Ritröð Guðfræðistofnunar - 01.01.2008, Page 121

bænin er uppspretta hjálpar, einkum þegar manni líður illa eða á við erf-
iðleika af einhverjum toga að stríða.
Afstaðan til annarra trúarbragða en kristni og gildis trúarbragða almennt
endurspeglar umburðarlyndi unglinganna í trúmálum. Þetta styður jafn-
framt að trúarbrögð og það sem þau fela í sér hafi gildi í augum margra
þeirra. Trúarbrögð skipta máli fyrir þá sem trúa vegna trúarlegra hefða og
siðvenja og vegna þess að þau hjálpa fólki á tímum erfiðleika og sorgar og
þegar glímt er við tilvistarspuringar.
Þegar rætt var við unglingana um mótlæti og erfiðleika og þau voru
spurð að því hvað þau óttuðust mest eða hefðu áhyggjur af kom í ljós að
helmingurinn nefndi dauða einhvers nákomins. Athygli vekur að um helm-
ingur taldi sig ekki óttast dauðann. Ottinn snýst um að missa einhvern en
ekki um dauðann sjálfan. Meðal þeirra sem sögðust óttast dauðann virtist
umhugsunin um hann skapa óöryggi og ótta við aðskilnað og einsemd.
Sumir unglinganna veltu fyrir sér tilvistarspurningum í þessu sambandi og
því hvað gerist þegar við deyjum og hvort það sé líf eftir dauðann.
Fram kemur í svörum unglinganna að það eru fjölskylda og vinir sem
mestu máli skipta þegar eitthvað bjátar á. Stúlkurnar leita meira til mæðra
sinna en drengirnir, sem aftur á móti leita frekar til vina sinna. Svipaður
munur milli kynjanna birtist í fyrri rannsókn minni sem áður er getið
um.15
Þegar meginlínurnar í viðtölunum milli ára eru bornar saman kemur í
ljós að munurinn á hugmyndum og afstöðu unglinganna er fremur lítill. A
hinn bóginn virðist það þó vera heldur auðveldara fyrir þau að ræða málefni
af þessu tagi þegar þau eru komin í 10. bekk heldur en þegar þau voru í 9.
bekk. Þá voru þau oft ákveðnari í seinna viðtalinu varðandi hvort trú eða
trúarbrögð hefðu áhrif á líf þeirra og hvernig þau lýstu hugmyndum sínum
um Guð. Líklega hefur eitt ár í aldri með auknum þroska sitt að segja í
þessu sambandi.
15 Gunnar J. Gunnarsson 1999b.
119