Són - 01.01.2013, Qupperneq 75

nýr Háttur verður til 73
Er hún í ljóðanna línum,
á listanna brautum?
Býr hún í barminum mínum
og birtist í þrautum?
Valtýr Guðmundsson yrkir ljóðið haustlitir sem kom í ljóð bókinni
Vega mót árið 1986, tveggja erinda ljóð um dýrð haust litanna. Hann fer
eins og Kristján í öllu að hætti Bjarna utan það að ljóðið er rímað,
oaoaobob.59
Til ykkar leita ég löngum
er líður að vetri.
Því tæpast fær yndi mitt öðlast
aðhlynning betri.
Við fjölmargar dásemdir dvelur
þar dagana þýðu
hugur minn leikandi léttur
um lendurnar víðu.
Tvö önnur ljóð Valtýs eru undir þessu rímaða afbrigði háttarins, eintal
og ris mál.60 Hinu má svo ekki gleyma að rímlausa háttinn kann Valtýr
og yrkir undir honum tvö ljóð, klukknahljóð og á konudaginn.61
Örlítið önnur hrynjandi einkennir hátt ljóðsins Þegar húmið dökknar
eftir Sigurð Sveinbjörnsson úr bókinni Á svölu hausti. Tvíliðir eru hér
nokkuð ráðandi og forliðir hvergi, rímið auk þess meira, ababcdcd. Hér
birtist fyrsta erindi af þremur:62
Duna í Dimmufjöllum
Darraðarljóðin,
brott eru af Breiðuhjöllum
blikandi glóðin.
Heyrðu í gilinu glymja
gýgjarandann.
Hvítfextu öldurnar ymja
út við grandann.
59  Valtýr Guðmundsson (1986–73).
60  Valtýr Guðmundson (1991:59 og 73).
61  Valtýr Guðmundsson (1991:59, 73).
62  Sigurður Sveinbjörnsson (1961:66).