Ritröð Guðfræðistofnunar - 01.01.2008, Qupperneq 122

Einstaklingurinn í hópnum
Til að kafa dýpra í viðhorf og hugmyndir unglinganna og til að reyna að
greina hvað hefur áhrif á hvernig þau tjá sig um áhrif trúar á líf sitt og
viðhorf voru viðtöl við þrjá af unglingunum skoðuð nánar. Eg valdi tvær
stúlkur og einn dreng úr hópnum vegna þess að þau hafa ólíkan trúarlegan
bakgrunn sem um leið getur endurspeglað breytileikan í hópnum í heild.
Tvö þeirra voru mjög virk í kirkjulegu starfi þegar þau voru yngri en aðeins
annað þeirra þegar viðtölin voru tekin. Eitt þeirra ólst upp við trúarlega
iðkun á heimilinu og gegnum þátttöku fjölskyldunnar í kirkjustarfi en
hin tvö hafa litla eða enga reynslu af trúarlegu uppeldi á heimilinu. Tvö
voru fermd í kirkju en eitt borgaralega. Þá er munurinn á milli kynjanna
áhugaverður, einkum vegna þess að í fyrri rannsókn minni reyndust stúlkur
mun virkari trúarlega heldur en drengirnir.16 Sama virðist vera uppi á teng-
ingum þessari rannsókn og drengirnir áttu oftar í erfiðleikum með að tjá
sig um trúarleg efni. Hér verður sérstaklega skoðað hvernig þessi þrjú tjá sig
um áhrif trúar á líf sitt, um hugmyndir þeirra um Guð, um trúrlega iðkun,
gildi trúar og trúarbragða, hugsanir um dauðann og fleira. Ég mun síðan
bera þau aðeins saman og reyna að komast að niðurstöðu með því að bera
þau saman við meginlínurnar í öllum hópnum. Nöfnin sem notuð eru eru
að sjálfögðu tilbúningur.
Anna
Anna hefur verið virk í starfi þjóðkirkjunnar síðan hún var lítil, fyrst í barna-
starfmu og síðan í æskulýðsfélaginu. Foreldrar hennar eru einnig virk í kirkj-
unni og hún hlaut trúarlegt uppeldi heima við. Anna lýsir sjálfri sér sem
hamingjusamri og í hennar augum er fjölskyldan og vinirnir það mikilvægasta
í lífinu. Hún telur jafnframt mikilvægt að njóta lífsins og vera jákvæð.
Þegar Anna var spurð að því í 9. bekk hvort trú eða trúarbrögði hefðu
einhver áhrif á líf hennar játaði hún því:
— Jd, ég mundi segja það.
— Hvaða áhrifi
— Mikil áhrif.
16 Gunnar J. Gunnarsson 1999b.
120