Bændablaðið - 16.04.2014, Blaðsíða 33

3LbhI blaðið 2014
Aron Stefán Ólafsson BS í umhverfisskipulagi
Aukin vitund
um umhverfið
Aron Stefán Ólafsson útskrifaðist með
BS-gráðu í umhverfisskipulagi frá LbhÍ
í fyrravor. „Ég tel að námið sé einkar
góður grunnur fyrir þá sem vilja starfa
við skipulagningu og uppbyggingu á
umhverfi okkar og mæli hiklaust með
því,“ segir hann.
Aron kveðst alla tíð hafa haft áhuga
fyrir náttúrunni og því umhverfi sem
við deilum í leik og starfi og því hafi
nám í umhverfisskipulagi vakið áhuga
sinn. „Ég kynntist því í náminu hvaða
mikilvægu þættir móta umhverfi okkar
og þar með okkur sjálf. Hvað það er
sem er sérstakt við okkar umhverfi og
hvað þarf að vernda og viðhalda þannig
að afkomendur okkar fái notið þess
til framtíðar,“ segir Aron. Námið hafi
tvinnað saman listræna og fræðilega
kunnáttu á skemmtilegan hátt og því
fyllilega staðið undir væntingum. Þá
henti aðstaða og umhverfi á Hvann-
eyri vel til að stunda háskólanám,
rólegt sveitalífið veiti aukna orku og
innblástur.
„Eftir þetta nám hef ég aukna vitund
um umhverfi okkar, hvort sem það er
manngert eða náttúrulegt. Ég kann að
meta góða hönnun og skipulag sem
fellur vel að náttúrunni og myndar þar
með eftirsóknarvert umhverfi. Námið
gerði mér kleift að horfa með gagnrýn-
isaugum á hönnunar- og skipulags-
tillögur og taka þar með upplýsta af-
stöðu til þeirra,“ segir hann.
Lokaverkefni hans snérist um
að endurskipuleggja og setja fram
hönnunartillögu á litlu bæjarfélagi
í sinni heimasveit. Það hlaut athygli
heima fyrir og hefur að sögn eflaust
fengið marga til að hugsa um hvernig
hægt er að hafa áhrif á umhverfið með
margvíslegum hætti.
Meðfylgjandi mynd er úr BS-ritgerð
Arons Stefáns.
Nýtt vefrit
Skrína er vefrit á sviði auðlinda-, land-
búnaðar- og umhverfisvísinda.
Í Skrínu verða birtar ritrýndar,
fræðilegar greinar og ritstýrðar
greinar almenns eðlis, auk ný-
græðinga, ritfregna og ritdóma. Tekið
er við greinum til birtingar allt árið
og verða þær birtar jafnóðum og þær
eru tilbúnar.
Slóðin er: www.skrina.is
Benjamín Örn Davíðsson skógfræðingur
starfar við skógarhögg
Næg verkefni og
góður markaður
fyrir afurðir
„Ég er að byggja þetta upp skref fyrir
skref. Það eru fjölmörg tækifæri í
þessari grein og um að gera að nýta
þau,“ segir Benjamín Örn Davíðs-
son skógfræðingur, sem starfar við
skógarhögg. Hann var í fyrsta hópnum
sem brautskráðist með BS-gráðu frá
LbhÍ eftir að skólinn bauð upp á
nám í skógfræði. Síðar tók Benjamín
meistaragráðu við landbúnaðarháskól-
ann í Ási í Noregi. Hann flutti heim í
mars í fyrra.
Verkefni við skógarhögg eru næg
svo lengi sem hægt er að selja timbrið
sem til fellur, en um þessar mundir er
næg eftirspurn, allt selst sem í boði er.
Elkem á Grundartanga kaupir bróður-
part þess grisjunarviðar sem til fellur.
Ýmislegt annað er þó að sögn Benja-
míns hægt að gera við afurðir skógar-
ins, margir spennandi möguleikar séu
fyrir hendi. „Ég sé fyrir mér að í fram-
tíðinni munum við vera með öfluga og
fjölbreytta vinnslu á ýmsum afurðum
og vera sjálfbær að mestu um timbur og
timburafurðir,“ segir hann en eftir að
kreppan skall á opnaðist líka markaður
fyrir timbur úr íslenskum skógum, þar
sem það innflutta varð mjög dýrt.
Sem dæmi nefnir Benjamín að hægt
sé að vinna undirburð fyrir kýr úr af-
urðum skógarins, en hann er nú að
mestu innfluttur. „Við gætum skapað
bæði atvinnu og sparað gjaldeyri með
því að vinna þennan undirburð hér
heima, en til að gera slíkt þarf að koma
sér upp góðri aðstöðu. Það þarf rými
til að þurrka viðinn og síðan salla hann
niður í fínt sag. Ég væri löngu kominn
á fullt í þessu ef ég hefði aðstöðuna,“
segir Benjamín.
Hann vinnur að því að byggja upp
starfsemi um skógarhöggið og er að
kanna möguleika á að stofna um hana
fyrirtæki. Verkefnin séu vissulega næg
en fleira spilar inn í svo sem að starfið
er líkamlega erfitt og slítandi og því
óvíst hversu lengi menn endist. Fjár-
festingar í vélum og tækjum eru um-
talsverðar og eins er ávallt á Íslandi
óvissa tengd veðri, snjóþungir vetur
á norðanverðu landinu geti sett strik
í reikninginn.
Antonía Hermannsdóttir dýraeftirlitsmaður
Vildi menntun sem miðaðist
við íslenskar aðstæður
Antonía Hermannsdóttir er dýra-
eftirlitsmaður hjá Mast, hún sér um
Suðvesturumdæmi. Antonía lauk BS-
prófi í búvísindum frá LbhÍ vorið 2013.
Fyrsta ár sitt í námi tók hún við Kaup-
mannahafnarháskóla, en tvö þau síðari
var hún við nám á Hvanneyri.
„Þetta voru skemmtileg ár á Hvann-
eyri, en námið var byggt upp á annan veg
en úti í Danmörku. Annirnar voru þrjár
úti á hverju námsári, en fjórar á Hvann-
eyri og einingarnar sem fengust fyrir
hvern áfanga voru fleiri úti en heima.
Það var farið yfir mun meira námsefni
hér, farið yfir víðara svið en kannski
dýpra kafað í málin úti,“ segir Antonía.
Í Danmörku var fyrr hægt að velja sér
sérsvið en hér heima en það segir hún
kost fyrir þá sem vita hvert þeir stefna.
„Ástæðan fyrir því að ég flutti mig
heim var sú að ég vildi að menntun
mín miðaðist við íslenskar aðstæður
en námið á Hvanneyri miðast eðlilega
við þær. Ég er almennt mjög ánægð með
það nám sem ég fékk þar og það nýtist
mér vel í starfi,“ segir hún.
Antonía tók við starfi dýraeftirlits-
manns í Suðvesturumdæmi um síðustu
áramót, en þá fluttist búfjáreftirlit frá
sveitarfélögum til Mast. Meðal þess
sem hún sinnir í starfi eru ábendingar
um slæma meðferð á dýrum og segir
að langmest sé um ábendingar er varða
gæludýr í hennar umdæmi. „Þetta er
krefjandi starf, en líka skemmtilegt,“
segir hún.
Vekjum forvitni og
virðingu fyrir náttúrunni
Benjamín Örn Davíðsson skóg-
fræðingur starfar við skógarhögg.
Hér er hann við vænan viðarstafla
eftir grisjunarstörf að Vöglum á Þela-
mörk.
„Ég var mjög ánægð með það yfir-
gripsmikla nám sem LbhÍ bauð upp á,
fjölbreyttar námsgreinar og námsefni
á náttúrufræðibrautinni,“ segir Brynja
Davíðsdóttir sem lokið hefur BS- og
MS-námi í náttúru- og umhverfisfræði
frá skólanum. Hún segir góðan anda
í skólanum, þægileg nálægð í sam-
skiptum nemenda og kennara sem gert
hafi námið persónulegt og boðið upp á
kynni við marga þeirra vísindamanna
sem fremst standa á sínu sviði. „Ég
gat sniðið námið að áhugasviði mínu,
fuglum og mólendi/votlendi en bæði
lokaverkefni mín við skólann fjölluðu
um það.“
Brynja segist alla tíð hafa verið mikið
náttúrubarn og því legið beinast við að
dýpka þekkingargrunninn og læra nátt-
úrufræði, ekki síst aðferðir til að færa
athuganir á náttúrunni á rannsóknar-
form sem nýtist alþjóðasamfélaginu.
Brynja lærði hamskurð í Bretlandi á
unglingsárum og varði um leið miklum
tíma í útivist og náttúruskoðun. Hún
fékk innsýn í þróun og byggingu
mismunandi fugla og annarra dýra
og aðlögun þeirra að kjörlendi sínu.
Þá vakti munur á vistkerfi Íslands og
Bretlands athygli hennar, jarðvegsgerð,
áhrif veðurfars og náttúrunýting. Þrátt
fyrir góða dvöl ytra hafi náttúra Íslands
kallað sig heim að lokum.
Brynja starfar sem hamskeri, einkum
fyrir söfn og skóla, en á sumrin er
hún landvörður á vegum Umhverfis-
stofnunar og Djúpavogshrepps á
ríkisjörðinni Teigarhorni. Jörðin státar
af strandlengju, votlendi, mólendi,
dragá, lækjum og fjölbreyttri flóru auk
friðlýstra tjarna í næsta nágrenni. Þar
er einnig skógrækt og æðarvarp. Jörðin
er heimsþekkt og vernduð fyrir fjölda,
stærð og fjölbreytni geislasteina sem
þar finnast. Fuglalíf sé nokkurt. Huga
þurfi að beitarfriðun til framtíðar litið
ef halda eigi í menningarlandslagið og
fuglalíf.
„Ég hef nýtt mér þekkingu mína sem
náttúrufræðingur til að skrásetja og
vakta náttúrufar Teigarhorns og tek þátt
í gerð verndaráætlunar fyrir svæðið.
Þá hef ég komið upp safni geislasteina
og tek þátt í kennslu grunnskólabarna,
tek á móti gestum og erlendum há-
skólahópum sem koma í vettvangsferðir
í steindafræði. „Fræðsla um náttúruna á
að vera helsta verkefni okkar kynslóðar,
vekja forvitni og virðingu fyrir henni og
því sem hún færir okkur.“