 18–29 ára vera
fylgjandi því að Þjóðkirkjan fái að
byggja trúarbyggingar á Íslandi og
58,2 prósent á aldrinum, 30–39 ára.
Aftur á móti var hlutfall þeirra
sem voru fylgjandi því að Félag
múslima á Íslandi fái að byggja
trúarbyggingar á Íslandi hærra
á meðal þeirra sem yngri eru en
á meðal þeirra sem eldri eru. Af
þeim sem tóku afstöðu og til­
heyrðu yngsta aldurshópnum
sögðust 40,8 prósent vera fylgjandi,
borið saman við 19,6 prósent í elsta
aldurshópnum.
Vinir Vestur-
Sahara
Á mánudag var haldinn stofn­
fundur félagsins Vinir Vestur­
Sahara á Íslandi. Markmið félags­
ins er að vekja athygli á málefnum
Vestur­ Sahara og berjast fyrir
sjálfs ákvörðunarrétti íbúa lands­
ins. Kjörin var stjórn á fundinum
og skipa hana Eldar Ástþórsson,
Freyja Steingrímsson, Friðjón R.
Friðjónsson, Halla Gunnarsdótt­
ir, Hildur Helga Sigurðardóttir,
Ragnar Hjálmarsson, Stefán Bogi
Sveinsson, Stefán Pálsson og Þórir
Hrafn Gunnarsson.
Fundinn sóttu þrír erlendir
gestir: Jeffrey Smith, kanadískur
sérfræðingur í alþjóðarétti, Limam
Mohamed Ali, sendifulltrúi
Sahrawi­þjóðarinnar í Bretlandi,
og Erik Hagen sem er í forsvari fyrir
norsku Vestur­Sahara­hreyfinguna.
Í tilkynningu frá félaginu kemur
fram að í máli Limam Mohamed
Ali hafi komið fram að Íslendingar
gætu lagt baráttu þjóðar hans lið
með ýmsum hætti. Sem smáríki,
sem brotist hefði til sjálfstæðis og
búi yfir ríkri lýðræðishefð væri Ís­
land trúverðugur málsvari sjálfsá­
kvörðunarréttar smáríkja.
Erik Hagen gerði grein fyrir
starfsemi félaganna á Norðurlönd­
um, en málefni Vestur­Sahara hafa
verið ofarlega á baugi í Noregi og
Svíþjóð um árabil. Hann segir að
stofnun systurfélagsins á Íslandi
veki talsverða athygli, enda sé mik­
ill vilji fyrir því að taka málið upp á
vettvangi Norðurlandaráðs.