Ritröð Guðfræðistofnunar - 01.01.2008, Side 123

Ári síðar í 10. bekk er hún sömu skoðunar og þegar hún er spurð nánar
um hvers konar áhrif trú hefur á líf hennar lýsir hún sjáfri sér sem trúaðri:
- Mér finnst bara styrkjandi að eiga trú...og bara gott.
- Hvaða trú?
— Eg trúi á Guð og Jesús.
Þegar Anna er spurð nánar um hugmyndir hennar um Guð virðist hún
eiga í nokkrum erfiðleikum með að útskýra þær. I 9. bekk er svar hennar:
— ...hann er alla vega góður og miskunnsamur.
Ári síðar er hún tilbúin til að tala meira um þetta. Hún viðurkennir að
hún hugsi oft um þetta og að það sé frekar erfitt að skilja þetta. f hennar
augum er Guð alla vega ekki bara einhver kall. Hann er andi.
I 9. bekk, þegar Anna hugsaði um það hvernig heimurinn varð til, datt
henni helst í hug eldgos og sprengingar og einnig geimurinn og fullt af
stjörnum. Ári síðar eru vangaveltur hennar meira blanda af vísindalegum
og trúarlegum skýringum:
— Heimurinn. Sko ég trúi á þessar kenningar um að það hafi verið einhver
ský sem þéttast saman og svo verður þetta að einum heimi. En ég held að sá
sem hafi stjórnað því hafi verið Guð. En ekki að hann hafi. skapað þetta allt
eins og stendur í Biblíunni.
— Hver er tilgangur lífsins að þínu mati?
- Það er rosalega erfiitt að skilja þetta, sko. Ég held að tilgangur lífsins sé
ekkert rosalega djúpur, heldur bara að lifa lífinu og upplifa það. Reyna bara
að vera góður.
Anna trúir því að Jesús Kristur hafi verið sonur Guðs sem kom til jarð-
arinnar til að sýna okkur hvað Guð er góður. Þegar hún er spurð að því
hvort Jesús hafi einhverja þýðingu fýrir hana er hún í engum vafa:
— Já, hann skiptir mig miklu máli.
- Hvaða þýðingu?
- Mér fiinnst bara rosalega merkilegt að vita að einhver vildi deyja á krossi
fyrir allt mannfólkið, mér finnst það bara mjög merkilegt.
Þegar Anna er spurð um bænir og gildi bæna er hún sannfærð um gildi
þess að biðja. Bæði í 9. og 10. bekk er hún viss um að það hjálpi og að það
sé gott að biðja. Hún biður oft með eigin orðum:
121