Lögmannablaðið - 01.12.2009, Blaðsíða 27

LÖGMANNABLAÐIÐ – 4 / 2009> 27
Í þessu síðasta tölublaði ársins er rétt að
skauta aðeins yfir félagsstarf lögmanna
anno 2009 en það hefur verið einkar
öflugt og skemmtilegt.
Um þessar mundir fer fram meistaramót
LMFÍ í fótbolta en á síðasta ári var
ákveðið að hafa eitt mót árlega í stað
tveggja. Þar taka um 40 lögmenn þátt.
Sem fyrr er golfnefnd félagsins ákaf lega
virk og hélt hún úti fimm golfmótum í
sumar. Fjölmennasta mótið var meist­
ara mót félagsins, með 23 keppendur.
Meistaramóti LMFÍ í skák er nýlokið en
þar komust fleiri að en vildu. Nú verður
legið undir feldi í meira en þrjú dægur
og hugsað um hvort slík mót hafi
runnið sitt skeið.
Það sama var ekki uppi á teningnum
þegar gönguferð ársins var farin á sjálfa
Heklu en þar voru 40 lögmenn og
fylgifiskar á ferð. Hópurinn var vart
kominn niður þegar Almannavarnir
sögðu slíkar ferðir vera glæfraspil vegna
goshættu. Nú látum við okkur dreyma
um Herðubreið sumarið 2010,
drottningu fjallanna og Stefáns frá
Möðrudal. Ekki má svo gleyma því að á
fallegu vorkvöldi var siglt um sundin
blá og veitt í soðið. Þorskur, ýsa og ufsi
var veiddur, slægður og etinn af bestu
lyst.
Kleinufundir
Tekin var upp sú nýjung í haust að
halda svokallaða kleinufundi um þau
mál sem eru í umræðunni. Fundirnir
eru oftast haldnir á föstudagsmorgnum
og einungis auglýstir meðal lögmanna.
Í ágúst var fjallað um innheimtulögin,
september um fjöldamálsóknir, október
um málssókn Kaupþings fyrir breskum
dómstólum og í desember kemur
sérstakur saksóknari og ræðir um
málefni embættisins. Að meðaltali hafa
30 manns sótt fundina og gætt sér á
kaffi og kleinum en þessari nýjung
hefur verið afar vel tekið.
60% fleiri hafa sótt
námskeið
Um 340 manns hafa sótt námskeið
félagsins árið 2009 en það er 60%
aukning frá fyrra ári. Verið er að
skipuleggja námskeið vorannar og er
von okkar að svo haldi fram sem horfi.
Stjórn fræðslusjóðs vinnur gott starf við
að koma með tillögur að áhugaverðum
námskeiðum fyrir hvert misseri en
einnig eru þátttakendur námskeiðanna
duglegir að stinga upp á nýjum
námskeiðum.
Stjórn fræðslusjóðs sér einnig um að
velja bækur á bókasafnið en þess má
geta að ekki hafa verið keyptar inn
erlendar bækur frá efnahagshruninu að
undanskilinni áskrift að Ufr í blaða­
formi. Síðustu ár hefur félagið verið
með rafræna áskrift að Karnov og Ufr
en hætti því þegar kostnaður var orðinn
óheyrilega hár.
Nefndir
Á sjöunda hundrað manns hafa sótt
viðburðina sem taldir eru upp hér að
framan en þá eru ekki teknir með
stórviðburðir eins og Lagadagurinn, þar
sem 200 lögfræðingar mættu, og
jólahlaðborðið, með 120 þátttakendum,
sem eru sameiginlegir með Lögfræð­
inga félagi Íslands og Dómarafélagi
Íslands. Ég óska lögmönnum gleðilegra
jóla og farsældar á nýju ári með þökk
fyrir samstarfið á árinu sem er að líða.
Fréttir frá félagsdeild
Eyrún Ingadóttir
Öflugt félagsstarf
Auglýsing á Miðlaranum á heimasíðu LMFÍ:
Ritari óskast á lögmannsstofu tímabundið frá 1.janúar til 1.júlí.
Möguleiki á hlutastarfi. Reynsla æskileg. Umsóknir sendist til legis@legis.is