Morgunblaðið - 22.07.2015, Blaðsíða 9

FRÉTTIR 9Innlent
MORGUNBLAÐIÐ MIÐVIKUDAGUR 22. JÚLÍ 2015
Bolir, túnikur
peysur, buxur, pils
og töskur fyrir konur
á öllum aldri
Stærðir S-XXXL
20-70%
afsláttur
Verið velkomin
Álfheimum 74, 104 Rvk, sími 568 5170
Útsala
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Vertu vinur okkar á Facebook
afsláttur
St. 36–52
Þýskur gæðafatnaður!
Kjartan Kjartansson
kjartan@mbl.is
Til greina kemur að leita til starfs-
mannaleiga eftir erlendu starfsfólki
til að fylla í skarð heilbrigðisstarfs-
manna sem hafa sagt upp. Þetta
sagði Páll Matthíasson, forstjóri
Landspítalans, á opnum fundi með
velferðarnefnd Alþingis í dag. Hann
vonar að ekki komi til uppsagn-
anna.
Páll sat fyrir svörum á fundi
nefndarinnar ásamt Kristjáni Þór
Júlíussyni heilbrigðisráðherra og
Haraldi Briem, staðgengli land-
læknis, til þess að ræða viðbrögð
stjórnvalda vegna uppsagna heil-
brigðisstarfsfólks og kjaramála
heilbrigðisstétta.
Eigi hlutdeild í lausninni
Bæði Páll og Kristján Þór sögð-
ust vonast til þess að ekki kæmi til
uppsagna hjúkrunarfræðinga og
fleira heilbrigðisstarfsfólks. Gerðar-
dómur, sem á að ákveða kjör hjúkr-
unarfræðinga og félaga í aðildar-
félögum BHM, hafi svigrúm til að
vinna að sátt milli aðila.
„Það er mikils virði að niðurstaða
gerðardóms verði þannig að báðir
aðilar eigi hlutdeild í henni,“ sagði
ráðherrann.
Embætti landlæknis ynni nú að
greiningu á biðlistum sem hafi
lengst í verkfallahrinum í heilbrigð-
iskerfinu og í kjölfarið verði verk-
um forgangsraðað. Ráðherrann
muni óska eftir fjáraukaframlagi til
þess að vinna á þeim biðlistum sem
hafi skapast.
Laða fólk markvisst að
Forstjóri Landspítalans sagði
enn langt í að uppsagnirnar tækju
gildi. Uppsagnir 260 heilbrigðis-
starfsmanna væru slæmar en ekki
afgerandi á 5.000 manna vinnustað.
Stór hópur hefði sagt upp í
ákveðnum einingum eins og gjör-
gæsludeild í Fossvogi, hjarta- og
brjóstskurðdeild og minni ein-
ingum.
Mönnun á sumum sviðum heil-
brigðiskerfisins hafi hins vegar áður
verið viðkvæm. Því þyrfti í framtíð-
inni að laða fólk markvisst að
ákveðnum greinum þar sem skort
hefur fólk.
Ekki lausn til framtíðar
Til að bregðast við yrði fyrst litið
til þess að ráða annað starfsfólk. Ef
það gengi ekki upp kæmi til greina
að leita til starfsmannaleiga með er-
lent starfsfólk.
„Þær leysa vanda til skamms
tíma en skammtímastarfsfólk sem
er ekki hollt vinnustaðnum og þekk-
ir ekki til verður aldrei burðarásinn
í þjónustunni,“ sagði Páll sem sagði
að til þeirra yrði þó að sjálfsögðu
leitað ef erfið staða skapaðist.
Kristján Þór sagði að til greina
kæmi að ráða erlent starfsfólk en
það væri ekki forgangsmál. Það
gæti ekki verið framtíðarlausn fyrir
íslenskt heilbrigðiskerfi.
Munur á verkfalli lækna og
hjúkrunarfræðinga
Nefndarmenn spurðu gestina
meðal annars hvers vegna lög hafi
verið sett svo fljótt á verkfall hjúkr-
unarfræðinga þegar verkfalli lækna
hafi verið leyft að halda áfram vik-
um saman.
Páll sagði að verkfall læknanna
hafi farið hægar af stað með aðgerð-
um á afmörkuðum sviðum til skiptis.
Hins vegar hafi stefnt í allsherjar-
verkfall hjúkrunarfræðinga.
Heilbrigðisráðherra bætti við að
verkfall hjúkrunarfræðinga hafi
komið beint ofan í verkfall félags-
manna BHM sem hafi staðið yfir í á
þriðja mánuð.
Það væri ekki rétt að aldrei hafi
verið rætt um að setja lög á verkfall
lækna og hann hafi ítrekað verið
spurður út í það á sínum tíma. Hann
hafi hins vegar álitið þá og gerði
enn að lög á verkfallsaðgerðir heil-
brigðisstarfsfólks væri algert neyð-
arbrauð.
Erlent starfsfólk ekki
burðarás þjónustu
 Velferðarnefnd ræddi uppsagnir heilbrigðisstarfsfólks
Morgunblaðið/Styrmir Kári
Áhyggjur Boðað var til fundar í velferðarnefnd Alþingis vegna áhyggna af
stöðunni í heilbrigðiskerfinu eftir uppsagnir starfsfólks og kjaradeilur.
Andri Steinn Hilmarsson
ash@mbl.is
Ragnheiður Elín Árnadóttir, iðn-
aðar- og viðskiptaráðherra, segir
uppbyggingu innviða vegna fjölg-
unar ferðamanna vera fimm ára
átaksverkefni.
Hún segir að
niðurstöður
stefnumótunar,
sem ráðist var í af
hálfu ráðuneyt-
isins, Samtökum
ferðaþjónust-
unnar og Ferða-
málastofu, verði
kynntar í næsta
mánuði.
Spjótin hafa
beinst að ríkisstjórninni og Ragn-
heiði upp á síðkastið í umræðunni
um bága innviði í ferðaþjónustunni.
Ragnheiður bendir á að uppbygg-
ing innviða standi ekki aðeins á
stjórnvöldum. Hún segir að úthlutað
hafi verið 380 milljónum króna til
brýnna verkefna í fyrra, þ.e. þeirra
verkefna sem voru tilbúin til fram-
kvæmda, en þó sé enn rúmlega
helmingur af því fjármagni enn eftir
í Framkvæmdasjóði ferða-
mannastaða. Ástæðurnar eru ýmsar
að sögn Ragnheiðar, m.a. mikið
rigningasumar í fyrra, deiliskipulag
var ekki klárt.og erfiðlega gekk að fá
verktaka.
Ekkert bókhald um hvað renni
aftur til atvinnugreinarinnar
Ragnheiður segir tekjur ríkisins
af erlendum ferðamönnum vera
gríðarlegar, eða um 50 milljarða
króna. Það sé hins vegar þannig að
allar atvinnugreinar borga sína
skatta og ekkert bókhald sé til um
það hvað renni aftur til viðkomandi
atvinnugreinar.
„Þetta fer í okkar sameiginlegu
sjóði sem síðan er ráðstafað af Al-
þingi. En með t.d. 850 milljóna
króna aukafjárveitinguna tókum við
mið af því að við erum að fá gríð-
arlega vaxandi tekjur með þeim
aukna ferðamannafjölda sem hingað
kemur,“ segir Ragnheiður og vísar
þar til samþykktar ríkisstjórn-
arinnar frá því fyrr í sumar, þegar
samþykkt var að verja 850 millj-
ónum króna til brýnna uppbygg-
ingar- og verndaraðgerða á ferða-
mannastöðum sem eru í eigu eða
umsjón ríkisins.
Tíu prósentum þeirrar fjárhæðar,
eða rúmlega 80 milljónum króna, var
varið til uppbyggingar á salern-
isaðstöðu um landið, segir Ragn-
heiður.
Uppbygging inn-
viða tekur fimm ár
 Framkvæmdasjóður ferðamanna-
staða enn hálffullur, ári eftir úthlutun
Ragnheiður Elín
Árnadóttir
Sigurður Jóhann
Helgason, fyrrverandi
forstjóri og stofnandi
Steinsmiðju S. Helga-
sonar, andaðist á
Hrafnistu DAS í
Reykjavík 20. júlí sl. á
92. aldursári.
Sigurður fæddist 19.
desember 1923 í
Reykjavík, sonur
hjónanna Helga Guð-
mundssonar, aktygja-
smiðs og kirkjugarðs-
varðar, og Engilborgar
Helgu Sigurðardóttur,
húsfreyju.
Sigurður lauk sveinsprófi í múr-
araiðn 1947 og fékk meistarabréf í
steinsmíði 1971. Hann stofnaði S.
Helgason hf. Steinsmiðju árið 1953 og
var framkvæmdastjóri fyrirtækisins í
hálfa öld þar til það var selt 2003, árið
sem Sigurður varð áttræður.
Hann var félagi í Múrarafélagi
Reykjavíkur og í trún-
aðarráði félagsins til
1953, einnig í stjórn
Sveinasambands bygg-
ingamanna. Félagi í
Múrarameistarafélagi
Reykjavíkur frá 1953 og
í stjórn félagsins um
tíma og gegndi bæði
starfi gjaldkera og
varaformanns. Þá var
hann í stjórn Lífeyris-
sjóðs múrara. Auk þess
átti Sigurður sæti í
stjórn Öndverðarness.
Eiginkona Sigurðar
heitins var Guðrún Eyj-
ólfsdóttir (f. 2. ágúst 1926, d. 4. febr-
úar 1995). Þau eignuðust þrjú börn
sem öll lifa föður sinn, Maríu, f. 1949,
Helgu, f. 1954, og Jóhann Þór, f. 1958.
Barnabörn Sigurðar heitins eru átta
talsins.
Lífsförunautur Sigurðar hin síðari
ár var Birna Benjamínsdóttir.
Andlát
Sigurður J. Helgason