Fréttablaðið - 20.12.2014, Blaðsíða 110

20. desember 2014 LAUGARDAGUR| HELGIN KRAKKAR | 82
Beðið eftir jólunum
Teikningar og texti: Bragi Halldórsson
127
Konráð, Lísaloppa og Róbert eru rétt að ljúka við að
skreyta jólatréð og húsið. „Þetta er nú aldeilis ofskreytt
tré,“ sagði Róbert. „Ég hef nú vanalega látið mér nægja
smá grenigrein. Maður finnur ekkert í öllu þessu skrauti,
hvar er til dæmis leikfangabangsinn?“
Það er rétt hjá Róberti, hér
er erfitt að finna margt.Svo virðist vera
óboðinn gestur í jóla-
trénu, mús. Getur þú
fundið hana?
Getur þú fundið leikfangabangsann?
Eða brosandi stjörnu og fjögur snjó-
korn? Og hvað heldur þú að séu margar rauðar jólakúlur
á jólatrénu? Og hversu margar jólabjöllur eru í húsinu?
Langa vitleysa er spil fyrir tvo.
Eitt spil er dregið úr stokknum,
það er tromp. Því er stungið aftur
í bunkann sem skipt er jafnt í tvo
bunka sem spilarar hafa fyrir
framan sig, á hvolfi. Sá sem ekki
gaf byrjar og leggur efsta
spilið úr bunkanum
sínum á mitt borð-
ið, upp í loft. Hinn
leggur sitt efsta spil
ofan á það. Þannig
gengur þetta þar til
tromp kemur upp. Sá sem ekki átti
trompið setur þá út fimm spil ef
trompið var ás, fjögur ef það var
kóngur, þrjú ef það var drottn-
ing, tvö ef það var gosi og eitt ef
það var lægra spil. Sá sem lagði út
trompið tekur þá öll spilin í
kastbunkanum
og stingur þeim á
grúfu undir eigin
bunka. Sá vinnur
sem nær öllum spil-
unum til sín.
Fyrst er það fullt nafn og aldur
Eva Alice Devaney, sjö ára.
Í hvaða skóla ertu og hvað
er mest gaman að gera þar?
„Vesturbæjarskóla, mér finnst
skemmtilegt í matreiðslu, sundi
og íþróttum.“
Ertu í einhverjum íþróttum?
„Ég er í Myndlistaskóla Reykja-
víkur, þar er ég að teikna, mála
og búa til styttur úr leir. Eftir
áramót ætla ég að fara í Mjölni
að læra jiu jitsu með bróður
mínum og vinkonu minni.“
Hvað finnst þér skemmtileg-
ast að gera í frístundum? „Mér
finnst skemmtilegast að leika
við vinkonur mínar og bræður
mína en líka að föndra heima
hjá mér.“
Ertu búin að gera eitthvað
skemmtilegt á aðventunni?
„Við erum búin að setja upp
jólatré með skrauti, ég er líka
búin að föndra jólakort, fara
á jólaball og baka heilmikið af
piparkökum með afa, ömmu og
gervifrænku minni, henni Nínu.“
Hvað er uppáhaldsjóla skrautið
þitt? „Við setjum upp litla húsið
hans Jesú í gluggakistuna, við
erum búin að eiga það síðan
ég var eins árs. Í húsinu liggur
Jesú litli í vöggu, þar er María
mey mamma hans og pabbi
hans Jósef og lítil lömb. Það er
hey utan á húsinu eins og var í
gamla daga.“
Hver er uppáhaldsjólasveinn-
inn þinn? „Það er held ég
Stúfur, ég vorkenni honum aga-
lega mikið. Hann er svo lítill en
hinir stórir.“
Setur þú skóinn út í glugga?
„Já, ég geri það. Ég læt þá vita
að mér þykir vænt um þá. Ég gef
þeim mat. Síðast gaf ég smá-
kökur og mjólk. Um morguninn
er bara pínulítið eftir af mjólk í
glasinu og smákakan horfin.“
Hvað langar þig í í jólagjöf?
„Mig langar í Simpson-Lego og
ég held ég ætli að safna því. Mig
langar líka í minn eigin síma og
flautu, súkkulaði og páfagauk.“
Hvað langar þig að verða
þegar þú verður stór? „Ég ætla
að verða mjög margt, kannski
myndlistarkona, kennari, forn-
leifafræðingur, læknir, arkitekt,
vísindamaður, búðarkona og
margt fleira. Mamma hefur sagt
mér að það þarf ekki bara að
gera eitthvað eitt.“
Kanntu brandara? „Einu sinni
var kona sem átti hund sem hét
Nýjasta tíska. Einn daginn hljóp
hundurinn út og hún hljóp á
eftir honum allsber og kallaði á
eftir honum: Nýjasta tíska! Nýj-
asta tíska! Næst þegar konan fór
út í búð voru allir allsberir.“
Áttu systkini? „Ég á eina litla
systur og þrjá bræður. Þau eru
öll mjög skemmtileg og það er
gott að eiga systkini, maður
hefur alltaf einhvern til að leika
sér við.“
Set litla húsið hans
Jesú út í gluggakistu
Eva Alice Devaney, sjö ára, er búin að föndra jólakort, fara á jólaball og baka
heilmikið af piparkökum með afa, ömmu og gervifrænku sinni.
EVA ALICE Evu
langar að verða
mjög margt,
myndlistarkona,
kennari, forn-
leifafræðingur,
læknir og margt
fleira.
FRÉTTABLAÐIÐ/VALLI
Ný og spennandi saga um kurteisa
bjarnarhúninn Paddington.
Prýdd myndum úr nýrri bíómynd um
þennan sívinsæla bangsa.
Paddington er
kominn á kreik
Tilvalin fyrir
jólasveinana
!