Morgunblaðið - 04.08.2015, Page 4

4 FRÉTTIRInnlent
MORGUNBLAÐIÐ ÞRIÐJUDAGUR 4. ÁGÚST 2015
Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
tá
n
fy
rir
va
ra
.
Tenerife
Frá kr.79.900
15. ágúst í 7 nætur
Netverð á mann frá kr. 79.900 m.v. 2 fullorðna og 2 börn í íbúð.
Netverð á mann frá kr. 99.900 m.v. 2 fullorðna í stúdíó.
Tenerife Sur
SÉRTILBOÐ
Viðar Guðjónsson
vidar@mbl.is
Bæjarhátíðin Ein með öllu og Ung-
lingalandsmót á Akureyri drógu að
sér þúsundir innlendra ferðamanna
um verslunarmannahelgina. Eins og
fram kom í Morgunblaðinu nýlega
hafa afar fáir innlendir ferðamenn
heimsótt Norðurland það sem af er
sumri. Þykir hráslagalegt veðurfar
vera helsti sökudólgurinn. „Loksins
sáum við gríðarlega marga Íslend-
inga. Fleiri þúsund manns voru sam-
an komin hérna um helgina,“ segir
Magnús Guðjónsson, framkvæmda-
stjóri hvalaskoðunarfyrirtækisins
Ambassador. Hann segir sjaldgæft
að Íslendingar fari í hvalaskoðun en
nú um helgina hafi þó nokkrir kíkt á
hvalina.
Fáir við Mývatn
Friðrik Jakobsson, eigandi Kaffi
Borga í Dimmuborgum við Mývatn,
segir að undanfarna daga hafi komist
á eðlilegt ástand hvað varðar fjölda
innlendra ferðamanna. „Það var lítið
um Íslendinga framan af júlí en um
leið og fór að hlýna aðeins varð þetta
eins og undanfarin ár. Hlutfall Ís-
lendinga er 10-15%,“ segir Friðrik.
Ásdís Erla Jóhannesdóttir, hótel-
stjóri á Sel hóteli Mývatni, segir að
svo til engir Íslendingar hafi komið í
allt sumar og engin breyting hafi orð-
ið á því í síðustu viku þrátt fyrir batn-
andi veður. „Við höfum loksins séð
sól undanfarna daga. Íslendingar
ferðast yfirleitt eftir veðri og vindum
og veðrið hefur verið gott á suðvest-
urhorninu. Þá heldur fólk sig þar,“
segir Ásdís. Hún segir það engu hafa
breytt að um verslunarmannahelgi
hafi verið að ræða, Íslendingar hafi
ekki látið sjá sig. Hins vegar hafi
mjög margir útlendingar verið á
svæðinu um helgina sem fyrr og því
verið nóg að gera.
Morgunblaðið/Guðmundur Hermannsson
Gatklettur í Dimmuborgum Að sögn eiganda Kaffi Borga hafa innlendir ferðamenn loks látið sjá sig undanfarna
daga í kjölfar hlýnandi veðurfars. Hann segir að að öllu jöfnu séu Íslendingar 10-15% þeirra sem komi á svæðið.
Loks sáust íslenskir
ferðamenn fyrir norðan
 Þúsundir á Akureyri  Eðlilegt ástand við Dimmuborgir
Hvalaskoðunarbátur Loks sáust innlendir ferðamenn á Akureyri. Íslend-
ingar eru sjaldséðir í hvalaskoðunarferðum en nokkrir fóru um helgina.
Selkópur slapp í gærmorgun út úr
Húsdýragarðinum og ráfaði þaðan
um tvo kílómetra inn á tjaldsvæði í
Laugardal þar sem hann hafðist við
þar til lögregla handsamaði hann.
Tómas Óskar Guðjónsson, for-
stöðumaður Húsdýragarðsins, sagði
sér ekki um sel eftir að hafa heyrt
fréttir dagsins. „Þetta hefur ekki
gerst áður og mér þykir með ólík-
indum að selur hafi náð að klifra
yfir urðina sem þeir eru í.“
Selurinn slapp yfir steingarðinn
sem umlykur selatjörnina og þaðan
undir girðingu og út úr garðinum.
Honum verður haldið frá selalaug-
inni um sinn þar sem starfs-
mönnum þykir einsýnt að annars
fari hann út aftur sömu leið. Ekki
er til mannskapur í garðinum til
þess að byrgja fyrir hana vegna
sumarleyfa.
Minkar hafa áður sloppið úr
garðinum og horfið en þá segir
Tómas sérstaklega illviðráðanlega.
Stærri dýr segir hann hafa
sloppið í einstökum tilfellum en
ekki komist langt. Nautgripir
sluppu úr garðinum fyrir nokkru
og upp á Engjaveg en voru rekin
þaðan aftur í garðinn. bso@mbl.is
Strokuselur veldur usla á
tjaldstæði í Laugardal
Morgunblaðið/Eggert
Selir Strokukópurinn, sem er á svipuðum aldri og þessi, verður geymdur
utan selalaugarinnar þar til úrbætur á svæði þeirra verða gerðar.
 Lögreglumaður
bitinn í höndina
Jón Birgir Eiríksson
jbe@mbl.is
Kortasvik sem ná fram að ganga á
Íslandi nema einungis um þriðjungi
kortasvika sem verða í nágranna-
löndunum, en íslenskir korthafar
eru almennt varari um sig en er-
lendir þegar kemur að kortasvik-
um.
Morgunblaðið fjallaði nýlega um
svonefndar vefveiðar (e. phishing),
nýstárlega leið netþjófa til að kom-
ast yfir fjármuni einstaklinga, með
því að lokka til sín kortaupplýs-
ingar eða lykilorð. Þannig eru send-
ir fjöldatölvupóstar sem látnir eru
líta út fyrir að vera frá fyrirtækjum
og móttakendur þeirra beðnir að
gefa upp kortaupplýsingar sínar.
Þær eru síðan notaðar til að ræna
korthafana. Aðilar sem fást við fjar-
skipta- og fjárhagsmálefni ein-
staklinga hér á landi eru sammála
um að póstsendingum þessum hafi
fjölgað hér á landi á síðustu árum.
Svikin ekki jafn tíð hérlendis
Bergsveinn Sampsted, fram-
kvæmdastjóri kortalausna hjá Val-
itor, segir kortaþjófa nota margar
leiðir við iðju sína. Sumar þeirra
séu þó liprari en aðrar.
„Ein þeirra er þegar búið er að
eiga við hraðbanka og koma upp
mynda- og upptökubúnaði. Svo höf-
um við séð phishing í vaxandi mæli.
Þá er reynt að komast að korthaf-
anum með því að láta hann, í góðri
trú, gefa upp kortanúmer sitt,
gildistíma kortsins og
CVC-öryggisnúmerið aftan á kort-
inu,“ segir hann en bætir við að
fyrri leiðin sé þó hættulegri og lík-
legri til árangurs. Með henni megi
komast yfir mikið af upplýsingum á
stuttum tíma, en nokkur slík mál
hafa komið upp hér á landi síðustu
ár.
„Við fylgjumst vel með því hvern-
ig við stöndum okkur í samanburði
við aðra. Við sjáum ekki sama
svindlið hér heima og í nágranna-
löndunum. Það eru tvær skýringar
á því: Annars vegar höfum við öflug
öryggiskerfi og fáa korthafa, þann-
ig að það er auðveldara að fylgjast
með. Hins vegar er þetta land-
fræðilegt,“ segir Bergsveinn.
Auk framangreindra erfiðleika
kortaþjófa segir Bergsveinn að fáir
Íslendingar láti til leiðast þegar
þeim berist svindlpóstar.
„Við erum býsna vel upplýst þeg-
ar kemur að upplýsingaöryggi og
persónuvernd. Aðgengi Íslendinga
að heimabönkum er líka gott og
fólk sér strax ef inn koma skrýtnar
færslur. Við erum fljót að bregðast
við og getum skoðað hlutina í víð-
ara samhengi, hvort málið varði
fleiri korthafa,“ segir hann.
Spurður um eftirfylgni brota sem
þessara segir Bergsveinn að leið-
irnar séu mismunandi eftir því
hvort um innlend eða erlend mál sé
að ræða. „Korthafinn mótmælir
færslunni og eftir endurkröfuferli
er korthafinn laus allra mála. Við
tilkynnum svo um málið til Visa og
málið er rannsakað í viðkomandi
landi. Ef um innlent mál er að ræða
stýrir efnahagsbrotadeild lögregl-
unnar rannsókn málsins,“ segir
hann.
Auknar kröfur um auðkenni
Bergsveinn segir framtíðarógnir í
kortamálum ekki í skýru sjónmáli.
Líklega leiði framtíðin í ljós auknar
kröfur um auðkenni korthafa.
„Netviðskipti eru ekki sambæri-
leg viðskiptum yfir borðið. Það sem
við sjáum fyrir okkur er að auð-
kenningarkröfur muni aukast í net-
viðskiptum,“segir hann.
Íslendingar til
fyrirmyndar
í kortaöryggi
 Fullframin kortasvik hérlendis að-
eins þriðjungur slíkra svika erlendis
Morgunblaðið/Golli
Kortasvindl Íslenskir korthafar eru
vel meðvitaðir um kortaöryggi.