Ritröð Guðfræðistofnunar - 01.01.2008, Page 59

Þýðingarnefndirnar vildu ekki hrófla við aldagamalli hefð og héldu því
oftast orðinu óbreyttu en stöku sinnum var skipt á því og orðinu fólk ef
betur þótti fara af samhenginu.
Málþing var haldið um þetta efni á vegum ýmissa aðila í október 2004
og komu þar greinilega fram mjög skiptar skoðanir. Séra Sigurður Ægisson
birti hugvekju í Morgunblaðinu 3. október 2004 þar sem hann ræddi m.a.
um sálma sem hann taldi eingöngu vísa til karla og sagði sjónarmiðum
kvenna til stuðnings:
Og gamla tuggan, um að þær séu líka menn, er bæði þvæld og vitlaus og
passar ekki inn í þessa umræðu. Ég myndi á líkan veg aldrei geta haft yfir
kvenkynjaðan sálm þótt ég sé mannvera.
Þessari hugvekju svaraði Guðrún Þórhallsdóttir í grein í Lesbók
Morgunblaðsins 6. nóvember sama ár en hún hefur helst talað gegn breyt-
ingunni á karlkyni fleirtölu í hvorugkyn fleirtölu. Um það má lesa í grein
eftir Guðrúnu í Lesbókinni 9. febrúar 2008.
Af umræðum að dæma, sem fram komu eftir að Biblían kom á markað
í október, virðast sumir andvígir því að breyta brœður í bræður og systur eða
systkin og kem ég að þeim athugasemdum síðar (11.1). Einnig var fundið
að því að hvorugkynsmyndin þau væri ekki notuð mun oftar.
Ýmsir vildu ganga svo langt að nota fornafnið þau á eftir orðinu lærisvein-
ar þar sem lærisveinar Krists hefðu bæði verið karlar og konur. Fylgjendur
Jesú voru nefndir lærisveinar og tekur orðið annars vegar til stórs hóps
fylgjenda hans og hins vegar til þrengri hóps fylgjenda en hvor tveggja
hópurinn taldi bæði konur og karla. Innsti hringur lærisveinahópsins voru
„hinir tólf‘ sem voru nafngreindir tólf karlmenn og nefndir postular. Þótt
verið sé að tala um stóran hóp fylgjenda af báðum kynjum verður fornafnið
sem fylgir að vera í karlkyni. Það samræmist ekki íslenskri málfræði að nota
hvorugkynsmyndina þau á eftir nafnorði í karlkyni. Því er fornafnið ávallt í
karlkyni þegar það vísar beint til orðsins lærisveinar \>ótt hópurinn hafi verið
blandaður. í formála biskups að kynningarhefti Nýja testamentisins er vikið
að þessu atriði (2005:8). Þar stendur: „Þegar stærri lærisveinahópurinn er
ávarpaður er notað hvorugkyn fleirtölu þegar það brýtur ekki augljóslega
57