Morgunblaðið - 05.08.2015, Page 20

20 UMRÆÐAN
MORGUNBLAÐIÐ MIÐVIKUDAGUR 5. ÁGÚST 2015
Laugavegi 7, 101 Reykjavík - Sími: 551-3033
Flottir í fötum
ÚTSALAN
í fullum gangi
40-50% afsláttur
Þvert á alla pólitíska
þróun í Evrópu í dag,
þar sem hægrisinnaðir
þjóðhyggjuflokkar eru
í mikilli sókn, eru það
svokallaðir Píratar,
sem
skilgreina sig anark-
ista, sem virðast skora
í skoðanakönnunum á
Íslandi sem hefur gert
Ísland nánast að al-
þjóðlegu viðundri hvað
pólitík varðar. En anarkistar, stjórn-
leysingjar, hafa til þessa hvergi í
heiminum náð fótfestu, s.s. á þjóð-
þingum eða í borgarstjórnum, nema
á Íslandi.
Sem er afar athyglisvert en í raun
áhyggjuefni og einnig rannsóknar-
efni.
Anarkismi og vinstri róttækni
Uppgangur anarkista á Íslandi,
sem byggja á mjög róttækri vinstri-
hyggju, birtist m.a. í eftirminnilegum
skrílslátum á þjóðhátíðardegi Íslend-
inga 17. júní sl. þegar anarkistar og
vinstrisinnaðir róttæklingar gerðu
smánarlega atlögu að hátíðar-
höldunum á Austurvelli. En hug-
myndafræði þessara upplausnarafla
er einmitt að vanvirða öll þjóðleg
gildi og viðhorf sem mest, grafa und-
an ríkjandi þjóðskipulagi og skapa
þjóðfélagslega upplausn, glundroða,
kaos, já anarkisma.
Upplausn í íslensk-
um stjórnmálum
Þegar þannig er komið að þróunin
í íslenskum stjórnmálum virðist vera
algjörlega á skjön við það sem er að
gerast úti í Evrópu um þessar mund-
ir hlýtur kastljósið að beinast að
þessari upplausn og ástæðu hennar.
Gnarrista-fyrirbærið séríslenska og
nú uppgangur anarkista á landsvísu
setur nefnilega að hugsandi fólki
hroll. Hvað er hér eiginlega í gangi?
Meðan þjóðholl hægrisinnuð öfl í
Evrópu sópa til sín fylgi, nú síðast
Danski þjóðarflokkurinn, tróna þessi
furðufyrirbæri á toppi íslenskra
stjórnmála. Fyrirbæri
sem standa fyrir stjórn-
leysi og upplausn, nán-
ast pólitískum hálf-
vitahætti. Hvað veldur?
Tómarúmið til hægri
verður að fylla
Þegar þessi upplausn
í íslenskum stjórn-
málum er skoðuð nánar
verður ekki framhjá því
litið að alvarlegt tóma-
rúm hefur ríkt á hægri
kanti íslenskra stjórn-
mála um mjög langt skeið. Já, allt of
lengi! Sem bersýnilega er aðal-
orsökin. Sjálfstæðisflokkurinn, sem
átti að vera brjóstvörn þjóðhollra
borgaralegra viðhorfa og gilda, er
það alls ekki lengur. Val og barátta
gegn anarkisma og vinstri róttækni
virðist nú í besta falli felast í óljósu
miðjumoði með sósíaldemókratísku
ívafi. Engin viðspyrna sem heitið get-
ur, enda toppa nú anarkistarnir vin-
sældalistann. Og það þrátt fyrir ýmis
furðuáform þeirra, svo sem að ísl-
amsvæða Ísland, ásamt öðrum
vinstrisinnum.
Það er því ljóst að tómarúmið til
hægri verður að fylla og það með eins
skjótum hætti og mögulegt er, ef illa
á ekki að fara fyrir íslenskri þjóð.
Upplausnin í Evrópu og andstaðan
gegn ofurmiðstýringu og yfir-
þjóðlegu valdi og spillingu innan
ESB vex stöðugt, sem m.a birtist í
ánægjulegri sókn hinna umtöluðu
hægrisinnuðu þjóðhyggjuflokka í álf-
unni. Vonandi verður ekki langt að
bíða að slík jákvæð pólitísk þróun og
hugarfar nái Íslandsströndum – með
íslenska heildarþjóðarhagsmuni að
leiðarljósi.
Uppgangur anar-
kista áhyggjuefni
Eftir Guðmund
Jónas Kristjánsson
Guðmundur Jónas
Kristjánsson
» Það er því ljóst að
tómarúmið til hægri
verður að fylla og það
með eins skjótum hætti
og mögulegt er.
Höfundur er bókhaldari og
félagi í Hægri grænum.
Sínum augum lítur
hver á silfrið. Þetta
gamalkunna orðtak á
svo sannarlega rétt á
sér og þarf ekki silfur
til. Ég gæti alveg eins
sagt að sínum augum
líti hver á vínið. Það
hefur mig alltaf undrað
hversu allt of margir
fjalla um áfengi ein-
vörðungu sem hinar
„gullnu, glitrandi veig-
ar hins sanna gleðigjafa“ eins og ég
las eitt sinn fyrir margt löngu í grein
þjóðkunns manns sem hafði þessa
sýn á áfengið í fyllstu alvöru.
Nú skal ég ekki rengja hann eða
neina aðra um að þessi gleðigjafi
geti verið til gleði ef, og það er hið
stóra ef, menn kunna fótum sínum
rækilega forráð í umgengninni við
„gleðigjafann“. Mér eru þó meira í
hug öll þau skelfilegu áhrif sem þessi
„gleðigjafi“ hefur í samfélagi okkar,
þau óafturkrefjanlegu mein sem
hann skapar í öllum áttum. Mætti ég
biðja ýmsa þá sem tala fyrir enn
meira hömluleysi í verzlun með
áfengi að staldra ögn við, því ekki
getur verið að þeir viti ekki betur,
meðtakandi þær válegu fregnir sem
meinvaldinum tengjast daglega og
jafnvel oft á dag. Eitt okkar alvar-
legustu samfélagsmeina er það nú
talið af öllum sem um fjalla á hlut-
lausan hátt staðreyndanna, enda
ekki langt að leita afleiðinganna.
Hér er um álit virtustu sérfræðinga
að ræða, ekki bara hérlendis heldur
alls staðar þar sem um er fjallað á
hlutlægan hátt.
En lítum ögn nánar á umfjöllun
eða ekki umfjöllun. Nú er einmitt
umræða á fullu um þöggun í sam-
bandi við kynferðisofbeldi og vissu-
lega ástæða til og ekki ætla ég mér
þá dul að blanda mér í þá umræðu
alla, en öll þöggun afbrota er af hinu
illa og heldur í raun vissum hlífi-
skildi yfir gerandanum. En því nefni
ég þöggun að oft, allt of oft, finnst
okkur sem einhvers konar þöggun
eða eins og einhver sagði frásagn-
arleysi gildi um áhrif áfengis svo æði
oft í hvers kyns afbrotamálum. Ég
hélt hins vegar að gamla tuggan um
að „hann var bara svo fullur greyið“
ætti ekki við í okkar annars upplýsta
samfélagi. Ég hefi ein-
mitt verið að lesa
nokkrar frásagnir af
heimilisofbeldi eins og
það getur verst verið
og áfengisunnendum
til umhugsunar er
áfengið þar meðvirkt
eða allsráðandi í yfir-
gnæfandi tilfella, svo
skelfilegar eru lýsing-
arnar að manni verður
ómótt. Það á hins vegar
greinilega ekki við um
þá unnendur áfengis
sem horfa einungis á rósrauðan
bjarma umvefja það.
Ég verð að taka undir með kon-
unni, sem á dögunum sagðist fyllast
vissri vorkunnsemi með þeim horf-
andi á allar þær hörmungar sem þeir
jafnt og við öll upplifum svo óend-
anlega oft og kemur gleðinni svo
víðsfjarri við. Hvernig getið þið
haldið áfram áróðri fyrir áfengi sem
ómissandi allsherjarvaldi gleðinnar,
heimtandi enn meira hömluleysi í
sambandi við það, eða og þó vonandi
ekki enn meiri undanlátssemi fyrir
þeim ógnarsterku peningaöflum sem
skapa áfengisauðvaldið alræmda?
Nóga fjármuni hafa þau öfl til að
blekkja og ljúga til fegrunar þeim
ógæfuvaldi sem áfengið er svo
hræðilega mörgum.
Litið til baka hefi ég kynnst svo
mörgu sem beintengt var áfengis-
neyzlu sem hafði svo sannarlega eytt
lífsgleðinni hjá mörgum, heyrt af
hræðilegum slysum í umferðinni, of-
beldi bak við „friðhelgi“ heimilanna
og önnur ofbeldisverk hvers konar
þar sem nauðganir eru máske einna
verstar, hryllingi sjálfsvíga m.a.
ungmenna, að ógleymdri sóuninni
þar sem áfengið var hreinlega sett
ofar nauðþurftum, örbirgð jafnvel
sem afleiðingu. Þöggun eða frá-
sagnarleysi um þennan örlagavald
er mér því eitur í beinum. Vakningar
er svo sannarlega þörf og á það vill
sá aldraði trúa að verða megi. Er
ekki nóg komið?
Horfa skal til skuggahliðanna
Eftir Helga Seljan »Mér eru þó meira í
hug öll þau skelfi-
legu áhrif sem þessi
„gleðigjafi“ hefur í sam-
félagi okkar, þau óaftur-
krefjanlegu mein sem
hann skapar í öllum átt-
um.
Helgi Seljan
Höfundur er form. fjölmiðlanefndar
IOGT.
Keppnishjólreiðamenn fara á mikl-
um hraða á stígum á Seltjarnarnesi
og veldur það mörgum áhyggjum.
Ég geng nær daglega hring á Nes-
inu og hugsa hjólreiðamönnunum oft
þegjandi þörfina. Hvers vegna eru
þeir fæstir með bjöllu?
Seltirningur.
Velvakandi Svarað í síma 569-1100 frá kl. 10-12 velvakandi@mbl.is
Keppnishjólreiðamenn
Morgunblaðið/Styrmir Kári
Hjólreiðar Þessir keyra hjólhestana af miklu kappi.
BRIDS
Umsjón Arnór G.
Ragnarsson| brids@mbl.is
Sextán borð hjá
eldri borgurum
Fimmtudaginn 30. júlí var spilað-
ur tvímenningur á 16 borðum hjá
bridsdeild Félags eldri borgara í
Reykjavík.
Efstu pör í N/S
Björn Árnason – Auðunn R. Guðmss. 367
Guðlaugur Nielsen – Pétur Antonsson 360
Örn Ingólfsson – Örn Isebarn 358
Guðl. Bessason – Trausti Friðfinns. 349
A/V
Jón Jóhannss. – Sturlaugur Eyjólfss. 396
Tómas Sigurjss. – Björn Svavarsson 361
Ólöf Hansen – Margrét Gunnarsd. 352
Albert Þorsteinsson – Bragi Björnsson 345
Spilað er í Síðumúla 37.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Að senda grein
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.