Skagfirðingabók - 01.01.1997, Page 82

SKAGFIRÐINGABÓK
Þá var tekið fyrir fyrsta mál fundarins. Kjör heiðursborgara.
Forseti las tillögu þess efnis, að bæjarstjórn kysi Eyþór Stefáns-
son heiðursborgara Sauðárkróksbæjar. Framsögu hafði Guðjón
Sigurðsson. Gat hann þess, að Eyþór væri fæddur á Sauðárkróki
og hefði dvalið þar alla sína ævi, utan þess tíma er hann stund-
aði nám. Einnig gat hann margháttaðra starfa hans að menn-
ingarmálum í bænum. Forseti lýsti því yfir að tillagan væri
undirrituð af öllum bæjarfulltrúum og skoðaðist hún því sam-
þykkt án atkvæðagreiðslu. Þá kvaddi sér hljóðs bæjarfógetinn á
Sauðárkróki Jóhann Salberg Guðmundsson og kvað sér hafa
verið falið það ánægjulega hlutverk að afhenda Eyþóri stór-
riddarakross hinnar íslenzku fálkaorðu og bað hann að ganga
fram ásamt konu sinni og veita heiðursmerkinu viðtöku. Festi
síðan heiðursmerkið á hann og forseti bæjarstjórnar afhenti
honum heiðursborgarabréfið. Eyþór flutti stutta ræðu og þakk-
aði þann heiður sem sér væri sýndur.
2. Lögð fram tillaga um úthlutun lands undir framtíðar flug-
völl. Framsögumaður í því máli var Hákon Torfason bæjar-
stjóri. Sagði hann að fram hefðu komið óskir frá flugmálastjórn
um að land yrði tekið frá fyrir framtíðarflugvöll þar eð núver-
andi flugvöllur fullnægði ekki kröfum. Auk þess hindraði hann
framkvæmdir sem fyrirhugaðar væru samkvæmt heildarskipu-
lagi því sem nýlokið væri við að gera, en inn í það væri þessi
nýi flugvöllur felldur. Bæjarstjórn hefði gert samninga við eig-
endur Sjávarborgar um afnot af þessu landi. Tillaga þessi var
einnig undirrituð af öllum bæjarfulltrúum.
3- Lögð fram tillaga, einnig undirrituð af öllum bæjarfulltrú-
um, um að nú þegar á þessum sumri yrði hafizt handa um var-
anlega gatnagerð, þ.e. lagt skyldi slitlag á hluta af Aðalgötu.
Framsögu í því máli hafði Guðjón Ingimundarson.
4. Lögð fram tillaga um merki bæjarins. Framsögu í því máli
hafði Bjöm Daníelsson. Gat hann þess að fyrir alllöngu hefði
bæjarstjórn ákveðið að efna til hugmyndasamkeppni um merki
fyrir bæinn. Allmargar tillögur hefðu borizt og eftir mikla um-
80