Morgunblaðið - 27.08.2015, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 27. ÁGÚST 2015
ALLT AÐ 20.000 KR. BÓKUNARAFSLÁTTUR
AF FERÐUM TIL TENERIFE OG KANARÍ.
Flogið frá 20. október með Icelandair.
Úrval Útsýn | Hlíðasmára 19 | 201 Kópavogi | 585 4000 | uu.is
ALLT AÐ
20.000 KR.
BÓKUNARAFSLÁT
TUR
TIL 5. SEPT.
NÁNAR Á UU.IS
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sigurður Ægisson
sigurdur.ægisson@gmail.is
Múkkarnir eru óvenju frakkir þessa
dagana í Eyjafirði, líklega sökum
þess að nú eru ungar þeirra orðnir
töluvert fyrirferðarmiklir og vilja
sitt í gogginn og engar refjar.
Meðfylgjandi mynd var tekin
um borð í Níels Jónssyni EA 106 frá
Hauganesi þegar Garðar Níelsson
skipstjóri var að gera að afla sem
veiddist á sjóstöng í þeim túr, undir
lok hvalaskoðunarferðar nýverið, en
í Eyjafirði hefur allt verið morandi
af hnúfubak undanfarið og ekki óal-
gengt að sjá 10-20 á tiltölulega litlu
svæði.
Varp fýlsins hefst í maí og nær
fram í júní. Egginu, sem er bara eitt
að tölu og hvítt á lit, er komið fyrir í
sprungum og glufum eða á syllum,
oftast án nokkurs hreiðurtilstands,
og er það 41-57 daga að ungast út.
Foreldrarnir sjá um áleguna til
skiptis og hjálpast að við að mata
ungann, sem verður að lokum mjög
feitur. Eftir ákveðinn tíma yfirgefa
foreldrarnir hann og u.þ.b. 14 dög-
um seinna kastar hann sér loks úr
hreiðurstæðinu og er borgið ef hann
nær til sjávar. Hann verður fleygur
um 6-8 vikna gamall.
Að jafnaði líða svo um níu ár (6-
12) þar til varpskyldan kallar. Á
þeim tíma fer hann víða um norðan-
vert Atlantshaf og Dumbshaf.
Af rituðum heimildum má sjá að
fýllinn var kominn sem varpfugl í
Grímsey árið 1640 og virðist ekki
hafa orpið annars staðar á landinu á
þeim tíma. Þegar líða tók á 18. öld
fór að bera meira á honum, fyrst í
Hornbjargi og víða norðanlands en
síðan á Reykjanesi og í Vestmanna-
eyjum. Útbreiðslan hélt áfram suður
á bóginn til Evrópu, eflaust í kjölfar
hvalveiðiskipa.
Mikið af aðgangshörðum fýl er í Eyjafirði um þessar mundir
Morgunblaðið/Sigurður Ægisson
Maðurinn,
múkkinn
og miðin
Fiskað Þegar ungviðið heimtar sinn mat þýðir ekkert annað en að afla og þá er öllum brögðum beitt.
Jón Birgir Eiríksson
jbe@mbl.is
Um 37% makríls í Norðaustur-Atl-
antshafi mælist innan íslenskrar lög-
sögu, að því er fram kemur í heildar-
niðurstöðum sameiginlegs makríl-
leiðangurs Færeyinga, Íslendinga,
Norðmanna og Grænlendinga.
Makríll innan íslenskrar lögsögu
mældist 2,9 milljón tonn nú í lok
sumars en heildarmagnið var 7,7
milljón tonn. Á síðasta ári mældist
makríllinn 1,6 milljón tonn innan lög-
sögunnar og heildarmagnið var 9
milljón tonn. Makríll í íslenskri lög-
sögu var 17,7% heildarmagnsins í
fyrra en sú tala hefur hækkað um
20% milli ára.
Leiðangurinn stóð yfir frá 1. júlí til
10. ágúst sl., en fjögur skip voru not-
uð til mælinganna; eitt frá Íslandi,
eitt frá Færeyjum og tvö frá Noregi.
Samningsstaðan sterkari
Sigurður Ingi Jóhannsson, sjávar-
útvegs- og landbúnaðarráðherra, er
ánægður með niðurstöðuna, sérstak-
lega í ljósi þess að lítið varð vart við
makrílinn í mælingum í kuldanum í
vor og sumar. „Þetta eru feiknarlega
jákvæð tíðindi og styrkja stöðu okk-
ar í samningum um nýtingu makríl-
stofna við aðrar þjóðir,“ segir Sig-
urður Ingi.
Hann segir mælingarnar sem slík-
ar einnig styrkja niðurstöðuna.
„Þetta er sameiginlegur vettvangur
sem tókst að koma á, sem gerir það
að verkum að menn viðurkenna
mælingar hver annars,“ segir Sig-
urður Ingi, en fyrir tveimur árum
bættist Grænland í hóp þjóðanna
sem að mælingunum standa. „Á
grundvelli samnings sem við gerðum
við Grænlendinga höfum við verið í
samstarfi við grænlensku hafrann-
sóknastofnunina og mælt líka í
grænlenskri lögsögu,“ segir Sigurð-
ur, en þar er mælt í tólf daga.
Jafn sterk staða gagnvart ESB
Hluti lögsögu Evrópusambands-
ins er lagður undir mælingarnar, að-
eins sá hluti hennar sem nyrstur er.
Að sögn Sigurðar Inga hefur
Evrópusambandið ekki tekið þátt í
mælingunum hingað til en hann tel-
ur mælingarnar styrkja stöðu Ís-
lands gagnvart ESB þrátt fyrir að
sambandið eigi ekki aðkomu að mæl-
ingunum. „Þegar um alþjóðlegt sam-
starf um mælingar er að ræða er það
almennt sterkari niðurstaða en eftir
einhliða mælingar. Þetta er m.a.
samstarf um að mæla stofnstærðina.
Niðurstaðan styrkir stöðu okkar-
gagnvart strandríkjunum þremur
sem gerðu samninginn á sínum tíma
og líka heilt yfir,“ segir Sigurður
Ingi.
Þriðjungur innan lögsögunnar
 Um 37% heildarmagns makríls mælist innan íslenskrar lögsögu Styrkir samningsstöðu Íslands að
mati ráðherra Heildarmagn makríls minnkar um 15% Magn innan lögsögunnar eykst um tæp 20%
Makríll Aukið magn í lögsögunni.
Jón Birgir Eiríksson
jbe@mbl.is
Sjö ára gamall drengur stakk sig á
notaðri sprautunál á skólalóð Háa-
leitisskóla við Álftamýri síðdegis á
þriðjudag. Var hann færður á slysa-
deild til rannsóknar. Þar var honum
veitt viðeigandi aðhlynning og sýni
tekin til skoðunar. Niðurstöðu um
smit er að vænta eftir u.þ.b. mánuð.
Mikilvægt að brýna reglurnar
Að sögn Katrínar Drafnar Bridde,
móður drengsins, var drengurinn á
leið úr skóla þegar slysið henti, en
sprautunálina fann hann við húsvegg
íþróttaheimilis Fram sem markar
lóðarmörk skólalóðarinnar. Nálin
var ekki áföst sprautu, og utan um
hana var plasthlíf. „Hann fann þarna
sprautunál, var
eitthvað að fikta
með hana og
stakk sig á henni.
Hann kom síðan
með hana heim og
var búinn að vera
með hana í dágóð-
an tíma í vasan-
um þegar hann
tók hana upp og
sýndi mér hvað
hann hefði fundið
og sagði að hann hefði stungið sig í
fingurinn,“ segir Katrín Dröfn.
Hún segist hafa útskýrt fyrir syni
sínum að hann ætti ekki að snerta
nálar sem hann sæi á víðavangi.
„Þetta eru svona hlutir sem maður
býst ekki við að börnin manns lendi í.
Þetta er orðið algengara en maður
gerir sér grein fyrir og það er um að
gera að brýna reglurnar fyrir börn-
unum,“ segir Katrín Dröfn.
Regluleg skimun ekki hafin
Guðni Kjartansson, aðstoðar-
skólastjóri Háaleitisskóla, segir að
eftirlit með aðskotahlutum á skóla-
lóðinni hafi ekki verið hafið á þriðju-
dag enda skólaárið nýhafið. Þó hafi
verið brugðist fljótt við atvikinu á
þriðjudag.
„Við byrjuðum á því strax í morg-
un (miðvikudagsmorgun) klukkan
hálf átta að leita í öllum krókum og
kimum að einhverju sem gæti skap-
að hættu. Þetta munum við gera á
hverjum einasta morgni áður en
börnin koma í skólann,“ segir Guðni,
en síðustu tvö ár hefur skólalóðin
verið skimuð daglega.
Stakk sig á sprautunál
Sprautunál Nálin
sem um ræðir var
stök með plasthlíf.
 Sjö ára gamall drengur fann nálina á lóð Háaleitisskóla
Hæstiréttur stað-
festi í gær gæslu-
varðhaldskröfu
yfir manni sem er
sakaður um að
hafa veist að pari
og móður stúlk-
unnar á heimili
þeirra 15. ágúst
síðastliðinn.
Árásin var hin
óhugnanlegasta
en þegar lögregla var kölluð að
heimili brotaþola voru árásarmenn-
irnir, sem voru þrír að sögn þeirra, á
bak og burt. Blóð var þá um alla
íbúð, en einn brotaþola sagðist við
yfirheyrslur hafa vaknað við það að
einn árásarmanna væri við það að
skera hann í fótinn. Í kjölfarið hafi
bæði konunni og kærasta hennar
verið veittir áverkar á kinn með hníf
og þau öll barin með hamri auk ann-
arra líkamsmeiðinga. Var árásin
sögð til komin vegna meints stuldar
konunnar á flogaveikilyfjum.
Daginn eftir voru tveir hinna
meintu árásarmanna handteknir á
heimili þess sem úrskurðaður var í
gæsluvarðhald. Í íbúðinni fundust
blóðug vopn og föt sem sterklega
voru talin tengjast árásinni.
Maðurinn sem úrskurðaður var í
gæsluvarðhald á að baki langan
brotaferil, en í júní í sumar var hann
sakfelldur fyrir að skera mann í
handlegg og kinn með hnífi.
Í gæsluvarðhald til
21. september fyrir
grófa líkamsárás
Dómur Úrskurðaði
mann í varðhald.
Þéttastur var makríllinn suður
af landinu, en útbreiðslan þar
náði sunnar en áður hefur sést.
Magn rauðátu, einnar helstu
fæðu makríls, vestan og sunnan
við Ísland mældist mest frá
árinu 2010. Austan við landið
var magnið svipað og í fyrra.
Mesti þéttleiki rauðátu mældist
í austanverðu Grænlandshafi,
þéttleiki makríls var þó lítill þar.
Mikið magn
átu við Ísland
MÆLINGAR Á MAKRÍL