Ritröð Guðfræðistofnunar - 01.01.2008, Síða 132

milli trúarlegs uppeldis hennar á heimilinu og í kirkjunni og hún kemur
okkur fyrir sjónir sem trúaður kristinn einstaklingur. Berglind vísar til reynslu
sinnar í fjölskyldunni en á sama tíma virðist hún vera undir áhrifum frá trúar-
brögðum í samfélaginu, fjölmiðlum, skólanum og meðal vina sinna. Þetta
leiðir til þess að hún tengir saman veraldleg og trúarleg viðhorf og hugmyndir
þegar hún leitast við að túlka tilvist sína. Þegar Einar túlkar sína reynslu er
það bæði reynslan úr fjölskyldunni og kirkjunni sem koma þar við sögu og
hugsanlega áhrif frá vinum hans. Það sem einkennir hans tilvistartúlkun er
ósamræmi milli þess sem hann lærði í kirkjustarfinu sem barn og heima við
og það leiðir til þess að trúin hefur ekki lengur neitt gildi fyrir hann.
Greining og túlkun á því hvernig unglingarnir sem tóku þátt í rannsókn-
inni tala um trú og trúarlega virkni sýnir að trúarbrögð gegna hlutverki í
tilvistartúlkun þeirra. Þegar horft er á meginþræðina í viðtölunum í heild,
hvernig trú og trúarbrögð birtast sem áhrifaþáttur í tilvistartúlkun margra
í hópnum og það borið saman við hliðstæðar niðurstöður úr fyrri rannsókn
minni frá lokum síðustu aldar, er auðvelt að alhæfa og draga þá ályktun
að þetta sé til marks um einsleitni samfélagsins og mikilvægi kristninnar
í íslensku samfélagi og menningu. En þegar einstaklingarnir eru skoðaðir
nánar kemur margbreytileikinn í ljós, margbreytileiki sem skapast af mis-
munandi aðstæðum og áhrifum í fjölskyuldunni. Þá er einnig vert að hafa í
huga áhrif vinahópsins. Þekking á þessum ólíka bakgrunni og áhrifum hans
er eitt af því sem mikilvægt er til skilnings á tilvistartúlkun einstaklinganna
og hann gerir myndina af tilvistartúlkun unglinganna flóknari en við fyrstu
sýn. Þau þrjú sem skoðuð voru sérstaklega í þessari grein tala öll um áhrif
trúar eða trúarlegrar iðkunar og hugmynda á líf sitt. Þau hafa öll komist í
einhvers konar snertingu við trú og trúarlega iðkun og það leiðir til þess að
trúarbrögð eða trúarlegar hugmyndir gegna hlutverki í tilvistartúlkun þeirra
hvort sem þau líta á sig sem trúuð eða ekki. Margbreytileikann sem kemur
í ljós má skýra með því meðal annars að vísa til trúarlegs bakgrunns þeirra
í fjölskyldunni. Þegar þau velta vöngum yfir tilveru sinni og reynslu gerist
það í víxlverkan við þá félagsmótun sem þau hafa hlotið í fjölskyldunni, en
einnig í samskiptum við vini og samfélagið í heild sinni.
Fjölbreytileikinn sem hér birtist er einnig áhugaverður þegar rætt er um
trúarlegt uppeldi á heimilum og í trúfélögum en ekki síður þegar um er að
130