Skagfirðingabók - 01.01.1997, Qupperneq 40

SKAGFIRÐINGABÓK
Sjúkrahúsið 1908. Árið 1908 var sjúkrahúsið byggt. Undir-
búningur þeirrar byggingar hafði staðið í mörg ár og verið
safnað fé og fyrsti hvatamaðurinn að því var Guðmundur læknir
Hannesson. Hann kom skriði á málið.
Vatnsveitan 1912. Vatnsveitu kom bærinn sér upp 1912. Það
var hið mesta þarfaverk því þótt lindirnar sem vatnið var sótt í
væru í sjálfu sér brúklegar og vatnið í þeim gott þá vildi það
óhreinkast á heimleiðinni, einkum ef hvasst var og ryk á göt-
unum.
Bryggja 1916. Þá er bryggjan næst í röðinni. Hún var byggð
1916. Hafði undirbúningur hennar gengið mjög treglega því
það hafði verið ærið erfitt að sameina hugi manna um það mál-
efni.
Öldubrjðtur 1917. Árið eftir, 1917, var byrjað á að byggja
öldubrjótinn. Fyrir mörgum árum hafði verið gerð tilraun í þá
átt, en sú tilraun mistókst, og var þá ekki átt meira við það í
mörg ár. Nú er reynsla fengin á að þetta er hin eina rétta og
sjálfsagða leið til hafnarbóta hér og á þeirri skoðun var Kirk
sál. hafnarverkfræðingur þegar hann gaf skýrslu sína til Stjórn-
arráðsins 1917. Kveður hann það rétta leið til að bæta höfnina
og varna landrifi.
Apótek 1921.
Nú hefi ég í stuttu máli farið yfir mannvirkjasögu bæjarins á
liðnum 50 árum. Eg ætla þá með nokkrum orðum að víkja að
öðrum hliðum bæjarlífsins.
Verzlun
Strax frá því er Lúðvík Popp byrjaði hér að verzla óx verzlunin
mjög fljótt því eins og áður var sagt var ólíkt hægra að sækja
verzlun hingað en vestur eða út á ósa.4 Það risu líka fljótt upp
4 Vestur vísar til Höfðakaupstaðar, en út á ósa til Grafar- og Hofsósa. Ritstj.
38