Feykir - 16.12.1987, Blaðsíða 11

42/1987 FEYKIR 11
Hvað er til ráða
Það hafa verið heldur
óskemmtilegar fréttir að
undanförnu um skemmdar-
fýsn, útivist og skemmtanir
unglinga hér í bæ.
Unglingar hafa þörf fyrir
að koma saman, ræða saman,
sýna sig og sjá aðra. Margir
hafa haft stór orð um
framkomu unglinganna og
vissulega er hörmulegt til
þess að vita að saklaus
kvöldganga breytist í óspektir.
Reyndar gerist það enn og
aftur að heilir aldurshópar
eru fordæmdir sem „glötuð
æska á villigötum” vegna
athafna örfárra einstaklinga.
Að sjálfsögðu líta menn
alvarlega á þessa atburði sem
gerst hafa hér síðustu helgar.
Eitt er víst, ekki er ástæða til
að gera úlfalda úr mýflugu.
Vissulega er það alvarlegt
þegar skemmdar eru eigur
borgaranna en þetta er mjög
þröngur og fámennur hópur
sem það stundar.
Verum minnug þess að hér
í bænum er tápmikil æska að
vaxa úr grasi og hún hefur
sýnt það og sannað að hún
gefur jafnöldrum sínum
ekkert eftir að atgervi.
Frammistaða unglinga bæjarins
í hinum ýmsu íþróttagreinum
sannar það, svo og fram-
koma þeirra þegar þeir eru á
ferðalögum, t.d. skólaferða-
lögum.
Á Sauðárkróki hefur verið
reynt að halda uppi ýmiss
konar unglingastarfi og má
til dæmis nefna félagsstarf
nemenda í Grunnskólunum,
Umf. Tindastóli, Skátafélaginu
og æskulýðsstarf kirkjunnar.
Það er ábyrgðarhluti að
halda uppi unglingastarfi og
ekki alltaf dans á rósum fyrir
þá sem þar vinna því hinir
fullorðnu eru æði oft tilbúnir
til að gagnrýna og finna að,
án þess þó að benda á
hvernig betur mætti gera.
Rætt hefur verið um hve
útivistartími unglinga hér á
Sauðárkróki er rúmur. Ekki
getur nokkur maður varið
fyrir sjálfum sér, eða öðrum,
að börn megi vera úti langt
fram á nætur, þó um helgar
sé. Til þess að þessari útivist
linni hjá unglingum þarf
hugarfarsbreytingu. - hugar-
farsbreytingu hjá hinum
fullorðnu, foreldrunum. For-
eldrar ættu að hugleiða í
alvöru að koma í veg fyrir
þessa löngu útivist.
Mikil breyting hefur orðið
á bænum á síðustu árum og
fólksfjölgun hefur orðið
veruleg. Við fögnum aukinni
velsæld og gleðjumst yfir
eflingu bæjarins, en við
verðum einnig að geta tekist
á við aukin verkefni sem því
fylgir. Nauðsynlegt er að
hafa íþrótta- og æskulýðsstarf
öflugt og til þess að svo megi
verða þarf að standa saman
að því að beina unglingum að
slíkri iðju. Hvort vel eða illa
takist til getur skipt sköpum
fyrir framtíð einstaklingsins.
Að síðustu, dæmum ekki
alla heildina út frá framkomu
örfárra einstaklinga. Látum
atburði síðustu helga, okkur
að kenningu verða. Stöndum
saman að því að gera
bæinn okkar að góðu sam-
félagi.
Björn Sigurbjörnsson
skólastjóri
Grunnskóla Sauðárkróks
efra stig.
t
Innilegar þakkir fyrir auðsýnda samúð og hlýhug við
andlát og útför föður okkar, tengdaföður, afa og langafa
Jóns Sigtryggs Sigfússonar
Ketu,
Skógargötu 26, Sauðárkróki
Guttormur A. Jónsson,
Björn Jónsson,
Hrafnhildur Jónsdóttir,
Lissý Jónsdóttir,
Anna Jónsdóttir,
Sigurlaug Jónsdóttir,
Viðar Jónsson,
Hrefna Einarsdóttir,
Elísa Vilhjálmsdóttir,
Jóhannes Sigmundsson,
Jósep Þóroddsson,
Stefán Vagnsson,
Steinunn Egilsdóttir,
harnabörn og barnabarnabörn.
Stærsta minkabú í kjördæminu hefur verið að rísa hjá Jóni Sigurðssyni á Mel í Staðarhreppi
Skagafirði.
Mikíl fjölgun minkabænda
Mjög mikill áhugi er nú
fyrir minkabúskap á Norður-
landi vestra. Á þessu ári
hefur verið unnið að byggingu
minkaskála á þrjátíu heimilum
í kjördæminu og einnig er
verið að breyta eldri útihúsum
til notkunar við loðdýrarækt
á nokkrum jörðum. I samtali
við Hjördísi Gísladóttur
ráðunaut Húnvetninga og
Skagfirðinga í loðdýrarækt
kom fram að ásettar minka-
læður síðasta ár voru um
5500 en fjölgar að öllum
líkindum um liðlega 600 í
haust. Ekki liggur enn fyrir
hvað fæst mikið af lífdýrum á
þessu svæði en ljóst er að all
verulegan fjölda þarf að
kaupa að og líta menn
einkum til Eyjafjarðar í því
sambandi. Ástæður þessarar
miklu fjölgunar og bjartsýni
á minkabúskapinn hvað
Hjördísi vera margvíslegar.
Niðurskurður vegna riðuveiki,
ungt fólk sem vildi búa á
jörðum ásamt foreldrum en
framleiðsluréttur væri of lítill
fyrir tvær fjölskyldur og
einnig væru talsvert margir
sem hyggðust stunda þennan
búskap með þeim hefðbundna
að minnsta kosti fyrst um
sinn.
Að sögn Hjördísar er
algengast að menn byggi yfir
um 300 minkalæður í byrjun,
slík hús eru um 700 fermetrar
að stærð. Hinsvegar væri sú
bústærð sem talin er nauðsynleg
ef fjölskylda ætlaði að lifa
eingöngu af minkabúskapnum
7-800 læður. Það væri þó
nauðsynlegt fyrir fólk að
spenna bogann ekki of hátt í
byrjun meðan það er að
kynnast þessari búgrein, auk
þess sem alltaf mætti búast
við talsverðri verðsveiflu á
skinnum og þar af leiðandi
nokkurri óvissu um afkomuna
frá ári til árs.
SAMVINNUBÓKIN
Ársávöxtun
Samvinnubókar
er nú 38.65%
Samvinnubókin
Hagstæð ávöxtun í heimabyggð
Innlánsdeild Kaupfélags Skagfirðinga