Bændablaðið - 16.04.2014, Blaðsíða 58

58 Bændablaðið | Miðvikudagur 16. apríl 2014
Líf og lyst
BÆRINN OKKAR
Nautaveisla og seðjandi súkkulaðimús
Það væri fyrirsjáanlegt að vera
með uppskrift að páskalambi á
þessum árstíma. Við ætlum hins
vegar að bregða út af vananum
að þessu sinni og kynna til leiks
safaríkar nautasteikur ásamt
seðjandi súkkulaðimús.
Við innkaup á nautakjöti er ágætt
að miða skammt á mann við 175
-200 g af beinlausu kjöti og 225-
350 g fyrir kjöt á beini. Leita skal
að fallegu kjöti með innfitu. Góð
meyrnun gefur betra bragð. Kjötið
skal vera dökkrautt á lit með hvítri
fitu.
Grilluð T- Bone steik með
béarnaise-smjöri
Fyrir fjóra:
› 4 stk. T-Bone steikur
› 4 msk. ólífuolía
› 2 stk. hvítlauksrif
› ½ búnt steinselja
› 2 msk. ólífuolía
› 3 msk. smjör
› 8 msk. hvítvínsedik
› safi úr ½ sítrónu
› 3 stk. litlir skalotlaukar
› ½ búnt estragon
› svartur pipar
› Maldon sjávarsalt
Skerið litla rauf þvert í gegnum
fituna sem er umhverfis steikina á
3 cm bili allan hringinn. Penslið
steikina með ólífuolíu og nuddið
saltinu inn í raufarnar.
Blandið smjörið með lauk og
kryddi, mótið í smjörpappír og
setjið í frystinn. Þá er béarnaise-
bragðið komið án vesens sem
sumir eru hræddir við. Annar
möguleiki er líka að rúlla upp
afgöngum af ekta béarnaise og
geyma í frystinum, klárt ofan á
næstu steik.
Kryddið steikina fyrir eldun
með sjávarsalti og svörtum pipar.
Grillið á hvorri hlið í um 3-4
mín eða eftir smekk.
Skerið smá bita af smjörinu og
látið leka yfir heita steikina.
Berið fram með bakaðri
kartöflu og salati.
Innbakað naut
› 1.200 g smjördeig
› 600 g nautahryggvöðvi
› salt og pipar
Fylling:
› 1 pakki Parma-skinka
› 240 g sveppir
› 2 msk. sinnep
› 2 msk. kóríander
› 6 msk. muldir villisveppir
Hryggvöðvinn er úrbeinaður og
snyrtur. Vöðvinn er skorinn í 400
g bita og lokað á grilli eða pönnu,
kryddað með örlitlu salti og pipar.
Smjördeigið flatt út í jafnmargar
kökur og kjötbitarnir eru. Setjið
fyrst Parma-skinku og sveppi undir
kjötið, sem er svo sett á smjördeigið.
Síðan fyllingu ofan á. Lokið
kökunni og penslið samskeytin
með sundurslegnu eggi eða vefjið í
smurðan álpappír og setjið á grillið.
Bakið í 225°c heitum ofni í 10-20
mín. eða grillið.
Þessi tími og hiti miðast við að
allt sé vel kalt þegar það fer inn í
ofninn, annars er tíminn skemmri
eða um 5-10 mín. Hitinn fer eftir
gæðum ofnsins eða grillsins.
Berið fram með bakaðri kartöflu
og sósu að eigin vali.
Eftirhitinn er töluverður, svo það
skal taka kjötið út í 50°c og láta
hvíla fyrir skurð.
Nauta ribeye með pönnusósu
› 4 sneiðar nautahryggvöðvi (2 cm
þykkar)
› 2 msk. þurrkaður grænn pipar
› 25 g smjör

Sósa
› 3 msk. koníak
› 1 dl vatn
› 1 tsk. kjötkraftur
› 2 dl rjómi
› 1 dós sýrður rjómi (36%)
› salt
Þerrið kjötsneiðarnar og veltið upp
úr muldum pipar (má nota 1½ msk.
ferskan (saxaðan) í staðinn fyrir 2
msk. þurrkaðan), látið bíða í 1 klst.
Steikið kjötsneiðarnar í smjöri á
vel heitri pönnu í 3-4 mín. hvora
hlið. Stráið örlitlu salti yfir. Hellið
koníaki yfir og takið síðan kjötið af
pönnunni. Bætið vatni, kjötkrafti,
rjóma og sýrðum rjóma út í. Látið
krauma við vægan hita í 5-10 mín.
eða þar til sósan hefur þykknað.
Kryddið til.
Borið fram með léttsteiktu
grænmeti og bökuðum eða soðnum
kartöflum.
Súkkulaðimús
Dökk súkkulaðimús
› 250 g mjólk
› 330 g dökkt súkkulaði
› ½ l rjómi
› 2½ blað matarlím
Setjið matarlím í kalt vatn (10mín).
Sjóðið mjólk og setjið matarlímið
út í. Blöndunni hellt yfir súkkulaðið
í smá skömmtum. Hrærið vel á
milli (mikilvægt að ná kremáferð
á blönduna áður en öll mjólkin fer
út í). Blandan á að vera 40-45 °C
þegar léttþeyttur rjóminn fer út
í í smá skömmtum með sleif. Ef
súkkulaðiblandan er of köld þá er
bara að hita hana í örbylgjuofni eða
kæla hana ef hún er of heit.
Hvít súkkulaðimús
› 140 ml mjólk
› 1 vanillustöng, tahiti
› 4 g matarlím, 2-3 blöð
› 175 g hvítt súkkulaði
› 190 g rjómi, léttþeyttur
Látið matarlímið í kalt vatn. Skafið
vanilluna og látið í pott ásamt
mjólkinni. Hitið mjólkina að
suðumarki og látið standa í 20 mín.
Hitið mjólkina aftur upp og látið
gelatínið leysast upp í henni. Hellið
yfir fínt hakkað súkkulaðið í tveimur
skömmtum og hrærið út með sleikju.
Þegar blandan skín og súkkulaðið er
brætt hellist blandan yfir léttþeyttan
rjómann í mjórri bunu. Hrærið létt í
með sleikju á meðan hellt er.
Setjið í glös og skreytið með
berjum að eigin vali.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Pétur Þröstur Baldursson og
Anna Birna Þorsteinsdóttir
keyptu jörðina Þórukot í Víðidal
1. janúar 1997 af föður Péturs,
Baldri Skarphéðinssyni. Við
höfum fækkað fénu og seldum
sauðfjárkvótann og aukið við
mjólkurframleiðsluna og fjölgað
kúnum.
Býli: Þórukot.
Staðsett í sveit: Víðidal í Húnaþingi
vestra.
Ábúendur: Pétur Þröstur
Baldursson og Anna Birna
Þorsteinsdóttir.
Fjölskyldustærð (og gæludýra):
Við hjónin, dóttir og tveir synir.
Rakel Sunna 19 ára sem er í
Fjölbrautaskólanum á Selfossi,
Róbert Máni 15 ára og Friðbert
Dagur 13 ára ásamt hundinum
Óliver og þremur fjósköttum.
Stærð jarðar?
Jörðin er um 300 ha.
Tegund býlis?
Mjólkurframleiðsla auk smá
sparifjár og hrossa.
Fjöldi búfjár og tegundir?
Um 25 mjólkurkýr, 25-30 kvígur
og kálfar, 60 kindur og 20 hross.
Hvernig gengur hefðbundinn
vinnudagur fyrir sig á bænum?
Ýtt er á klukkuna um 7 leytið,
drengirnir eru þá vaktir fyrir
skólann og kemur skólabíll rétt
fyrir 8. Húsbóndinn fer þá í fjósið
að mjólka og sinnir gegningum
auk annara verka á býlinu og/eða
verktakavinnu fyrir aðra bændur í
sveitinni (á sumrin, áburðardreifing
og rúllun) fram að fjósmjöltum um
kvöldið. Húsfrúin fer í sína vinnu að
Sveitasetrinu Gauksmýri um klukkan
9.00 en reynir að taka eins mikinn
þátt í bústörfum eins og hún getur.
Skemmtilegustu/leiðinlegustu
bústörfin?
Öll störfin eru skemmtileg að vissu
marki, þau geta líka verið leiðinleg
ef hlutirnir ganga ekki upp. Að búa
í sveit er lífsstíll og að vissu leyti
aðlagar maður sig að rútínu og
gerir það skemmtilegt.
Hvernig sjáið þið búskapinn fyrir
ykkur á jörðinni eftir 5 ár?
Við þurfum að stækka
mjólkurframleiðsluna til að geta
framleitt meira og að aðbúnaðurinn
sé sem bestur.
Hvaða skoðun hafið þið á
félagsmálum bænda? Allt er
breytingum háð.
Hvernig mun íslenskum land-
búnaði vegna í framtíðinni?
Hann mun blómstra áfram um
ókomna framtíð.
Hvar teljið þið að helstu tækifærin
séu í útflutningi íslenskra búvara?
Með því að viðhalda hreinleika
íslensku búfjárafurðanna munum
við verða sterkari á þessum vettvangi.
Hvað er alltaf til í ísskápnum?
Ísköld mjólk beint úr mjólkurtanknum
fyrir drengina út á morgunkornið
ásamt Létt og laggott meðólífu og
rjómi frá MS.

Hver er vinsælasti maturinn á
heimilinu?
Lambakjötið klikkar ekki, annars
er það kjúllinn hjá konunni það
besta (öðru nafni skíthoppari hjá
valinkunnum nágrönnum okkar í
sveitinni).
Eftirminnilegasta atvikið við
bústörfin?
Þegar við skiptum alfarið yfir í
rúlluheytæknina á þriðja ári okkar
við búskapinn og endurnýjuðum
neysluvatnið 2007, fórum þá
í vatnsveitu frá næsta bæ við
okkur og bæði menn og skepnur
stórgræddu á því.
Þórukot