Skagfirðingabók - 01.01.1997, Side 9

„HELDUR FANNST MÉR ÞETTA BRAGÐLAUST
HJÁ HONUM”
AF GUÐJÓNI SIGURÐSSYNI BAKARAMEISTARA
eftir ÓLA BJÖRN KÁRASON ritstjóra
Guðjón Sigurðsson bakarameistari1 var ekki hár í lofti en sam-
svaraði sér vel, snaggaralegur og kvikur í hreyfingum, glaðleg-
ur og hressilegur í framkomu, fundvís á spaugilegar hliðar lífs-
ins. I liðlega hálfa öld réði hann ríkjum í Sauðárkróksbakaríi og
sá Króksurum og öðrum Skagfirðingum fyrir brauði. Bakaraiðn
var þó ekki það sem hugur hans stóð til á yngri árum, því að
hann ætlaði sér í langskólanám og las undir menntaskóla með
aðstoð Margeirs Jónssonar kennara. Guðjón ætlaði sér að verða
læknir en taugaveiki kom í veg fyrir að sá draumur rættist.
Áhuga á lækningum átti hann ekki langt að sækja. Guðbjörg
móðir hans hafði alla tíð orð á sér fyrir að búa yfir ýmsum
ráðum til heilsubótar.
1 Þegar ég féllst á að skrifa um Guðjón Sigurðsson bakarameistara á Sauðárkróki
í Skagfirðingabók, gerði ég mér ekki fyllilega grein fyrir því hve lítið í raun ég
þekkti sögu hans og fjölskyldunnar í bakaríinu. Eftir því sem á verkið leið
hefur þekkingin vaxið en um leið hafa fleiri spurningar komið upp - spurn-
ingar sem ég svara ekki að þessu sinni. Frásögn þessi er langt frá því að vera
tæmandi yfirlit um ævi og störf Guðjóns, enda slíkt ekki gerlegt á þessum
vettvangi. Hér er fremur stiklað á stóm og reynt að draga upp mynd af þessum
litríka manni sem ég þekkti ekki öðruvísi en sem afa. Og nálægðin litar frá-
sögnina óhjákvæmilega. Þeim sem þekktu til í bakaríinu kann einnig að
finnast það sérkennilegt hve lítið fjallað er um ömmu mína Ólínu Bjömsdótt-
ur, eins samtvinnuð og saga hennar og Guðjóns er. Málsbót mín er ekki önnur
en að benda á þau takmörk sem eðlilega eru sett í stuttu ágripi.
7