Dagblaðið Vísir - DV - 01.12.2008, Page 17

„Hvor tveggja úrslitin eru alveg frá-
bær og við erum mjög ánægðir með
leikina,“ sagði Guðmundur Guð-
mundsson, landsliðsþjálfari Íslands
í handbolta, við DV í gær. Ísland
lék um helgina tvo æfingaleiki gegn
heimsmeisturum Þjóðverja. Á laug-
ardaginn skildu liðin jöfn, 33-33, en
í gær fór Ísland með sigur af hólmi,
30-29. Þjóðverjar eru á fullu að und-
irbúa lið sitt til að verja heimsmeist-
aratign sína í Króatíu í janúar og aug-
lýstu Íslendinga sem „Silfurliðið“ frá
Ólympíuleikunum. Sex menn vant-
aði þó frá þeirri ævintýraför en leik-
ur Íslands, þá sérstaklega í gær, var
mjög góður.
Ungviðið í lykilhlutverki
Ekki má gleyma þætti lykilmanna
eins og Guðjóns Vals Sigurðssonar
og Róberts Gunnarssonar sem áttu
tvo mjög góða leiki. Það voru þó
ungu mennirnir sem stálu senunni
í fyrri leiknum. Á mjög mikilvægum
tímapunkti í seinni hálfleik, þremur
mörkum undir þegar um tíu mínútur
voru eftir, var útilína Íslands skipuð
þeim Sigurbergi Sveinssyni og Rún-
ari Kárasyni í skyttustöðunum og Ar-
oni Pálmarssyni á miðjunni. Sá síð-
astnefndi stýrði leik íslenska liðsins
eins og hann hefði aldrei gert neitt
annað yfir þessa tvo leiki. Allir léku
eins og margreyndir landsliðsmenn
og voru hvergi bangnir við að skjóta
og skoruðu þeir ellefu mörk á milli
sín.
Brand hrósaði
ungu mönnunum
Þjálfari Þýskalands, Heine Brand,
sagði eftir leik hversu sterkir ungu
mennirnir komu inn í leik íslenska
liðsins. „Brand hafði á orði við mig
eftir leik hversu vel ungu strákarnir
stóðu sig. Hann sagði þá hafa oft far-
ið illa með marga reynda leikmenn
þýska liðsins,“ sagði Guðmundur
þjálfari sem var sjálfur mjög sáttur við
strákana. „Þeir áttu góða innkomu og
spiluðu eins og þeir hefðu aldrei gert
neitt annað,“ sagði Guðmundur.
Sveiflukennt í síðari
Þýskaland var með frumkvæðið
lengst af í fyrri leiknum og barðist
íslenska liðið grimmilega fyrir jafn-
tefli. Þórir Ólafsson skoraði jöfnun-
armarkið í blálokin í fyrri leiknum
en í gær var það Róbert Gunnars-
son sem skoraði sigurmarkið hálfri
mínútu fyrir leikslok. Íslenska vörn-
in varði svo lokaskot Þjóðverja og
30-29 sigur því staðreynd. Leikur-
inn í gær var mjög sveiflukenndur
og skiptust liðin á að hafa forskotið.
Einar Hólmgeirsson kom sterkur inn
í seinni leikinn og lék mjög vel bæði
í vörn og sókn. Þá átti Björgvin Páll
Gústavsson mjög góðan leik í gær en
mikið vantaði upp á í markvörslu í
fyrri leiknum sem gerir jafnteflið þar
enn sterkara.
Frábær úrslit
„Leikurinn í gær í heild sinni var
mjög góður þrátt fyrir að við vær-
um stundum svolítið fljótir á okkur
sóknarlega sem kostaði okkur bolt-
ann nokkrum sinnum,“ sagði Guð-
mundur um sigurleikinn í gær. „Ég
meina Þjóðverjar eru heimsmeistar-
ar og við erum að leggja þá á heima-
velli þar sem þeir eru ekkert vanir að
tapa og allt í beinni í þýska sjónvarp-
inu. Ég átti ekkert endilega von á því
að við myndum ná jafntefli og sigri
út úr þessum tveimur leikjum með
svona marga menn frá en við erum
mjög ánægðir með ferðina og leik-
ina báða,“ sagði Guðmundur Guð-
mundsson.
mánudagur 1. desember 2008 17Sport
Mikið sjálfs-
traust í Bolton
„Það er ekkert leyndarmál á bak við
gengið hjá okkur nema það að við
erum farnir að skora mörk,“ sagði
kampakátur knattspyrnustjóri
bolton, gary megson, eftir 4-1 sigur
liðsins á sunderland um helgina.
sigurinn var sá fjórði í fimm leikjum
hjá bolton en grétar rafn steinsson
lagði upp eitt markanna eftir að
sunderland hafði komst yfir í
leiknum. „Frammistaða okkar
undanfarið er ekkert mikið öðruvísi
en hefur verið. sjálfstraustið er hins
vegar mun meira og við skorum
mörk. nú geta lið séð hvers við
erum virkilega megnugir,“ sagði
megson. sigur bolton fleytti því
upp í efri helming ensku úrvals-
deildinnar en aðeins fyrir tæpum
tveimur mánuðum var það í
bullandi fallbaráttu.
sigur og áfall
hjá EvErton
everton vann góðan sigur, 1-0, á
Tottenham í ensku úrvalsdeildinni í
gærkvöldi og færði Tottenham með
því fyrsta tapið á heimavelli undir
stjórn Harrys redknapp. steven
Pienaar skoraði eina mark leiksins
fyrir everton sem varð fyrir miklu
áfalli í leiknum. nígeríski framherjinn
Yakubu sleit hásin og verður frá út
tímabilið. Þá er erfitt fyrir nokkurt lið
að treysta á heilsu Louis saha og
gæti everton lent í miklum
framherjavandræðum. á sama tíma
og everton vann sigur gerði
Portsmouth slíkt hið sama. Það lagði
blackburn, 3-2, á Fratton Park. Peter
Crouch og Jermaine defoe komu
Portsmouth í 2-0 áður en blackburn
jafnaði metin en sean davis
innsiglaði sigurinn ellefu mínútum
fyrir leikslok. everton og Portsmouth
hafa bæði 22 stig í 7.-8. sæti
deildarinnar. Tottenham er í
fimmtánda sæti en blackburn
næstneðst.
rEal Ekki hringt
spánarmeistara real madrid
sárvantar framherja í janúar og ætla
að fjárfesta í einum slíkum til þess að
leysa af ruud van nistelrooy sem
verður frá út tímabilið vegna meiðsla.
efstur á listanum sem stendur er
argentínumaðurinn mauro Zarate
sem er á láni hjá Lazio frá al-sadd í
Katar. Zarate, sem var í láni hjá
birmingham á síðustu leiktíð, hefur
raðað inn mörkunum með Lazio og
segir umboðsmaður hans vistaskipti
ekki á döfinni í janúar. „mauro vill
vera áfram hjá Lazio. Honum líður
vel þar og hefur ekkert spáð í það að
fara þaðan. real madrid hefur ekki
hringt í okkur. Zarate verður vonandi
lengi hjá Lazio því það er með
forkaupsrétt á honum í sumar,“ segir
umboðsmaðurinn.
sænskir hEiMsMEistarar svíarnir robert Karlson og
Henrik stenson urðu í gær heimsmeistarar í tvímenningi í golfi á
móti sem fór fram í shenzhen í Kína. Félagarnir léku lokahringinn
á níu höggum undir pari og samanlagt enduðu þeir á 27 höggum
undir pari. spánverjarnir miguel angel Jimenez og Pablo Larraza-
bal urðu aðrir á 24 höggum undir pari. ástralarnir richard green
og brendan Jones og Japanarnir ryuji Imada og Toru Taniguchi
urðu í þriðja til fjórða sæti á átján höggum undir pari.
Eistar gErðu íslandi grEiða eistneska handknattleiks-
landsliðið hefur ekki verið þekkt fyrir miklar rósir undanfarin ár en
það gerði Íslandi mikinn greiða í 3. riðli undankeppni evrópumótsins
um helgina. eistar gerðu þá jafntefli við makedóna en þessi lið eru
bæði með Íslandi í riðli og fyrirfram talið að makedónar, norðmenn
og Íslendingar berjist um lausu sætin tvö á em. makedónar hafa því
þrjú stig eftir þrjá leiki en Ísland hefur þrjú stig eftir tvo leiki. norð-
menn unnu belga um helgina og eru efstir með 7 stig eftir fjóra leiki.
Njarðvík lagði granna sína í Keflavík,
77-75, eftir dramatískar lokamínútur
í Ljónagryfjunni í Njarðvík í gærkvöldi.
Á sama tíma gerði Tindastóll heið-
arlega tilrraun til þess að færa KR sitt
fyrsta tap í deildinni en meistarakand-
ítatar KR keyrðu yfir Stólana í fjórða
leikhluta, unnu leikinn 96-70 og eru
enn ósigraðir. Skallagrímur er enn án
sigurs í deildinni en Borgnesingar töp-
uðu níunda leiknum í röð fyrir Þór frá
Akureyri, 74-71.
Njarðvíkingar leiddu allan leikinn
í Ljónagryfjunni í gærkvöldi og voru
með þægilegt forskot fyrir lokafjórð-
unginn þar sem þeir leiddu mest með
átján stigum. Hetjuleg barátta Keflvík-
inga sá þá minnka muninn í eitt stig
með þriggja stiga körfu Gunnars Ein-
arssonar þegar örfáar sekúndur voru
eftir en Logi Gunnarsson innsiglaði
sigurinn fyrir Njarðvík af vítalínunni.
Logi var stigahæstur Njarðvíkur með
nítján stig og er liðið komið upp að
hlið Keflavíkur sem situr í fjórða sæti
með tíu stig.
Tindastóll hafði yfir gegn KR á
Sauðárkróki í gær allt fram undir lok
þriðja leikhluta þegar KR náði tveggja
stiga forskoti. Í fjórða leikhluta valt-
aði KR svo yfir Stólana með 34 stigum
gegn 10 og hafði betur, 96-70. Jón Arn-
ór Stefánsson fór á kostum fyrir KR og
skoraði 30 stig en Allan Fall skoraði 17
fyrir Tindastól.
Skallagrímsmenn virðast á réttri
leið undir stjórn Igors Beljanski en
þurftu samt að sæta tapi, 74-71, gegn
Þór frá Akureyri í gærkvöldi. Þór hafði
yfir allan leikinn en Skallagrímur var
ekki langt frá því að jafna metin undir
lok leiksins. Igor var sjálfur stigahæst-
ur hjá Skallagrími með 24 stig og sama
gerði Cedric Isom hjá Þór. Skallagrím-
ur er áfram á botni deildarinnar en Þór
er í sjöunda sæti.
tomas@dv.is
KR átti ótrúlegan fjórða leikhluta og er enn ósigrað:
njarðvík vann grannaslaginn
Íslenska landsliðið í handknattleik gerði góða för til Þýskalands um helgina. Það
gerði jafntefli og lagði heimsmeistara Þjóðverja í tveimur leikjum. Marga lykilmenn
vantaði í íslenska liðið og fóru ungu drengirnir á kostum. Þjálfari Þýskalands sagði
ungu leikmennina frá Íslandi fara illa með reynslubolta Þjóðverja.
TÓMAS ÞÓR ÞÓRÐARSON
blaðamaður skrifar: tomas@dv.is
Guðjón Valur Sigurðsson Var mjög
öflugur í báðum leikjunum.
Ungviðið fór á kostUm
Aron Pálmarsson átti tvo
frábæra leiki gegn
heimsmeisturum Þjóðverja.
Valur Ingimundarson stýrði
njarðvík til sigurs á fjendunum í
Keflavík í gærkvöldi.