Fréttablaðið - 20.12.2014, Blaðsíða 74

FÓLK|HELGIN
Á Þorláksmessu er orðin föst
hefð hjá mörgum að hlýða á
tenórana þrjá þenja raddböndin
en það hafa þeir gert frá því fyrir
síðustu aldamót.
Í ár stíga þeir á svið við
Jólabæinn á Ingólfstorgi. Tón-
leikarnir hefjast klukkan 21 á
Þorláksmessukvöldi.
Í ár eru tenórarnir þrír þeir
Jóhann Friðgeir Valdimarsson,
Elmar Gilbertsson og Kolbeinn
Ketilsson. Sérstakur gestur á tón-
leikunum verður Stefán Hilmars-
son og einnig mun ungsöngtríóið
Mr. Norrington mæta á svið.
MANNFJÖLDI Ingólfstorg og Austur-
stræti munu iða af fólki á Þorláksmessu
sem vill hlýða á fagran söng tenóranna.
TENÓRAR Á
ÞORLÁKS MESSU
Ætla mætti að hefðbundin borðspil væru á undanhaldi með til-komu fullkomnari tölvuleikja, netleikja, spjaldtölva og snjallsíma en það er öðru nær. Mikil gróska er í greininni erlendis og hafa
nokkrir ungir Íslendingar meðal annars sótt menntun erlendis í hönnun og
gerð borðspila. Einn þeirra er Embla Vigfúsdóttir sem lauk nýlega námi í
leikjahönnun borð- og tölvuspila í Danmarks Design Skole í Kaupmanna-
höfn. Hún segir borðspilin alltaf standa fyrir sínu þrátt fyrir tæknifram-
farir undanfarinna ára, enda sé allt öðru vísi að sitja einn heima í tölvuleik
en að hitta vini sína yfir borð spili. „Ég hef alltaf haft mikinn áhuga á borð-
spilum. Þegar ég var lítil var fjölskyldan með fast spilakvöld einu sinni í
viku sem var mikið tilhlökkunarefni. Seinna meir spiluðum við vinirnir
mikið í menntaskóla, sérstaklega Catan og Morðingja.“
Embla lærði vöruhönnun í Listaháskóla Íslands og ákvað eftir að hafa
unnið í ár að bæta við sig mastersgráðu í Kaupmannahöfn. „Þegar ég var
búin að vera í ár í skólanum tók ég eftir því að ég var nánast eingöngu
búin að taka kúrsa í spilahönnun svo ég útskrifaðist þaðan. Þar lærði ég
meðal annars að útbúa borðspil, semja og þróa leikreglur, gera grafík fyr-
ir borðspil og tölvuleiki, lærði leikjaheimspeki og listræna leikstjórnun.“
Námið býður upp á margs konar möguleika að hennar sögn. „Sumir
kjósa að demba sér eingöngu í tölvuleikjabransann, aðrir vinna í leik-
húsum eða búa til sviðsmyndir í kvikmyndir. Einnig væri hægt að vinna
við að gera smáforrit í síma eða verða listrænn leikstjóri í tölvuleikjum
eða kvikmyndum. Sjálf hef ég mest gaman af því að búa til borðspil. Mér
finnst gaman að nálgast þennan miðil sem listform, eitthvað snertanlegt
sem hópur fólks getur haft gaman af saman.“
SAMA BÍTLAPLATAN
Íslendingar hafa löngum verið duglegir að spila borðspil, til dæmis í jóla-
og páskafríum og uppi í sumarbústað. „Mér finnst þó svolítið leiðinlegt
hvað þessi klassísku spil eins og Monopoly, Lúdó og Party og Co eru enn
algeng meðal landsmanna. Fyrir mig er það dálítið eins og að vera enn að
hlusta á sömu plötuna með Bítlunum og þekkja ekkert annað. Spurninga-
spil, partíspil og slönguspil eru ágæt til síns brúks en spil hafa upp á svo
margt annað að bjóða.“
Sjálf hefur hún komið að ýmsum spennandi
verkefnum undanfarið. Fyrir jólin gefur hún út
sitt fyrsta spil sem heitir Hver stal kökunni úr
krúsinni? sem er smáspil þar sem hver umferð
tekur aðeins nokkrar mínútur en hægt er að
spila eins margar umferðir og óskað er. „Spilið
er eingöngu hannað fyrir Íslendinga þar sem
allur texti er á íslensku og myndirnar á spilun-
um eru af íslenskum jólakökum og gúmmulaði.“
Í náminu bjó hún líka til frumgerðir af þrem-
ur spilum sem verða ekki gefin út að hennar
sögn en voru engu að síður mjög lærdómsrík.
„Það opnaði fyrir mér tækifæri að vinna með
UNESCO við að búa til grafík á spil um vernd-
un menningararfs okkar. Mér finnst ótrúlega gaman að pæla í því hvernig
borðspil líta út því grafíkin getur lyft spili upp á hærri stall með vel út-
færðri uppsetningu og útliti og getur um leið einfaldað flóknar regluskýr-
BORÐSPIL ER LISTFORM MEÐ AFMÖRKUN
SÍGILD AFÞREYING Borðspilin eru ekki að deyja út þrátt fyrir örar tæknibreytingar síðustu árin enda allt öðruvísi stemning að sitja
einn heima í tölvuleik en að hitta vini sína yfir skemmtilegu borðspili. Ungir Íslendingar mennta sig nú í þróun og gerð borðspila.
TIL Í SLAGINN Í námi sínu í Kaupmannahöfn lærði spilahönnuðurinn Embla Vigfúsdóttir meðal annars að útbúa borðspil,
semja og þróa leikreglur, gera grafík fyrir borðspil og tölvuleiki auk þess að læra leikjaheimspeki og listræna leikstjórnun.
MYND/GVA
Sjá fleiri myndir á
FLOTT FYRIR JÓLIN
20% afsl.
af kjólum og kápum
Peysukápur
áður 15.990
nú 12.990
Kjólar
áður 14.990
nú 11.990
Kjólar
áður 24.990
nú 19.990
Kjólar
áður 12.990
nú 9.990
ingar. Fyrir mér eru borðspil listform með
afmörkun; spilið þarf að vera skýrt og aug-
ljóst strax og þú berð það augum en einnig
finnst mér mikilvægt að það sé gaman að
horfa á spilið, sjá smáatriði í hönnun þess
og fallegar lausnir sem koma skilaboðunum
samt sem áður til skila.“ ■ Starri