Dagblaðið Vísir - DV - 28.07.2008, Síða 2

mánudagur 28. júlí 20082 Fréttir
InnlendarFréttIr
ritstjorn@dv.is
Davíð Garðarsson, dæmdur nauðgari, var í gær fluttur á Vernd þar sem hann lýkur
afplánun sinni. Hann var dæmdur í tveggja og hálfs árs fangelsi fyrir nauðgunina
árið 2005. Eftir að dómur var kveðinn upp flúði hann land og var á flótta í fimmtán
mánuði. Hann var eftirlýstur vegna nauðgunarinnar og einnig leitaði Interpol hans
vegna fíkniefnalagabrots. Formaður Íbúasamtaka Laugardals gagnrýnir að kynferð-
isglæpamaður taki út dóm sinn í íbúðarhverfi.
NAUÐGARI Á VERND
„Auðvitað horfir þetta öðruvísi
við þegar fangarnir eru með kyn-
ferðisbrotadóma á bakinu,“ seg-
ir Kristín Þorleifsdóttir, formaður
Íbúasamtaka Laugardals, en Dav-
íð Garðarsson, dæmdur nauðgari,
var í gær fluttur til afplánunar á
fangaheimilið Vernd við laugateig.
Kristín segir samtök íbúanna ekki
hafa fjallað sérstaklega um kyn-
ferðisbrotamenn eftir að Vernd tók
fyrir að þar yrðu vistaðir þeir sem
beitt hafa börn kynferðisofbeldi.
„Þessir menn eru enn að taka út
dóminn og mér finnst þurfa um-
ræðu um það hvort refsistofnanir
eigi heima í íbúðarhverfum,“ segir
Kristín.
Ótrúverðugur framburður
Davíð var dæmdur fyrir að hafa
nauðgað fyrrverandi sambýlis-
konu sinni og ógnað henni með
hnífi í byrjun nóvember árið 2004.
Í dómsskjölum segir að konan
hafi farið í heimsókn til Davíðs til
að binda enda á samband þeirra
sem hafði lengi verið storma-
samt. Framburður hennar þótti
trúverðugur en Davíð neitaði sök.
Hann hélt því fram, bæði við yf-
irheyrslur lögreglu og í réttarsal,
að konan hefði
nauðgað honum. Þá hafi hún bor-
ið dúkahníf að lim hans glottandi
og ávarpað hann í hæðnistón áður
en hún hafði við hann samfarir.
Lögreglu fannst framburður Dav-
íðs ótrúverðugur og að mörgu leyti
með ólíkindum.
Á fjórtán refsidóma að baki
Héraðsdómur Reykjavíkur
dæmdi Davíð í tveggja ára fang-
elsi. Hann áfrýjaði dómnum en
Hæstiréttur þyngdi hann í tveggja
og hálfs árs fangelsi. Til refsiþyng-
ingar kom að brotavilji Davíðs
þótti einbeittur og brotið sérlega
alvarlegt.
Eftir að dómur var kveðinn upp
flúði Davíð land og var á flótta í
fimmtán mánuði. Hann var eftir-
lýstur hjá Interpol vegna nauðgun-
arinnar og fíkniefnabrots en gaf sig
loks fram við Ríkislögreglustjóra.
Frá árinu 1985 hefur Davíð
hlotið fjórtán refsidóma, þar af eru
tveir hæstaréttardómar og einn
dómur upp á tvö ár og tíu mánuði
sem hann hlaut í Þýskalandi fyr-
ir fíkniefnabrot. Þá hefur Davíð
hlotið dóma fyrir umferðar-
lagabrot, nytjastuld, fíki-
efnabrot, þjófnað, fjársvik og
skjalafals.
Fagmennska
Þráinn Bj. Farestveit, fram-
kvæmdastjóri Verndar, segir
að utan þeirra sem fram-
ið hafa kynferðisbrot gegn
börnum sé öllum föngum
heimilt að sækja um að af-
plána hluta dóms síns
á Vernd.
Barnaníðingurinn Ágúst Magn-
ússon var árið 2004 dæmdur í
fimm ára fangelsi fyrir að níðast á
sex drengjum. Hann var að ljúka
afplánun sinni á Vernd í fyrra þeg-
ar hann reyndi að hafa samband
við tálbeitu sjónvarpsþáttarins
Kompáss sem þóttist vera 13 ára
stúlka. Í kjölfar þessa var reglum
Verndar breytt.
Þeir sem dæmdir hafa verið
fyrir nauðgun eða önnur kynferð-
isbrot gegn fullorðnum eiga enn
möguleika á að vera
þar vistaðir.
Þráinn seg-
ir þó mjög
strang-
ar reglur
gilda
um
hverjir komast þar að. Fangar
mega ekki hafa framið agabrot í
refsivistinni eða vera í fíkniefna-
neyslu vilji þeir komast á Vernd.
„Það er farið yfir umsóknirnar af
mikilli fagmennsku. Þar er metið
hvort menn séu hæfir til að vera
í opnu vistunarúrræði. Einnig er
skoðað hvort þeir séu hugsanlega
hættulegir. Ef líkurnar á því eru
litlar eða engar fá umsóknir já-
kvæða umfjöllun.“
Erla HlynsDÓttir
blaðamaður skrifar: erla@dv.is
„davíð var dæmdur
fyrir að hafa nauðgað
fyrrverandi sambýlis-
konu sinni og ógnað
henni með hnífi.“
Var eftirlýstur davíð garðarsson
var um tíma eftirlýstur af Interpol
vegna fíkniefnabrots og nauðgunar.
„Vegna þess að það hefur verið
grunur um að hún sé stolin hefur hún
verið kyrrsett síðan í september. Hún
er það alls ekki, ég er með alla pappíra
sem sanna það,“ segir Jónas Árni Lúð-
víksson, eigandi skútunnar Ely sem
legið hefur við bryggjuna í Hornafirði
síðan í september.
DV fékk ábendingu um að skút-
an Ely væri í raun skútan Elysee sem
stolið var frá Hollandi seint í sept-
ember í fyrra. Eigandinn þvertekur
fyrir það. „Þetta hefur voðalega mik-
ið verið blásið upp en það er enginn
fótur fyrir því. Þetta verður leiðrétt
um leið og maðurinn sem ég hef ver-
ið í sambandi við innan lögreglunnar
kemur úr sumarfríi.“
Hjá alþjóðadeild ríkislögreglu-
stjóra fengust þær upplýsingar að
það hefði verið grunur um að skútan
Ely væri í raun skútan Elysee en ekki
væri enn búið að fá staðfestingu á því
hver hinn raunverulegi eigandi væri.
Alþjóðadeild ríkislögreglustjóra hef-
ur verið í sambandi við kollega sína í
Hollandi og Belgíu vegna málsins og
bíður eftir staðfestingu á því hver eig-
andinn sé.
Skútan Ely hefur verið kyrrsett í
höfninni í Höfn síðan í september.
Eigandinn skuldar töluvert fé í hafn-
argjöld en því verður kippt í liðinn um
leið og kostur gefst. Engin svör hafa
fengist frá bæjarfélaginu sem eigand-
inn undrast mjög. „Ég skil það ekki
alveg því ég hef verið þarna mikið og
talaði við þessa menn. Skilið eftir nafn
og upplýsingar um mig.“ Skútan Ely er
fallegur bátur. Svo fallegur að ferða-
menn og aðrir sem koma í bæinn taka
vel eftir. Hún er ný og að sögn fróðra
manna um skútur kostar hún rúmar
20 milljónir króna. Eigandinn bendir
á að skútan sé til sölu.
benni@dv.is
Eigandi skútunnar Ely segist geta sannað að skútan sé ekki stolin:
Eigendur skútunnar eru íslenskir
20 milljóna króna tæki
Skútan Ely er ný skúta sem
kostar hartnær 20 milljónir
króna. Hún er til sölu.
Íslenskir þættir
í Svíþjóð
Sænska sjónvarpið hefur
tekið íslensku þættina Tónlist
er lífið til sýningar. Þættirn-
ir sem eru níu talsins voru
sýndir á Ríkissjónvarpinu
þarsíðasta vetur, en hver og
einn sýnir tvo listamenn eða
stærri hópa. Framleiðandi er
Lífsmynd en umsjón hafði
Ari Trausti Guðmundsson.
Í þáttunum ræddi Ari við
íslenska einleikara, söngv-
ara, hljómsveitir og kóra um
tónlistina og lífið í kringum
hana. Ari Trausti er að von-
um ánægður með útbreiðslu
þáttanna og gleðst yfir því að
íslenskt efni rati inn á erlend-
ar sjónvarpsstöðvar.
Óháðir um-
hverfismati
Skipulagsstofnun hefur tekið
þá ákvörðun að lagning tveggja
ljósleiðarasæstrengja fyrirtæk-
isins Farice þurfi ekki að fara í
gegnum mat á umhverfisáhrif-
um. Ljósleiðararnir eiga annars
vegar að liggja frá Íslandi til
Danmerkur og hins vegar milli
Íslands og Grænlands.
Kærufrestur rennur út 25.
ágúst 2008 en þær skulu berast
umhverfisráðherra. Hægt er að
kynna sér málið nánar á síðu
Skipulagsstofnunar.
Lögðu snemma
af stað
Mikil ánægja var með hvern-
ig hátíðin Unglist, sem fram
fór á Hvammstanga, heppnað-
ist. Þar var fólk almennt mjög
ánægt með það hversu vel tókst
til. Hátíðin var vinaleg og afar
fjölskylduvæn. Eina umkvörtun-
arefni lögreglunnar á Blönduósi
var það að fólk lagði of snemma
af stað og væri á mörkunum
að vera ölvað. Þeir sem voru í
þannig ástandi fengu að fara
sína leið en ekki á ökutækjum
sínum. Einn var tekinn á laugar-
dagskvöldið fyrir ölvunarakstur
og var hann handtkekinn.
Átta líkams-
árásir
Nokkuð rólegt var í mið-
borginni um helgina sam-
kvæmt upplýsingum frá
lögreglunni. Þó voru átta lík-
amsárásir tilkynntar og þar af
voru sex af þeim minnihátt-
ar en tvær grófari. Lögregl-
an handtók mann sem hafði
keyrt á umferðarmannvirki
en hún hafði fengið tilkynn-
ingu um skrykkjóttan akstur.
Maðurinn var undir áhrif-
um fíkniefna og gisti fanga-
geymslur lögreglunnar. Fjög-
ur fíkniefnamál komu við
sögu lögreglunnar. Lögreglan
stöðvaði alls 17 fyrir ölvunar-
akstur um helgina.
3. maí 2005 davíð garðarsson flúði land eftir
að hann var fundinn sekur um nauðgun. Hann var á
flótta undan réttvísinni í fimmtán mánuði. Frá árinu
1985 hefur hann fengið fjórtán refsidóma.