Húnavaka - 01.05.2011, Blaðsíða 60

H Ú N A V A K A 58
Þar fór það hjólið en ég fór að spá í hvað eiginlega svona hjól kostaði. Hvað
kostar svona hjól? spurði ég Sigga í Þórshamri sem var í búðinni. Siggi grípur
hjólið og slengir því út til mín. Nei, nei, ég ætla ekki að kaupa það. Nú eiga
allir krakkar hjól, sagði Siggi. Þú lætur bara skrifa það! Það þarf að selja öll
hjólin fyrir veturinn. En ekkert fékk ég hjólið.
Um haustið var ekkert hjól eftir í Kaupfélaginu en ég var ennþá hjóllaus.
Einhvern veginn eignaðist ég samt hjól næsta sumar en ég man ekki hvernig.
Það var notað hjól sem ég var lengi sáttur við en lét það frá mér þegar við
fluttum suður. Ég sá alltaf eftir því hjóli.
SIGRÚN ÁSTA HARALDSDÓTTIR frá Litladal:
Óboðin kemur
Óboðin kemur
á klæðum dökkum,
orðlaus hryggðin
og andar á glugga.
Dregur upp skugga
og dagana litar,
bregður hún fölva
á blaðkrónur trjánna.
Grefur sér rás
um regnvotan svörðinn.
Fylgir mér hljóðlát
fótmál hvert.