Ritröð Guðfræðistofnunar - 01.01.2008, Side 60

gegn reglum um rétt og vandað íslenskt mál.“ Þessu fylgdi þýðingarnefndin
eins og kostur var.
Eins og ég gat um áðan var ekki samstaða um breytingar á málfari þannig
að öllum gæti þótt það ná til beggja kynja. Kvennakirkjan hefði kosið að
gengið hefði verið enn lengra. Líklega félli þeim vel Biblía af því tagi sem
gefin var út í Þýskalandi 2006 undir heitinu Bibel in gerechter Sprache. Ég
ætla aðeins að nefna örfá dæmi til að sýna hversu langt er hægt að ganga
til að ná fram málfari sem nær jafnt til beggja kynja. f bréfum Páls postula
eru ávarpsorðin: „Liebe Schwestern und Briider". Ef við skoðum sjöunda
versið í þriðja kafla Matteusarguðspjalls stendur í þýsku þýðingunni: „Als
er viele Menschen aus den pharisáischen und sadduzáischen Gruppen zu
seiner Taufe kommen sah...“ þar sem í íslensku Biblíunni stendur: „Þegar
Jóhannes sá að margir farísear og saddúkear komu til skírnar ...“. I fjórtánda
versi tólfta kafla sama guðspjalls stendur í þýsku þýðingunni: „Die phar-
isáischen Frauen und Mánner gingen davon ...“ þar sem í íslensku þýðing-
unni stendur: „Þá gengu faríserar út ...“. Úr nítjánda kafla, þriðja versi má
nefna enn eina leiðina til að komast hjá því að nefna aðeins karlmenn. Þar
stendur: „Einige Pharisáer und Pharisáerinnen kamen zu ihm ...“ þar sem
í íslensku þýðingunni stendur: „Þá komu farísear til Jesú ...“. Þessi þýska
þýðing vakti mikla athygli og hefur verið harðlega gagnrýnd en þriðja útgáfa
bókarinnar var samt komin á markað í upphafi árs 2007.
Ég hygg að líti menn opnum augum á nýju íslensku þýðinguna sjái þeir
að eins stutt var gengið og unnt var í þá átt að láta málfar ná til beggja kynja
fyrst ákveðið var að stíga fyrsta skrefið.4
11. Helstu aðfinnslur5
Aðfinnslur komu fram í fjölmiðlum áður en þýðingunni var formlega
lokið og eins eftir að Biblían var afhent íslensku þjóðinni með viðhöfn 19.
október síðstliðinn. Slíks var að vænta og er vel þekkt úr íslenskri og erlendri
biblíuþýðingarsögu. Sumir virtust bíða með óþreyju eftir útgáfudeginum til
4 Þeim sem kynnast vilja viðhorfum þeirra sem stóðu að þýsku þýðingunni bendi ég á
áhugaverða bók, Die Bibel iibersetzt in gerechter Sprache? Grnndlagen einer neuen
Ubersetzung sem út kom 2006.
5 Félögum mínum og vinum úr þýðingarnefndunum, Einari Sigurbjörnssyni, Gunnlaugi A. Jónssyni
og Sigurði Pálssyni, þakka ég aðstoð við hebresku og grísku.
58