Skagfirðingabók - 01.01.1997, Page 46

SKAGFIRÐINGABÓK
Þá hefi ég nefnt á nafn hin helztu atriði úr sögu þessa bæjar, en
eins og þið hafið heyrt hefi ég aðeins stiklað á því. Eg veit mér
hefur ekki tekizt að lýsa bænum eins og allir vildu heyra hon-
um lýst og ekki einu sinni eins og ég sjálfur hefði viljað. Menn
líta svo misjafnt á hlutina og sjá þá í ýmsu ljósi og lýsingin fer
eftir því.
Það hlýtur að vera öllum augljóst að Sauðárkrókur sem verzl-
unarstaður byggist á þörf sveitarinnar. Hún getur ekki verið án
þessa tengiliðar milli lands og sjóar. Allir stærri flutningar
verða á sjónum, og Sauðárkrókur er eins vel í sveit kominn og
frekast er unnt eftir staðháttum, einkum fyrir þá sem búa vest-
an Héraðsvatna og í Hegranesi. Það hlýtur því að vera öllum
hugsandi mönnum áhugamál að bærinn nái þeim þroska að
geta uppfyllt þær kröfur sem með sanngirni verður heimtað af
slíkum tengilið, en það er:
• að hann geti annazt um allan flutning á vöru milli skipa og
lands.
• að sá flutningur sé bæði öruggur og ódýr.
Því takmarki er ekki náð fyrri en komin er góð höfn með haf-
skipabryggju. Það er markið sem á að stefna að.
Margt mætti enn segja, en ég verð nú ekki fjölyrtur. Hvernig
sem því er varið eða hvað sem því veldur þá er eitt víst. Það er
staðreynd að flestir sem hér hafa dvalið svo árum skiptir þeim
hefur orðið hlýtt til bæjarins og hins fagra héraðs og mörgum
verður bærinn innilega kær til æviloka. Ég er þess vegna viss
um að almennt verður tekið vel undir árnaðaróskir afmælis-
bæjarins, og menn munu taka undir með Sauðárkróksbúanum
sem eitt sinn á fögrum vormorgni stóð uppi á brekku og horfði
yfir staðinn sinn kæra og mælti fram þessa látlausu stöku:
Sauðárkrókur vænn á velli
vertu guði og mönnum kær.
Drottinn yfir þig heillum helli
hjarta meðan í þér slær.
44