Són - 01.01.2013, Side 146

144 ritStjÓrnArefni
Af þessum dagskrárliðum urðu síðan erindi Þorgeirs, Sveins Yngva og Þórðar
upplegg í ritrýndar greinar í Són. Málþingið var haldið í samstarfi við Málvísinda-
stofnun Háskóla Íslands og Bókmenntafræðistofnun Háskóla Íslands. Framlag
stofnananna fólst einkum í því að kynna málþingið meðal félagsmanna sinna og
að ljá því faglegt vægi með formlegri aðild.
Síðan málþingið var haldið hefur starfsemi félagsins einkum falist í því að
koma út því hefti Sónar, sem þessi orð eru letruð í, og vinna að þróun Braga –
óðfræðivefs og Braganetsins, eins og nánar er skýrt frá í grein Bjarka Karlssonar og
Kristjáns Eiríkssonar á bls. 133–135. Fyrirhugað er að efna til málþings á ný í maí
2014. Þeir sem hafa áhuga á að bjóða fram erindi á málþingið eru hvattir til að
hafa samband við ritstjóra Sónar eða formann Boðnar.
Aðalfundur Boðnar verður haldinn í febrúar 2014 og auglýstur á forsíðu
Braga netsins, bragi.info þegar staður og stund liggja fyrir.
Lög Óðfræðifélagsins Boðnar
1. gr.
Félagið heitir Óðfræðifélagið Boðn. Heimili þess og varnarþing er í Reykjavík.
2. gr.
Tilgangur félagsins er að stuðla að rannsóknum á brag- og stílfræði kveðskapar að
fornu og nýju. Þessum tilgangi skal félagið leitast við að ná með því m.a. að halda
málþing a.m.k. árlega, gefa út tímaritið Són og vera bakhjarl Braga – óðfræðivefs
Stofnunar Árna Magnússonar í íslenskum fræðum.
3. gr.
Félagið er opið öllum sem áhuga hafa á starfsemi þess. Inngöngu í félagið fylgir
áskrift að Són og áskriftarverð þess er jafnframt félagsgjald. Stjórn félagsins
ákveður upphæð þess. Áskrifendur að Són við stofnun félagsins eru stofnfélagar.
4. gr.
Aðalfund félagsins skal halda fyrir febrúarlok ár hvert.
5. gr.
Á aðalfundi skilar fráfarandi stjórn skýrslu um liðið starfsár og leggur fram
endurskoðaða reikninga félagsins. Reikningsár félagsins er almanaksárið.
6. gr.
Aðalfundur er lögmætur ef til hans er boðað með minnst tveggja vikna fyrirvara
með sannanlegum hætti. Lagabreytingar eru einungis heimilar á aðalfundi.
Einfaldur meirihluti ræður í öllum atkvæðagreiðslum í félaginu. Dagskrá aðal-
fundar skal vera sem hér segir: