Morgunblaðið - 22.07.2015, Side 30

30 MENNING
MORGUNBLAÐIÐ MIÐVIKUDAGUR 22. JÚLÍ 2015
Laugavegi 7, 101 Reykjavík - Sími: 551-3033
Flottir í fötum
ÚTSALAN
í fullum gangi
40-50% afsláttur
Kjartan Már Ómarsson
kmo@mbl.is
„Hefðbundin sjálfsvígsrannsókn
tekur óvænta stefnu þegar lögreglu-
konan Hilma finnur tengsl við fleiri
sjálfsvíg og slys. Þótt þessi mál eigi
rætur í fortíðinni er Hilma skyndi-
lega komin í æsilegt kapphlaup við
tímann og harðsvíraður glæpamað-
ur er á hælum hennar.“ Svona lýsir
útgefandi bók Óskars Guðmunds-
sonar, Hilmu, sem kom út 30. apríl
á þessu ári.
Áður en Hilma fór í dreifingu og
birtist lesendum á prenti hafði bók
Óskars unnið sér það til frægðar að
búið var að kaupa að henni kvik-
myndaréttinn.
Það mun vera framleiðslufyrir-
tækið New Work ehf., hið sama og
framleiddi myndina Falskur fugl
eftir samnefndri skáldsögu Mikaels
Torfasonar sem hreppti hnossið.
Til stendur að Þórómar Jónsson
muni leikstýra myndinni, en hann
framleiðir jafnframt. Þórómar mun
hafa fengið handritið til yfirlestrar á
sínum tíma og gat víst ekki lagt það
frá sér, að eigin sögn. Hann lýsti
bókinni sem ótrúlega magnaðri og
„lifandi frásögn af persónu sem eng-
inn á eftir að gleyma“.
Ottó Geir vinnur handritið
Ottó Geir Borg hefur verið feng-
inn til þess að vinna handritið að
myndinni fyrir framleiðslufyrir-
tækið. Hann hefur áður skrifað
handrit fyrir kvikmyndir á borð við
Astrópíu, Brim, Gauragang, Svar
við bréfi Helgu og Ég man þig.
„Í stuttu máli hafði Þórómar,
leikstjóri og framleiðandi, samband
við mig og spurði hvort ég hefði
áhuga á að lesa bókina með það í
huga að vinna úr henni handrit,“
segir Ottó Geir. „Bókin var virki-
lega góð. Sérstaklega út af því
hversu flott aðalpersónan er, Hilma
sjálf. Hún gengur gegnum þvílíka
eldraun í þessari fyrstu bók. Það var
mjög spennandi að tækla kven-
karakter sem er bæði sterk og við-
kvæm, svona blanda af rannsókn-
arlögreglukonu og Lisbeth
Salander. Það er alltaf áhugavert að
skoða svona persónur.“
Vantar fleiri sterkar kven-
persónur í íslenskar kvikmyndir
Ottó Geir þykir vanta fleiri sterk-
ar kvenpersónur í íslenskar kvik-
myndir og hefur orð á því að mað-
ur verði að leggja sitt af mörkum
þegar svona flott verkefni dúkka
upp. Hann segir vinnuna við hand-
ritið hafna og sögubygginguna
klára.
„Ég er búinn að leyfa Óskari og
Þóri að lesa uppkastið og þeir voru
bara nokkuð ánægðir. Þetta er
talsverð breyting frá bókinni sem
er yfir 400 síður á lengd. Mig lang-
aði að taka bókina örlítið í aðra átt
með uppröðun og láta söguna byrja
örlítið fyrr.“
Ottó bætir við að sagan hafi alla
burði í heila röð bóka. „Persón-
urnar eru svo áhugaverðar,“ segir
hann.
Maður fær það bara í bakið ef
maður er að flýta sér of mikið
„En mín helsta vinna er að
reyna að halda tryggð við Hilmu
innan handritsins. Ég er bara bú-
inn að skrifa um 20 blaðsíður fyrir
uppkastið en núna fer vinna í gang
sem getur tekið 6-8 mánuði. Fólk
vill oft flýta sér en það er yfirleitt
ekki sniðugt í svona stöðu. Maður
fær það bara í bakið þegar tökur
byrja. Ef strúktúrinn er ekki góð-
ur eða persónur tala vitlaust.
Ódýrasta vinnan er þegar það eru
ekki 20 manns á setti og bara einn
handritshöfundur úti í horni að
krukka í þessu.“
Æsispennandi blanda af rannsókn-
arlögreglu og Lisbeth Salander
 Ottó Geir Borg skrifar kvikmyndahandrit upp úr Hilmu, spennusögu Óskars Guðmundssonar
Morgunblaðið/Golli
Skáldverk Hilma, eftir Óskar Guðmundsson, hefur verið í efstu sætunum yfir mest selda íslenska skáldverkið hjá Félagi íslenskra bókaútgefanda.
Í kvöld verður efnt til síðustu Jour-
ney-sýningar GusGus og Reykjavík
Dance Productions klukkan 20 í
Hörpu. Sýningin var frumflutt á
Listahátíð 2012 og hefur síðan þá
ferðast víða og verið í stöðugri þró-
un. Reykjavík Dance Productions
er hópur sem samanstendur af
mörgum færustu danslistamönnum
Íslands og í samvinnu við GusGus
hefur hópurinn lagt áherslu á sam-
tal þvert á listform, lýðræðisleg
vinnubrögð ásamt því að ýta hvert
öðru stöðugt út fyrir þægindaram-
mann. Í verkinu er unnið út frá
hugmyndinni um veislu eða partí í
mjög víðum skilningi og úr verður
framandi heimur þar sem list-
formin renna saman og mörkin á
milli danssýningar og tónleika mást
út eins og segir meðal annars í til-
kynningu.
Verkið hefur verið í útrás und-
anfarið, en sýningin hefur m.a. ver-
ið flutt í kornhlöðu í Danmörku,
leikhúsi í menguðustu borg heims,
Norilsk, og í einkaklúbbi í Moskvu.
Verkið hefur breyst við hverja sýn-
ingu og hafa listamennirnir verið
duglegir að bæta við lögum og sen-
um, skipta öðrum út og betrum-
bæta. Sýningarnar eru sérstakt
þróunarverkefni Hörpu og lista-
manna Journey með það að mark-
miði að efla og auka framboð á
menningartengdri ferðaþjónustu í
miðborg Reykjavíkur yfir sumar-
tímann og gefa erlendum gestum
tækifæri til að sjá íslenska list-
sköpun í bland við íslenska náttúru.
Sjónarspil Afrakstur samstarfs GusGus og Reykjavík Dance Productions
hefur fengið að njóta sín víðsvegar um heiminn en verkið er nú sýnt í Hörpu.
Síðasta Journey-sýn-
ingin í Hörpu í kvöld