Öldrun - 01.05.2004, Qupperneq 24

24 www.oldrun.net ÖLDRUN – 22. árg. 1. tbl. 2004
Geðheilsa eldri landsmanna – lyf eru
ekki lausn við leiða, var yfirskrift
þemamánaðar Geðræktar í september á
síðasta ári. Geðrækt (www.ged.is) er
samstarfsverkefni Landlæknis-
embættisins, geðsviðs LSH og
Heilsugæslunnar.
Meðal markmiða Geðræktar er að efla
umræðu um geðheilsu landsmanna,
auka forvarnir og fræðslu um
geðsjúkdóma og geðheilbrigði, draga úr
fordómum og bæta líðan almennings.
Geðrækt hefur unnið að ýmsum
verkefnum tengdum ákveðnum
aldursflokkum og að þessu sinni var
komið að eldri borgurum.
Geðrækt fékk ýmsa aðila sem vinna að málefnumeldri borgara til liðs við sig eins og Félag eldri
borgara í Reykjavík, Félagsþjónustuna, Félagsstarf
Gerðubergs, Geðhjálp, Landlæknisembættið, Lands-
samband eldri borgara, Rauða kross Íslands, Trygg-
ingastofnun, Þjóðkirkjuna, öldrunarsvið LSH og Öldr-
unarráð Íslands. Unnið var eftir leiðbeiningum frá
Alþjóða heilbrigðismálastofnuninni (WHO) þar sem rík
áhersla var lögð á að opna umræðuna um geðheilsu
eldra fólks og hvernig megi bæta hana.
Hvað ógnar helst geðheilsu eldri
landsmanna?
Að komast á efri ár veldur ákveðnu álagi. Það eru
mikil viðbrigði að hætta að vinna og að þurfa að finna
sér nýtt hlutverk. Sumir hafa helgað líf sitt uppeldi
barna og þegar því er lokið er eins og tilgangur lífsins
verði óskýr. Það er þá mikilvægt að finna lífi sínu nýjan
tilgang og að iðjuleysið nái ekki yfirhöndinni. Sumir fá
sér léttari vinnu, fara í sjálfboðastörf eða njóta þess að
geta stundað áhugamálin af fullum krafti. Það skiptir
einnig miklu máli að halda lífsgleðinni og gleyma ekki
að gleðjast yfir því góða sem lífið býður upp á. Húmor-
inn hjálpar líka mikið til við að halda geðheilsunni í lagi.
Geðheilsa eldri landsmanna
– lyf eru ekki lausn
við leiða
Dóra Guðrún
Guðmundsdóttir
verkefnisstjóri Geðræktar