Skagfirðingabók - 01.01.1997, Síða 26

SKAGFIRÐINGABÓK
Á þessum árum átti iðnaður erfitt uppdráttar á Sauðár-
króki. Það sem opnaði möguleikana og fyllti menn bjart-
sýni var virkjun Gönguskarðsár. Það hafði úrslitaþýð-
ingu fyrir atvinnu hér í bænum. Heimamenn áttu frum-
kvæði að byggingu virkjunarinnar, en höfðu ekki fjár-
hagslegt bolmagn til að reka hana, þannig að hún var
fljótlega gerð að ríkis-héraðs rafveitu.
Félagið var aldrei aðili að neinum kaupsamningum enda
ekki til þess stofnað, heldur var þar rætt um ýmis al-
menn hagsmunamál iðnaðarmanna; iðnréttindi og iðn-
menntun. Menn gerðu sér ljósa þýðingu þess að halda
saman. Á þessum árum var mikið um að ungir menn
færu suður í setuliðsvinnu, þeir heimtust illa til baka og
það var verulega slæmt fyrir bæjarfélagið.
Feykir, 2. febrúar 1983
Bakarís-íhaldið
Starf Sjálfstæðisflokksins á Sauðárkróki var samofið bakaríinu
um áratuga skeið. „Þú ert úr íhaldshreiðrinu," sagði gamall
krati eitt sinn við mig og vísaði til þess að bakaríið væri griða-
staður íhaldsins, ekki síst í kringum kosningar. Skrifstofa Sjálf-
stæðisflokksins var lengi á kontor bakarameistarans, enda gekk
hann hart fram í kosningum. Pólitísk átök voru afar hörð og
persónuleg á fyrstu áratugunum eftir seinna stríð. I fámennu
samfélagi var barist um hvert atkvæði og þar naut Guðjón sín
einna best, enda slyngur áróðursmaður þar sem leikhæfileikar
hans nutu sín. Sannfæringarkrafturinn var hins vegar sterkast-
ur í einkasamtölum. Guðjón þekkti alla og átti auðvelt með að
fara nærri um skoðanir fólks. Áður er kjörstöðum var lokað
hafði Guðjón merkt kjörskrána og spáð fyrir um úrslit kosn-
inga. Nær undantekningalaust urðu úrslit eins og merkingar
Guðjóns á kjörskrá höfðu bent til.
24