Kópavogsblaðið - 01.11.2005, Page 11

NÓVEMBER 2005 11Kópavogsblaðið
Undir Dalanna sól

Nýr geisladiskur
Út er kominn geisladiskurinn
”Undir Dalanna sól”
sem hefur að geyma 14 lög eftir
Björgvin Þ. Valdimarsson
Meðal laga eru:
Undir Dalanna sól,
Stúlkan mín,
Kveðja heimanað,
Máttur söngsins,
Mamma,
Börn
og Tengdamömmuvalsinn.
Sýnishorn af lögunum, lagalisti og
nokkur myndbönd er að finna
á heimasíðunni www.bjorgvintonlist.is
Undir Dalanna sól
Tónlist eftir Björgvin Þ. Valdimarsson
Ber
gþó
r Pá
lsso
n S
igrú
n H
jálm
týsd
óttir Jóhann Friðgeir
Valdimarsson
Óskar Pétursson
Helga Þóra
Björgvinsdóttir
Álftagerðisbræður
Dis
kuri
nn e
r á t
ilbo
ðsve
rði í
ver
slun
um!
Spurt í Smáralind
Saknar þú einhverrar
þjónustu í Kópavogi?
Gústav Gústavsson í Kópavogi.
„Ég mundi vilja fá fleiri háhýsi í
Kópavoginn. Ég var einu sinni í
handbolta en ég er að spá í það
að fara að æfa badminton. Ég á
eftir að skoða það hvort ég kemst
á æfingar í Kópavogi.“
Matthías Júlíusson og Arnar
Kári í Breiðholtinu:
„Ég kem stundum hingað í
Smáralindina og finnst það ágætt.
Þetta er fínt í Kópavogi en mér
dettur svo sem ekki neitt í hug
sem betur mætti fara hér eða
annars staðar í Kópavogi.“
Hörður Bjarnason í
Hafnarfirði:
„Ég kem ekki oft hingað í
Smáralindina, en það kemur þó
fyrir. Ég lít á stórhöfuðborgar-
svæðið sem eina heild og finnst
því ekkert frekar vanta í Kópavog-
inn en önnur sveitarfélög hér hér
á suðvesturhorni landsins. Það er
alltaf hægt að finna þá þjónustu á
svæðinu sem maður leitar að.“
Ásgeir Leifur Höskuldsson í
Kópavogi:
„Það vantar tilfinnanlega að-
stöðu fyrir brettamenn sem eru í
Brettafélagi Íslands. Það er lág-
marksaðstaða hér í Kópavogi á
Kópavogsvellinum, en þessi að-
staða þyrfti helst að vera innan-
hús. Þetta snjóar og rignir niður á
veturna.“
Hafsteinn Karlsson bæjarfulltrúi:
Hefur alltaf verið pólitískur enda
af fólki með sterka jafnréttiskennd
Hafsteinn Karlsson, einn þriggja
bæjarfulltrúa Samfylkingarinnar,
sem mynda minnihluta bæjarstjórn-
ar, er fæddur á Helluvaði á Rangár-
völlum, en flutti þaðan 5 ára gamall
í Kópavoginn. Þar hefur hann búið
að undanskildum 10 árum sem
hann var skólastjóri Villingaholts-
skóla í Flóa. Hann varð síðan skóla-
stjóri Selásskóla í Reykjavík en hef-
ur verið skólastjóri Salaskóla í Kópa-
vogi síðan 2001.
-Var það „köllun“ að verða kenn-
ari?
„Nei. Þegar ég var 9 ára gamall
ákvað ég að verða cand.mag, fannst
það flott. Í dag er ég hérumbil að
verða það, er að ljúka mastersnámi í
stjórnun svo það hillir undir þennan
æskudraum. Ég lærði íslensku og
sagnfræði i háskólanum og ætlaði
með því að verða fræðimaður. En
svo eignaðist ég barn og þurfti að
fara að vinna og lá beinast við að
fara að kenna. Reynslan af því að
kenna og vera skólastjóri í litlum
sveitaskóla var mjög dýrmæt, ætlaði
reyndar aldrei að verða skólastjóri.
Það var hrein tilviljun. Í dag finn ég
mig afskaplega vel í þessu starfi, þ.e.
sem skólastjóri.“
-Hefurðu alltaf verið pólitískur?
„Já, ætli það ekki. Ég er kominn af
fólki með mikla og sterka jafnréttis-
kennd, af fólki af vinstri væng stjórn-
málanna, og hef haft áhuga á stjórn-
málum frá því að ég var unglingur í
gagnfræðaskóla. Ég var hins vegar
framan ekki að beita mér mikið eða
hafa mig í frammi og starfaði ekki í
hefðbundnum ungliðahreyfingum. En
ég tók þó þátt í einni Keflavíkur-
göngu. Það var svo ekki fyrr en ég
gekk í Samfylkinguna að ég fór að
taka markvisst þátt í pólitísku starfi.
Um tvítugsaldurinn var ég þó í eitt ár
í Alþýðubandalaginu á Hvammstanga
í mikilli pólitískri uppsveiflu þar á
þeim tíma.“
-Þú hefur setið í bæjarstjórn Kópa-
vogs þetta kjörtímabil fyrir Samfylking-
una. Hver var aðdragandi þess?
„Það var prófkjör fyrir síðustu
kosningar og ég var hvattur til að
taka þátt í því, þó garðurinn hjá mér
hafi kannski ekki verið fullur af hvetj-
endum!
Ég kom því inn í bæjarstjórn án
þess að hafa starfað þar í nefndum
eða í grasrótarhreyfingu Samfylking-
arinnar. Mjög fljótlega varð ég fyrir
vissum vonbrigðum með það hversu
mikið minnihlutanum var haldið utan
við ákvarðanatöku. Allir bæjarfulltrú-
arnir eru gott fólk með góðar hug-
myndir og allir vilja leggja sig mikið
fram. Það að menn eru að bæta
þessu starfi við þau störf sem þeir
sinna daglega sýnir áhugann. Ég hef
það stundum á tilfinningunni að mað-
ur sé ekki gjaldgengur þegar maður
er „bara“ í minnihluta bæjarstjórnar.
Mér finnst þetta gamaldags stjórnun-
arhættir en þeir tíðkast samt í sveit-
arstjórnum um allt land. Auðvitað á
að nýta alla þá sem gefa kost á sér og
sitja í bæjarstjórn til góðra verka fyrir
bæinn.“
Velferðarmál hugleikinn
-Hvaða málaflokkar hafa verið þér
hugleiknastir?
„Ég sit ekki í neinni nefnd, en var í
félagsmálaráði í eitt ár og er vara-
maður í skipulagsnefnd. Ég hef haft
mestan áhuga á velferðarmálunum,
sérstaklega málefnum yngstu barn-
anna sem þurfa að vera á leikskóla
eða í daggæslu og ekki síður málefni
foreldra þeirra. Svo get ég nefnt hús-
næðismál og málefni aldraðra og
málefni tónlistarskóla. Það hefur ver-
ið hörgull á dagforeldrum í Kópavogi
en foreldrar hafa auk þess verið að
borga talsvert hærra gjald fyrir þá
þjónustu en leikskólapláss. Það þarf
að styrkja þetta kerfi en það líða ein-
hver ár þar til hægt verður að bjóða
leikskólapláss frá 9 mánaða aldri þeg-
ar fæðingarorlofi lýkur. Vonandi
verður þetta ástand orðið viðunandi
innan skamms tíma en það ræðst þó
af því hvort Samfylkingin kemst til
valda í bænum. Kópavogslistinn, sem
félagshyggjuflokkarnir buðu fram
áður, var fyrsti framboðslistinn á
landinu sem kom fram með þá hug-
mynd að bjóða gjaldfrjálsa leikskóla.
Þá þótti sú hugmynd algjörlega frá-
leit. Síðan hefur hún verið tekin upp
annars staðar. En nú vildu allir Lilju
hafa kveðið, en hún er nú samt okkar
verk.
Við Samfylkingarfólk vorum með
þessa hugmynd í kosningabaráttunni
2002 og höfum borið upp tillögur í
bæjarstjórn um gjaldfrjálsan meiri-
hluta sem meirihlutinn hefur fellt
trekk í trekk. Það er forgangsverkefni
að gera leikskólana samkeppnishæfa
um vinnuafl þannig að þeir geti veitt
þá þjónustu sem þeim er ætlað. Í dag
eru leikskólakennarar ekki nema um
40% af heildarvinnuafli leikskólanna.
Þetta hlutfall þarf að vera 60 til 70%.
Það þarf einnig að styrkja stöðu leið-
beinenda við leikskólana svo þeir
geti sinnt sínu starfi við leikskólana
sómasamlega og fái t.d. undirbún-
ingstíma.
Mér finnst það algjörlega óviðun-
andi að leikskólakennarar sem eru
með sömu menntun og grunnskóla-
kennarar, mennta sig við sömu stofn-
un, vinna hjá sama vinnuveitenda,
séu á lægri launum. Það er forgangs-
verkefni að laga daggæslu og leik-
skólamálin.“
-Ertu fylgjandi því að Kópavogur,
Garðabær, Álftanes og Hafnarfjörður
sameinist í eitt sveitarfélag til mótvæg-
is við Reykjavíkurborg?
„Ætli ég vilji ekki bara hafa Kópa-
vog fyrir Kópavogsbúa eins og hann
er!
En samstarfið milli þessara sveitar-
félaga hefur verið að aukast og sam-
rekstur á ýmsum sviðum. Það á ein-
nig við um Reykjavík. Það þyrfti hins
vegar að huga betur að samgöngu-
málum og kannski væri það auðveld-
ara ef sveitarfélögin væru færri. Það
þarf t.d. að vera hægt að aka hringinn
í kring um þessa byggð, ekki síst af
öryggisástæðum,“ segir Hafsteinn
Karlsson, skólastjóri og bæjarfulltrúi.
Sækist eftir setu í bæjar-
stjórn annað kjörtímabil
Hafsteinn hyggst starfa áfram
næsta kjörtímabil í bæjarstjórn,
öðlist hann til þess brautargengi.
Hann telur eitt kjörtímabil heldur lít-
ið, hann vill virkja sína reynslu áfram.
Hann segir að starf bæjarstjórnar eft-
ir áramót muni breytast vegna ná-
lægðar kosninga, það verði átök en
þau verði málefnaleg.
Samfylkingin samþykkti á mánu-
dagskvöldið að hafa prófkjör meðal
flokksbundinna félagsmanna um
framboðslistann til bæjarstjórnar
Kópavogs næsta vor. Reglur um próf-
kjörið verða ákveðnar á næstunni,
hvenær þarf að tilkynna þátttöku og
hvenær það fer fram. Líklegt er að
það verði í lok janúarmánaðar eða
byrjun febrúarmánaðar.
Hafsteinn Karlsson, skólastjóri og bæjarfulltrúi. Hin nýja Salarlaug
í baksýn.