Feykir - 16.12.1987, Blaðsíða 18
18 FEYKIR 42/1987
„Það þarf að styrkja vaxtarbrodda atvinnulífsíns hér”
- segir Unnur Kristjánsdóttir iðnráðgjafi í viðtali við Feyki -
Ein af þeim stofnunum sem
skotið hafa upp kollinum hér í
kjördæminu nú á síðustu árum er
Iðnþróunarfélag Norðurlands
vestra. Iðnráðgjafi félagsins
er Unnur Kristjánsdóttir.
Fyrir skömmu opnaði félagið
skrifstofu á Sauðárkróki. Af
því tilefni hafði blaðið
samband við Unni og spurði
hana hvað Iðnþróunarfélagið í
rauninni væri.
„Iðnþróunarfélag Norður-
lands vestra er í eigu
sveitarfélaga á svæðinu og
rekur það iðnþróunarstarf-
semina. Einnig borgar ríkið
styrk sem er u.þ.b. 30% til að
reka þessa starfsemi. Iðn-
þróunarfélagið var stofnað
fyrir tveimur árum og þar af
hef verið hérna í eitt ár í
þessari vinnu. Starfsemin
gengur aðallega út á aðstoð
við atvinnulífið á svæðinu og
þau verkefni sem ég vinn í
eru fyrst og fremst að beinum
verkefnum með fyrirtækjum.
Þau geta að sjálfsögðu verið
af ýmsu tagi. Oftast er þetta
vinna með fyrirtækjum sem
eru af smærri gerðinni og
geta í rauninni ekki keypt
svona þjónustu frá dýrari
aðilum. Undanfarið hef ég
verið að vinna að ullariðnað-
inum og verið að skapa
einhver ný mótíf fyrir nýrri
stöðu sem mér finnst vera í
ullariðnaði. Til dæmis má
geta þess að um daginn
héldum við fund með Jóni
Sigurðarsyni forstjóra Álafoss
til að kynnast aðeins hvað
væri að gerast þar á bæ og
einnig til að kynna okkur, og
hvað við gætum gert til að
hjálpa til við endurreisn
ullariðnaðarins í landinu”.
En hvert er aðalverkefni
Iðnþróunarfélagsins í dag?
„Það er tvímælalaust undir-
búningur að stofnun fjár-
festingafélags. Þessi hugmynd
á sinn aðdraganda sem varsá
að Þróunarfélag Islands kom
með tilboð í sumar um að
leggja 20% hlutafjár í svona
fjárfestingafélög í landshlut-
unum og það er því verið að
vinna að þessu í fleiri
landshlutum. Síðan var farið
á alla þéttbýlisstaðina á
svæðinu ásamt manni frá
Þróunarfélaginu til að kynna
hvað hér var á ferðinni. Það
Unnur Kristjánsdóttir.
voru allir inn á því að þessi
grunnhugmynd að stofna
svona sjóð hérna þýddi það
að við værum búin að
eymamerkja kjördæminu á-
kveðna upphæð sem ráða-
menn hér í kjördæminu sæju
um, þ.e. að menn væru þarna
að styrkja vaxtarbrodda í
atvinnulífinu sem þeim væri
sjáanlegt en forráðamenn
sjóða í Reykjavík myndu
aldrei vita um. Menn voru
einnig inn á því að þetta
Kaupmaðurinn
á horninu
Kjötvörurnar frá KEA
Jólamatur sem aldrei bregst
Svínahamborgarahryggir
Nýir svínahryggir
Svinakóteiettur
Reykt úrb. svínakambur
Bayonese-skinka
Reykt svinalæri
Úrb. hangikjöt
Rjúpur
Hreindýrakjöt
Kjúklingar
Stórkostlegt úrval
af nýju - frosnu og
niðursoðnu grænmeti
Úrval af konfekti
Tilboð
400 gr kassi kr. 259.-
Adidas - Challinger -
Liverpool - skór
Leikföng í þúsundatali í
gömlu bókabúðinni
Verslunin Tindastóll sími 5119
Gamla bókabúðin sími 6770
myndi styrkja nýbreytni í
fyrirtækjarekstri og betri
rekstur fyrirtækja. Þá var
einnig um það rætt að 60% af
fé sjóðsins myndi vera í eigu
fyrirtækja í kjördæminu,
einnig kom það fram að
eigendur fyrirtækja eiga í
erfiðleikum með að útvga
fjármagn vegna fjarlægðar
frá aðalpeningamarkaðnum.
Síðan hefur verið rætt um
staðsetningu og reynt að
leysa það mál. Svo hefur það
komið upp að fyrirtæki hér
eru ekki með peninga í
handraðanum til að slá út
fyrir hlutafé í fjárfestinga-
félaginu og það hefur verið í
athugun að útvega einhver
lán til kaupa á hlutafé.
Niðurstaðan af síðasta undir-
búningsfundinum sem var
haldinn á Hofsósi var sú að
menn gerðu sér vonir um að
safnast gætu 30 millj. kr. í
hlutafé á svæðinu og þar með
værum við búin að stofna hér
atvinnuvegasjóð sem væri
fyrir atvinnulífið á Norður-
landi vestra”
Hvað með markmið?
„Já það var rætt um að
félagið sæi um lánastarfsemi
og fjármögnun á hlutafjár-
kaupum. Það væri fyrst og
fremst horft á arðsemi og
þarna væri verið aðfinna þær
greinar fyrirtækja á svæðinu
sem gætu orðið arðsamar, og
þannig tryggjum við líka
reksturinn á svona sjóði. Nú
þegar hefur verið bent á
verkefni sem áhugi er á að
leggja fjármagn í en það er
ferðaþjónusta eða ferðamanna-
iðnaður.
Rekstrarlega séð, er ljóst
að fyrirtækin þurfa að vigta
þungt hvað varðar rekstur á
svona sjóði og hér á þessu
svæði eru mörg stór fyrirtæki
sem hafa verulega fótfestu og
það er mikils virði að þau
verði með og ég held að þau
séu mjög jákvæð fyrir þessu
verkefni.
Ætlunin er að hlutaféð
verði ávaxtað hér í lána-
stofnunum á svæðinu og
þetta félag standi ábyrgt fyrir
því fé sem síðan fer í gegnum
sjóðinn.
Ekki hefur verið ákveðið
neitt hvað varðar daglegan
rekstur og staðsetningu, en
það er ekki hægt fyrr en
komið er í ljós hvað mikið fé
safnast í þennan sjóð.
Við ætlum okkur að
standa þannig að stofnun
þessa fjárfestingafélags að
við sjáum af því árangur eins
og gerst hefur á Eyjaíjarðar-
svæðinu. Að lokum vonum
við að engin hreppapólitík
skemmi fyrir okkur en
óneitanlega getur myndast
nokkur togstreita á milli
héraða.”
Staðarskáli:
Jólahlaðborð að norrænum hætti
Staðarskáli í Hrútafirði
sem á margan hátt hefur
verið brautryðjandi á ýmsum
sviðum endurtekur það enn á
ný með boði sínu um
jólahlaðborð að norrænum
sið. Helgarnar í desember
fram að jólum býður Staðar-
skáli þetta hlaðborð sem
samanstendur af þjóðlegum
réttum frá Norðurlöndunum.
Að sögn Magnúsar Gísla-
sonar eins eigenda Staðar-
skála er jólahlaðborð sem
þetta mjög vinsælt í Svíþjóð,
Noregi og Danmörku og þar
er það orðinn almennur siður
að fólk safnist saman í
jólamánuðinum og þjófstarti
jólunum með því að gæða sér
á réttum sem eiga sér rætur
langt aftur í aldir líkt og
hangikjötið og laufabrauðið
hér á landi.
Margir erlendir siðir hafa
tröllriðið mörlandanum nú
síðustu árin og má eflaust
deila lengi um kosti eða galla
þess en framhjá hinu verður
ekki litið að jólahlaðborð
hlýtur að höfða mun frekar
til félagasamtaka, vinnu-
hópa hvað þá fjölskyldna
heldur en t.d. jólaglögg sem
hefur verið að ryðja sér til
rúms hér á landi.
Matreiðslumaður í Staðar-
skála er Ingvar Guðmundsson.