Feykir - 16.12.1987, Blaðsíða 10

10 FEYKIR 42/1987
ÆEYKIlW
Óháð fréttablað
fyrir Norðurland vestra
■ RITSTJÓRI OG ÁBYRGÐARMAÐUR: Ari Jóhann
Sigurðsson ■ ÚTGEFANDI: Feykir hf. ■ SKRIFSTOFA:
Aðalgötu 2, Sauðárkróki ■ PÓSTFANG: Pósthólf 4,
550 Sauöárkrókur ■ SfMI: 95-5757 95-6703 ■ STJÓRN
FEYKIS HF.: Jón F. Hjartarsonsson, Sr. Hjálmar
Jónsson, Sæmundur Hermannsson, Sigurður Ágústsson,
og Hilmir Jóhannesson ■ BLAÐAMENN: Björn Jóhann
Björnsson sími 95-5253, Magnús Ólafsson sími 95-4495,
Þorgrímur Daníelsson sími 91-30538, örn Þórarinsson
sími 96-73254, Júlíus Guðni Antonsson sími 95-1433 og
985-25194 Auglýsingarstjóri: Haukur Hafstað sími 95-
5959 ■ ÁSKRIFTARVERÐ: 55 krónur hvert tölublað; í
lausasölu 60 kr. ■ GRUNNVERÐ AUGLÝSINGA: 210
krónur hver dálksentimetri ■ ÚTGÁFUDAGUR: Miðviku-
dagur ■ SETNING, UMBROT OG PRENTUN: SÁST
sf., Sauðárkróki.
— leiöari-----------------------------
Friðaijól
Leiðtogar stórveldanna hafa fært þjóðum sínum
og heiminum jólagjöf. Undirritun samnings um
eyðingu á hluta vopna úr kjarnorkubúrinu er
þýðingarmikið skref, sem getur orðið byrjun
nýrrar sögu í samskiptum þessara þjóða, og haft
ómæld áhrif í okkar heimshluta. Hernaðar-
þróuninni hefur verið snúið við um sinn, og eðlilegt
að vongleði grípi um sig við að sjá leiðtoga
þjóðanna skiptast á gamanyrðum í beinni
útsendingu eftir að hafa háð kalt stríð í marga
áratugi. Kannski óttinn sem það stríð magnaði
upp beggja vegna járntjaldsins í garð þess sem
handan sat hjaðni nokkuð um sinn.
Feykir hefur áður tekið undir og stutt viðleitni
fjöldahreyfinga til friðar, og vafalaust hefur
barátta fjöldans fyrir því að þjóðarleiðtogar gerðu
eitthvað raunhæft í kjarnorku- og hernaðarvá
nútímans haft sitt að segja. Það er þó varasamt að
fá glýju í augun yfir því sem sýnt var í sjónvarpinu.
Friðarbaráttan verður að byggjast á raunsæju mati
en ekki fjölmiðlabragði leiðtoganna, á tölum, þar
sem eru margar óþekktar stærðir og óviss útkoma.
Það er viss áminning til okkar sem smáþjóðar,
að land okkar skuli hafa verið vettvangur þeirra
umræðna sem leiddi til að þetta samkomulag
náðist nú á jólaföstu. Friður vinnst ekki með
stórum orðum heldur mörgum smáskrefum. Og
hann hefst heimafyrir.
Komandi jólahátíð friðar er vitjunarstund til
hvers og eins. Land okkar getur lagt sitt að
mörkum til að eyða óvinagrýlum austan tjalds og
vestan, til að gefa æskulýð sínum uppeldi til friðar
og innræta honum virðingu fyrir öllu lífi. An þessa
verða skrefin sem stigin eru í Washington ekki
fleiri, og jólagjöf leiðtoganna þýðingarlaus.
Gleðileg jól.
gþó
Afram gakk
„ljósvakans ljósrikingur”
Jæja, góðir lesendur, þol-
endur, stokkendur. Ég ætla
ekkert að byrja þennan þátt á
leiðréttingum eins og sumir,
síðasta grein var nokkuð
villulaus og vel prófarkar-
lesin.
Aftur tel ég mig neyddan
til að tjá mig um fjölmiðlun,
fyrirbærið sem tröllríður
okkur hámenntuðu, menningar-
legu, græðgislegu, nýjunga-
gjörnu Islendingum. Núna
skal ekki skammast út í
Stefán Jón Hafstein og
kumpána hans, heldur snúa
sér að ljósvakafjölmiðlun.
þ.e.a.s. imbakassanum (sjón-
varp á nútímamáli).
I síðustu viku ruddist Stöð
2 yfir þorra íbúa Norðurlands
vestra og er það einmitt
tilefni skrifa minna nú. Ég
hef hingað til gengið undir
dulnefninu „Velunnari RUV”
og dettur mér ekki í hug að
breyta þeirri góðu hefð þó að
Stöð 2 sé komin fyrir framan
glyrnur mínar. (Orðið glymur
segir í orðabók að merki
auga, einkum í hundum og
köttum; ljótt auga.) Stöð 2 á
alveg rétt á sér sem og aðrir
fjölmiðlar og mín skoðun á
alveg rétt á sér sem og aðrar
skoðanir. Hver er þá mín
skoðun? Jú, ég er nefnilega á
þeirri skoðun að Stöð 2 eigi
eftir að trufla all verulega
eðlilegt fjölskyldulíf á þeim
heimilum sem hingað til hafa
verið talin rólegheita heimili
og allir farnir í háttinn fyrir
miðnætti.
En enginn galli er svo
slæmur að ekki fylgi einhver
kostur! (nýr málsháttur) Ef
þú ætlar þér að glápa á Stöð 2
lon og don, fram yfir
miðnætti og allt það, þá þarft
þú að fjárfesta í fyrirbæri sem
hefur verið kallað myndlykill,
afruglari, afhristari, mynd-
hristari, ruglari, hlaupari,
alltari og ég veit ekki hvað.
Fyrirbæri þetta veitir þér
aðgang að ruglaðri, læstri,
lokaðri dagskrá Stöðvar 2 og
er talið af mörgum lykilinn
að stærstu myndbandaleigu
landsins. Þú þarft ekki annað
en að snara út innan við 20
þúsund krónum, þá er þetta
fyrirbæri komið inn á þitt
heimili, eins og hvert annað
straujárn. Um leið ertu
orðinn áskrifandi Stöðvar 2
og allar Ieiðir færar til betra
lífs og vega.
En ég, „Velunnari RÚV”,
er ekki svo létt gabbaður.
Frekar endurnýjaði ég strau-
járnið heldur en hitt. Nú
hefur Stöð 2 sést á skjám
okkar hér í N V í nokkra daga
og hafa flestir getað séð
ólæsta, óruglaða, ólokaða,
opna dagskrá Stöðvar 2. Ég
hef séð nokkra þætti af
„fréttamaskínunni” 19.19 og
mikið afskaplega er það
grautþunnur þrettándi. Þá
held ég að ég haldi mig við
tuðandi Ingva Hrafn, stamandi
Hall, kyngjandi Helga E. og
brosandi Eddu o.s.frv. Þau
eru einstök blessunin og ekki
orð um það meir!
Ég vil bara að endingu
segja þetta: Stöð 2 má alveg
vera til fyrir mér og ætla ég
ekki að fara að gagnrýna
hana meira nú, ég þarf að sjá
fleiri bindi hjá Páli Magnús-
syni til þess. En þangað til,
lesendur, þolendur, stokk-
endur góðir. Megið þið eiga
sjónvarpsleg, útvarpsleg, hátíð-
leg, ríkuleg og hvað var það
nú aftur......Já, gleðileg jól.
Nú slekk ég á tölvunni og við
hittumst aftur á svörtu, á
hvítu, á nýju ári. Þá verðu
nóg að gagnrýna aftir allt
fjölmiðlajólaflóðið.
Velunnari RÚV
Prentaraborðar, ritvélaborðar,
reiknivélaborðar og leiðréttingaborðar
í flestar gerðir tölvuprentara, ritvéla
og reiknivéla.
Úrval af diskettum 51/4 og 31/?
og diskettugeymslum.
Facit tölvuprentarar, ritvélar og
reiknivélar frá Gísla J. Johnsen.
Tölvumöppur og pappír frá Odda.
Victor tölvur og AST
tengikort frá
Einarí J. Skúlsyni hf.
Vegna staðgreiðslu skatta sem tekur gildi
um áramót er tilvalið fyrir fyrirtæki
að láta okkur sjá um launabókhaldið.
Getum einnig bætt við okkur fyrirtækjum
í fjárhags- og viðskiptamannabókhald.
SlL ll U sí
Skagfiröingabraut 6b - Simi: 95-6676 - 550 Sauöárkrókur