Dagblaðið Vísir - DV - 19.03.2010, Side 6

6 FÖSTUDAGUR 19. mars 2010 FRÉTTIR
Sigurður Guðmundsson ósáttur eftir að hafa verið færður niður á lista:
Rotið batterí og hagsmunapot
„Fólk með skoðanir virðist ekki þrífast
innan flokksins og því á ég ekki sam-
leið með þessum flokki,“ segir Sigurð-
ur Guðmundsson sem hefur sagt sig úr
Sjálfstæðisflokknum og myndað sér-
framboð vegna bæjarstjórnarkosninga
sem fram fara á Akureyri í vor. Sigurður
endaði í sjötta sæti í prófkjörinu en var
í vikunni færður niður í níunda sætið
og er afar ósáttur.
Sigurður segir samskipti sín við
Sigrúnu Björk Jakobsdóttur, oddvita
flokksins, ekki hafa verið upp á marga
fiska. „Nú er rúmur mánuður liðinn
frá prófkjöri og ég hef ekkert heyrt í
Sigrúnu. Samskipti innan flokksfor-
ystunnar eru engin svo innra starf
flokksins er einfaldlega rjúkandi rúst.“
Sigurður segist líklega hafa verið
færður niður því hann hafi verið öt-
ull talsmaður þess að fá ráðinn bæjar-
stjóra. „Ég hef einnig unnið gegn um-
deildum skipulagstillögum sem að
mínu mati eru í engum takti við þarfir
og vonir íbúanna,“ segir hann og bæt-
ir við að hann myndi ekki taka bæjar-
stjórastólinn þótt hann byðist. „Ég hef
hvorki getuna né viljann til að vera
bæjarstjóri. Við þurfum rekstrarmann
með þekkingu, reynslu og getu til að
glíma við skuldastöðu bæjarins og til
að vinna að lausnum í atvinnumálum
en ekki embættismann sem er að leita
sér að þægilegri innivinnu.“
Sigurður, sem hefur verið sjálf-
stæðismaður frá blautu barnsbeini, er
kominn á fullt með sitt framboð. „Ég
fór inn í starf Sjálfstæðisflokksins eftir
að hafa ekki mætt á fund í 20 ár. Ég var
sjálfstæðismaður af gamla skólanum
og vanur því að heildin fengi að ráða
en svo tekur þetta batterí á móti manni
svo gjörsamlega rotið og samtvinn-
að af eiginhagsmunapoti og í engum
tengslum við fólkið í bænum. Ég get
ekki annað séð en að þetta séu svik við
kjósendur. Fólk kaus sitt fólk á listann
en fram hjá því er litið og já-fólk sett
framar þeim sem hafa skoðanir.“
indiana@dv.is
Ósáttur Sigurður
segir hugmyndir
sínar um að ráða
bæjarstjóra hafa
verið óvinsælar hjá
flokksforystunni.
HANNES HERJAR Á
FÉLAGSFRÆÐING
n Stjórnmálafræðiprófessorinn
Hannes Hólmsteinn Gissurarson
sem á dögunum sendi frá sér bók
um áhrif skattahækkana á hagvöxt
og lífskjör gerir nú harða hríð að
Stefáni Ólafssyni, prófessor í félags-
fræði, á bloggi
sínu á Pressunni.
Þrír af síðustu
fimm pistlum
Hannesar hafa
verið undirlagðir
gagnrýni á
Stefán Ólafsson
og þá sérstak-
lega hvernig
félagsfræðiprófessorinn hefur metið
skattlagningu og fátækt á síðustu
árum. Fer ekki á milli mála að
Hannes er ekki hrifinn af Stefáni og
er það svo sem ekki nýtt af nálinni.
Einu pistlarnir að undanförnu þar
sem Hannes hefur rætt annað eru
fréttir af ráðstefnu sem hann fór á
erlendis og að viðtal var við hann í
erlendu blaði.
EIÐUR SKÝTUR
Á FORSETANN
n Eiði Guðnasyni, fyrrverandi
sendiherra, kemur spánskt fyrir
sjónir að nú kynni þingmenn frum-
vörp sín áður en þau eru lögð fram á
þingi. Þetta segir hann að hafi ekki
tíðkast í þingmannstíð sinni en þó
hafi verið ein undantekning á því.
Eitt sinn hafi Alþýðuflokksmenn
skilað inn þingsályktunartillögu til
skjalavarðar Alþingis. Áður en hún
var birt hafi þingflokksformaður
Alþýðubandalagsins hins vegar
hringt í fréttamann Ríkisútvarpsins
og fengið sem fyrstu frétt um
kvöldið að Alþýðubandalagið
hygðist flytja tillögu um þetta mál.
Þingflokksformaðurinn var enginn
annar en núverandi forseti, Ólafur
Ragnar Grímsson.
FRAMKVÆMDA­
STJÓRINN SVARAR
n Þórður Guðjónsson, sem áður var
markaskorari af guðs náð en er nú
framkvæmdastjóri Knattspyrnufé-
lags ÍA, kom leikmönnum liðsins til
varnar á spjall-
þráðum félagsins
á dögunum. Þá
hafði frammi-
staða leikmanna
liðsins framan
af leik gegn
Stjörnunni verið
gagnrýnd harka-
lega en liðið lenti
4–0 undir áður en það náði að jafna
með undraverðum hætti. Þórður
vísaði líka í fyrri gagnrýni á liðið á
spjallþráðunum en benti á að liðið
væri taplaust í vetur, búið að spila
gegn sumum bestu liðum landsins
og markahæsta lið deildabikarsins
þrátt fyrir að hafa leikið færri leiki
en mörg önnur lið. Kannski gagn-
rýnin sýni að þrátt fyrir erfið síðustu
ár slái stuðningsmenn ÍA ekkert af
kröfunum til síns liðs.
ÁTJÁNDU ALDAR
EMBÆTTISMENN
n Landsmenn eru margir hverjir
orðnir þreyttir á biðinni eftir að
rannsóknarskýrslan um hrunið
komi út. Meðal þeirra sem ofbýður
biðin er Jónas Kristjánsson,
fyrrverandi ritstjóri. Honum þykir
lítið til þess koma hvernig skýrslan
er prentuð. „Enda vita höfundarnir
ekki, að komin
er til sögunnar
21. öldin. Svona
plögg upp á mörg
bindi eru ekki
lengur gefin út
á prenti. Þau
eru bara sett á
vefinn. Útgáfa
á vefnum gerir
langt prentferli óþarft. Enga varð-
menn þarf til að standa vörð dag
og nótt um gám í Odda. Útgáfuferli
skýrslunnar er bara rugl af hálfu
höfundanna. Enda eru þeir átjándu
aldar embættismenn einveldistím-
ans, samanber Upplýsingalög Páls
Hreinssonar.“
SANDKORN
Eignarhaldsfélagið Fasteign hf. í eigu
11 sveitarfélaga, Íslandsbanka, Há-
skólans í Reykjavík og fleiri er nú til
fjárhagslegrar endurskipulagning-
ar. Reynt er að koma skuldabyrði af
11 milljarða króna erlendum lánum
vegna nýbygginga HR í sérstakt fé-
lag. Einnig er til athugunar að eign-
ir Íslandsbanka, sem mynda eignar-
hluta bankans í Fasteign (EFF), verði
fluttar úr félaginu og komið fyrir
með líku sniði í sérstöku félagi.
Upphaflega áttu Reykjanesbær
og Íslandsbanki 70 prósenta hlut
samanlagt í Fasteign hf. Samanlögð
eign þeirra hefur lækkað hlutfalls-
lega og nú eiga 11 sveitarfélög um 70
prósent í félaginu. Reykjanesbær á
fjórðungshlut og Íslandsbanki ann-
að eins.
Félagið þjóni sveitar-
félögum eingöngu
Árni Sigfússon, bæjarstjóri í Reykja-
nesbæ og stjórnarformaður Fast-
eignar, neitar því ekki að greiðsluerf-
iðleikar Álftaneshrepps, sem á hlut
í Fasteign, geti haft neikvæð áhrif
á stöðu annarra eigenda félagsins.
Hann segir að rætt sé nú við Íslands-
banka um fjárhagslega endurskipu-
lagningu sem felist í þrennu.
„Í fyrsta lagi vilja sveitarfélögin
11, sem aðild eiga að EFF, breyta fé-
laginu og sníða það að þörfum sín-
um. Viðræðurnar við Íslandsbanka
snúa annars vegar að Háskólanum í
Reykjavík. Af um 16 milljarða króna
lánum sem á félaginu hvíla eru um 11
milljarðar tengdir nýbyggingum HR
við Öskjuhlíð í Reykjavík. Rætt er um
að hlutur HR og skuldbindingar skól-
ans fari inn í sérstakt félag.“
Árni segir að í öðru lagi sé rætt um
að lóð á Kirkjusandi, þar sem Glitn-
ir ætlaði að reisa nýjar höfuðstöðv-
ar, verði einnig leyst út úr Fasteign
hf. og sett í sérstakt félag. „Í þriðja
lagi er verið að ræða um að taka aðr-
ar fasteignir Íslandsbanka út úr EFF
og leggja þær inn í sérstakt félag á
snærum bankans. Þetta er allt ver-
ið að ræða við Íslandsbanka. Fram
komu þegar árið 2008 ýmis álita-
mál um það hvort fjármálafyrirtæki
á borð við Glitni gæti átt hluti í félagi
eins og Fasteign hf. Ef sveitarfélögin
ættu þetta félag ein gæti það átt við-
skipti við Lánasjóð sveitarfélaga sem
er kostur. Viðræður standa yfir og
vonandi finnst lausn á næstu vikum,“
segir Árni.
Gengur rekstrarformið ekki upp?
Rekstrarform Fasteignar hefur sætt
nokkurri gagnrýni eftir fall krón-
unnar og bankahrunið. Þannig hef-
ur Fljótsdalshérað rift samningum
sínum við EFF vegna vanefnda við
fjármögnun nýbygginga grunnskól-
ans á Egilsstöðum. Bæjarráð Fljóts-
dalshéraðs lagði til við bæjarstjórn í
lok síðasta mánaðar að samstarfinu
yrði slitið og bæjarstjóra, fjármála-
stjóra og lögfræðingi sveitarfélags-
ins yrði falið að semja við EFF um
verklok. Þegar í ljós kom fyrir tveim-
ur árum að EFF gat ekki fjármagn-
að verkið varð úr að sveitarfélagið
fjármagnaði verkið sjálft að því er
fram kom í Austurglugganum fyr-
ir nokkru. Nú, tveimur árum síðar,
er allt við það sama og því var sam-
þykkt að ljúka samstarfinu við EFF.
Annar vandi kann að felast í
því að blanda saman hagsmunum
einkafyrirtækja og opinberra aðila.
Einnig hefur verið horft til þess að
áföll eins og greiðsluþrot Álftanes-
hrepps, sem á hlut í EFF, geti haft
áhrif á hag annarra sveitarfé-
laga innan félagsins.
Íþyngjandi fall
krónunnar
Að baki öllum eignum
innan félagsins eru veð,
segir Árni. Þá hafi félagið
forgang að greiðslum rík-
isins til HR. „Það er því
langsótt að hættan sé svo mikil. Það
er ekki rétt af mér að segja að áhrif-
in, til dæmis af greiðsluvandræð-
um Álftaneshrepps, geti ekki bitnað
á öðrum sveitarfélögum. En við telj-
um að við höfum svigrúm til þess
að hjálpast að og við erum að
skoða hvernig við getum
liðsinnt Álftaneshreppi í
þessari stöðu. En það er
ekki útlokað að EFF biði
skaða ef allt færi á versta
veg.“
EFF gerir upp í evr-
um og stærsti hluti lána
félagsins er í erlendri
mynt sem tvöfaldað-
ist í verði gagnvart krón-
unni við bankahrunið.
„Það þýðir að erlendi þátt-
ur leigunnar, sem rennur til
Fasteignar hf. frá sveitarfé-
lögunum, hefur hækkað
mikið. Ef horft er
aftur til árs-
ins
2003, þegar EFF var stofnað, kemur
samt sem áður á daginn að leigan er
á þessu tímabili enn ögn hagstæðari
þrátt fyrir hrunið,“ segir Árni.
Forsvarsmenn eignarhaldsfélagsins Fasteignar hf. vilja skilja um 11 milljarða króna
skuldir vegna nýbygginga Háskólans í Reykjavík frá félaginu. Árni Sigfússon, stjórn-
arformaður Fasteignar, neitar því ekki að fjárhagsleg áföll eins sveitarfélags geti bitn-
að á öðrum innan félagsins.
En það er ekki útlokað að EFF
biði skaða ef allt færi á
versta veg.
FASTEIGN Í GJÖRGÆSLU
Ræðir við Íslandsbanka Árni Sigfús-
son, stjórnarformaður Fasteignar hf., segir
ekki útilokað að fjárhagserfiðleikar eins
sveitarfélags innan Fasteignar bitni á
öðrum sveitarfélögum innan félagsins.
11 milljarða skuld Í viðræðum við
Íslandsbanka er rætt um að setja 11
milljarða króna skuldbindingar vegna
nýbygginga Háskólans í Reykjavík inn í
sérstakt félag. MYND SIGTRYGGUR ARI JÓHANNSSON
JÓHANN HAUKSSON
blaðamaður skrifar: johannh@dv.is