Fréttablaðið - 20.12.2014, Blaðsíða 76

FÓLK|
ÍS MEÐ HEITRI SÚKKULAÐISÓSU
Heimagerður ís er alltaf bestur. Það er hægt að
bragðbæta hann á ýmsan hátt með súkkulaði
eða berjum. Heit súkkulaðisósa setur svo
punktinn yfir i-ið.
4 eggjarauður
100 g sykur
2 tsk. vanillusykur
4 dl rjómi
Heit súkkulaðisósa
1 plata suðusúkkulaði eða annað
súkkulaði eftir smekk
3 dl rjómi
Hrærið eggjarauður og sykur vel þar til úr verður
fín blanda.
Stífþeytið rjóma með vanillusykri og blandið
síðan varlega saman við eggjablönduna. Hellið
blöndunni í frystiform og setjið í frysti.
Þegar ísinn er borinn á borð er súkkulaðisósan
gerð. Hitið upp rjóma og súkkulaði þar til blandan
þykknar örlítið.
Gott er að hafa jarðarber og bláber með ísnum.
SÚKKULAÐI-MOUSSE
Frábær eftirréttur sem er bragðgóður og léttur
í sér. Súkkulaðimúsin er eins og flauel sem
bráðnar í munni.
2 dl rjómi
225 g gott súkkulaði
4 eggjarauður
2 eggjahvítur
100 g sykur
Eggin mega ekki vera köld. Látið þau standa á
borði smástund áður en hafist er handa. Þeytið
rjóma. Bræðið súkkulaði í vatnsbaði við lágan hita
og hrærið annað slagið í því. Stífþeytið eggjahvít-
ur. Hrærið saman eggjarauður og sykur. Blandið
súkkulaðinu saman við eggjarauðurnar, síðan er
rjómanum bætt varlega saman við og loks eggja-
hvítunum. Setjið blönduna í fallega skál og geymið
í ísskáp í að minnsta kosti tvær klukkustundir.
Berið fram með þeyttum rjóma. Hægt er að gera
súkkulaðimúsina tveimur dögum fyrir notkun.
KAMPAVÍNS-MOUSSE
Þetta er mjög ljúffengur eftirréttur sem hentar
vel á eftir veislumat.
5 matarlímsplötur
4 egg
200 g sykur
3 msk. safi úr límónu
1 ½ dl kampavín
1 ½ dl rjómi
2 límónur, börkurinn er fínrifinn
2 msk. sykur
Leggið matarlím í kalt vatn í fimm mínútur. Takið
úr vatninu og leysið upp í ½ dl af sjóðandi heitu
vatni. Kælið síðan. Takið eggjarauðurnar frá og
hrærið þær með helmingnum af sykrinum. Stíf-
þeytið eggjahvíturnar með hinum helmingnum af
sykrinum. Stífþeytið rjómann.
Blandið límónusafa og kampavíni í eggjablönd-
una. Hrærið eggjahvíturnar varlega saman við
og sömuleiðis rjómann. Loks er matarlímið hært
saman við. Kælið blönduna í 15 mínútur í ísskáp.
Hrærið þá aftur varlega í blöndunni.
Setjið í fallega skál eða í desert-skálar og geymið
í ísskáp þar til borið verður fram. Puntið með
límónuberkinum.
SÍTRÓNUFRÓMAS
Margir kannast við þennan eftirrétt, enda var
hann algengur á jólum hér áður fyrr. Þetta er
frísklegur og góður eftirréttur.
5 matarlímsblöð
6 egg
150 g sykur
3 dl rjómi
smátt saxaður börkur og safi úr
tveimur sítrónum
Leggið matarlímið í bleyti í köldu vatni í 5-6 mín-
útur.
Saxið sítrónubörk smátt og setjið safann í skál.
Hrærið fyrst eggjarauður með helmingnum
af sykrinum þar til blandan verður létt og ljós.
Stífþeytið eggjahvíturnar með afganginum af sykr-
inum. Stífþeytið rjómann.
Setjið sítrónubörk og –safa út í eggjablönduna.
Hrærið rjómann saman við.
Hellið vatninu af matarlíminu og setjið blöðin í ½
dl af sjóðandi vatni og leysið þau upp eitt í einu.
Hrærið varlega saman við eggjablönduna. Loks er
eggjahvítunum bætt saman við.
Hellið blöndunni í fallega skál og geymið í ísskáp
þar til hún hefur stífnað. Skreytið með sítrónuberki.
FRÁBÆRIR EFTIRRÉTTIR Í VEISLUNA
GIRNILEGT Það er ýmislegt hægt að gera þegar kemur að eftirréttinum. Það eru margir góðir réttir til. Hægt er að gera súkkulaðiköku
eða marengstertu eða einhverja af réttunum hér fyrir neðan. Fjórir frábærir eftirréttir sem sóma sér vel á öllum veisluborðum.
SÍTRÓNUFRÓMAS Hver man ekki eftir svona eftirrétti hjá ömmu á jólunum?
KAMPAVÍNS-MOUSSE Þessi réttur er fyrir alla sælkera.
SÚKKULAÐI-MOUSSE Ljúffengur eftirréttur sem
bráðnar í munni.
HEIMAGERÐUR ÍS Ísinn er alltaf bestur þegar
maður gerir hann sjálfur, ekki er verra að hafa heita
súkkulaðisósu með.
HELGIN