Dagblaðið Vísir - DV - 12.11.2012, Side 22

T
ökur á nýrri mynd Ágústs
Guðmundssonar, Ófeigur
gengur aftur, hafa staðið
yfir á Grettisgötu í Reykja­
vík síðustu vikur. DV fékk
að fylgjast með tökum og komst
að því að andrúmsloftið á setti er
hreint út sagt yfirnáttúrulegt.
Fyrir utan tökustað á Grettisgötu
eru kaffibrúsar, hnetur og hrökk­
brauð til að svala hungri þeirra er
koma að tökunum. Kvikmynda­
iðnaðurinn hefur gerst umhverfis­
vænn. Í stað plastmála er að finna
kaffimál, merkt með nafni leikara
og starfsmanna.
Tækjabilanir á tökustað
Til að byrja með er blaðamanni og
ljósmyndara vísað í lítið hús til hlið­
ar. Þar er athvarf þar sem starfsliðið
fær stund milli stríða. Venjulega er
vinnudagurinn langur, allt að tíu
tímar og hafst við í rútu. „Þetta er
lúxus,“ segir Katrín Ingvadóttir sem
aðstoðar við framleiðsluna.
„Það komu upp tækjabilanir
þegar við vorum að taka upp við
kirkjugarðinn,“ segir hún spurð
hvort um hvort draugar leiki laus­
um hala á tökustað. „Það bilaði
hreinlega allt sem gat bilað,“ skýt­
ur aðstoðarmaður inn í umræðuna.
„Ljós og tækjabúnaður.“
Þannig að það hefur kannski
verið alvörudraugagangur á setti?
spyr blaðamaður. „Tja, ég er ekki frá
því,“ segir Katrín og brosir og upp­
lýsir að fyrirtækið sem stofnað var
um framleiðslu myndarinnar kall­
ist Afturganga ehf.
Bráðfyndin sena
Ófeigur gengur aftur er
svört kómedía. Söguþráður
myndarinnar er á þann veg að
Ófeigur, nýlátinn faðir Önnu Sól­
ar, gengur aftur og fer að hlutast
til um líf hennar og kærasta henn­
ar, Inga Brjáns. Unga parið ætlar
að selja hús hins látna en Ófeig­
ur er því mótfallinn og vill ekki
að þau flytji. Afskiptasemi aftur­
göngunnar er slík að Ingi Brjánn
bregður á það ráð að reyna að
kveða drauginn niður með að­
ferðum sem hann finnur í gamalli
galdrabók.
Á tökustað eru meðal annarra
sjálfur leikstjórinn, Ágúst Guð­
mundsson, Bergsteinn Björgúlfs­
son kvikmyndatökumaður, Nína
Dögg Filippusdóttir og eiginmað­
ur hennar, Gísli Örn Garðarsson,
Ilmur Kristjánsdóttir og Vignir Þór
Valþórsson.
„Og byrja,“ segir Ágúst. Nína
opnar útidyrnar og gengur inn.
Við fylgjumst með senu þar sem
Gísli útskýrir fyrir eiginkonu sinni,
sem er leikin af Ilmi, að hann hafi
verið andsetinn af tengdaföður sín­
um þegar hann reyndi við ungu
konuna (Nínu) sem nú er komin í
heimsókn. Senan er svo fyndin að
bæði ljósmyndari og blaðamaður
hristast af hlátri. Gísli er þvoglu­
mæltur þar sem hann útskýrir
vandræðaganginn við kuldalegar
undirtektir Ilmar. Vignir skýst fram.
„Hann reyndi þetta við mig líka,“
segir hann.
Kvikmyndatöku annast Berg­
steinn Björgólfsson og Ísfilm fram­
leiðir, ásamt Ágústi sjálfum, Önnu
Katrínu Guðmundsdóttur og Andy
Paterson. Tökum lýkur næstu daga
og myndin væntanleg í kvikmynda­
hús seint á næsta ári. n
kristjana@dv.is
22 Menning 12. nóvember 2012 Mánudagur
„Djöfulli“ fínt
D
jöfull ertu guðdómleg,“
syngur Friðrik Dór á „djöf­
ulli“ fínni nýrri plötu sem
nefnist Vélrænn. Á Vélrænum
nýtur Hafnfirðingurinn Friðrik Dór
dyggrar aðstoðar dúettsins Kiasmos,
sem samanstendur af tónskáldinu
Ólafi Arnalds og Bloodgroup­með­
limnum Janusi Rasmussen, og þrí­
eykisins í StopWaitGo.
Þetta er önnur plata Friðriks þar
sem hann fylgir eftir plötunni Allt
sem þú átt sem naut töluverðra vin­
sælda. Á Vélrænum er að finna nokk­
ur afburðadansvæn lög sem eiga
eflaust eftir að draga dansþyrsta Ís­
lendinga út á gólfið. Miðað við það
sem ég heyrði af fyrri plötunni þá
virðist Friðrik ekki vera að gefa eftir
heldur þvert á móti – bæta í.
Platan skiptist upp í tvo hluta. Sá
fyrri er helgaður lögum sem Kiasmos
setur mark sitt á og sá seinni er í um­
sjá StopWaitGo. Persónulega finnst
mér áheyrilegustu lögin vera á fyrri
hlutanum, en það er ekki þar með
sagt að á þeim seinni séu eitthvað
léleg lög, einungis smekksatriði hér
á ferðinni.
Af lögum sem bera af á plötunni
ber hæst Guðdómleg þar sem Frið­
rik Dór lætur fyrrnefnda línu falla:
„Djöfull ertu guðdómleg, þú geng­
ur alveg fram af mér.“ Þá eru lög eins
og Að eilífu og Út að Heimsenda flott
popplög.
Aðdáendur fyrri plötu Friðriks
verða eflaust afar ánægðir með þessa
nýju plötu hans sem mun án vafa­
laust festa hann í sessi sem einn af
vinsælustu ungu tónlistarmönnum
Íslands í dag. n
Jólatónleikar í
miðaldakastala
Jólin nálgast óðfluga og af því
tilefni ætlar ókrýndur kon­
ungur valsins, André Rieu, að
bjóða heim til sín til tónleika­
halds. Tónleikarnir verða sýndir
laugardaginn 24. nóvember kl.
17 í Háskólabíói.
Home for Christmas er tekið
upp á heimili hans, rómantísk­
um kastala frá miðöldum, sem
er í heimabæ hans Maastricht
í Hollandi. Ásamt hljómsveit
sinni, Johann Strauss Orchestra,
einleikurum og kór flytur André
26 sígild jólalög í fagurlega
skreyttum garði sínum með út­
sýni yfir á Saint Pieter­kirkjuna,
sem stendur hinum megin við
götuna hans.
Rolling Stones
með nýtt lag
Rokkkempurnar í The Rolling
Stones sendu í gær frá sér
seinna lagið af tveimur nýjum
lögum sem verða á safnplöt­
unni GRRR! Nýja lagið heitir
One More Shot en sveitin sendi
frá sér lagið Doom and Gloom
fyrir um mánuði. Bæði þessi lög
verða á áðurnefndri safnplötu
sem kemur út í þessari viku.
Platan er gefin út í tilefni af
50 ára starfsafmæli The Rolling
Stones.
Hringurinn
fer í sigurför
um heiminn
Bókin Hringurinn eftir Söru B.
Elfgren og Mats Strandberg er
upphaf þríleiks sem hefur slegið
rækilega í gegn í Svíþjóð og legg­
ur nú upp í sigurför um heiminn.
Útgáfurétturinn hefur verið
seldur á yfir tuttugu tungu­
mál, austan­ og vestanhafs og í
heimalandinu einu hefur bókin
selst í hátt í 200.000 eintökum.
Þar að auki var bókin tilnefnd til
August­verðlaunanna í heima­
landinu og hlaut þar frábæra
dóma. Þau Sara B. Elfgren og
Mats Strandberg eru væntanleg
til landsins að fylgja eftir útgáfu
bókarinnar hér á landi.
Draugagangur við
tökur á gamanmynd
n DV fylgdist með tökum á Ófeigur gengur aftur n Tæki biluðu á tökustað
Fylgst með tökum Blaðamaður
og ljósmyndari fengu að fylgjast með
tökum á myndinni Ófeigur gengur
aftur á Grettisgötunni í Reykjavík.
Í hlutverkum Ágúst Guðmundsson leikstýrir einvalaliði. Með aðalhlutverk fara Laddi,
Sigurður Sigurjóns, Elva Ósk, Halldóra Geirharðsdóttir, Gísli Örn, Nína, Ilmur og Vignir Þór.
Besti kvikmyndatökumaðurinn Kvik-
myndatöku sér Bergsteinn Björgúlfsson um,
en hann hefur margoft hefur verið verðlaun-
aður fyrir kvikmyndatöku sína.
Kolsvört kómedía Blaðamaður og
ljósmyndari hristust af hlátri. Ljóst er að um
er að ræða kolsvarta kómedíu.
Tónlist
Birgir Olgeirsson
birgir@dv.is
Vélrænn
Höfundur: Friðrik Dór
Útgefandi: Sena