Morgunblaðið - 27.08.2015, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 27. ÁGÚST 2015
BERLÍN – AÐVENTUFERÐIR 26. NÓV., 3., 10. OG 17. DES.
Berlín er dásamleg á aðventunni. Á jólamörk-
uðunum má finna ógrynni af fallegu jólaskrauti,
jólavöru, handverki, gjafavöru og ýmsu góðgæti.
Jólastemmningin í Berlín er ógleymanleg upplifun.
Úrval Útsýn | Hlíðasmára 19 | 201 Kópavogi | 585 4000 | uu.is
VERÐ FRÁ
89.900 KR.
á mann m.v. 2 fullorðna í tvíbýli.
Skipulagsyfirvöld á Seltjarnarnesi
hafa frest þar til skrifstofutíma lýkur
á morgun, föstudag, til að bregðast
við kröfu lögmanns um að fram-
kvæmdir verði stöðvaðar við nýtt fjöl-
býlishús á Hrólfsskálamel. Töldu ná-
grannar húsið of stórt.
Fram kemur í bréfi lögmannsins,
Páls Kristjánssonar hdl., til úr-
skurðarnefndar umhverfis- og auð-
lindamála að nágrannar telji fram-
kvæmdina brot á deiliskipulagi.
„Þann 13. apríl 2015 samþykkti
Skipulags- og umhverfisnefnd Sel-
tjarnarnesbæjar áform um bygg-
ingarleyfi 34 íbúða við Hrólfsskálamel
1-5, Seltjarnarnesi. Slíkt var gert
þrátt fyrir andstöðu og mótmæli ná-
granna er telja fyrirhugaða fram-
kvæmd ganga gegn fyrirliggjandi
samþykktu deiliskipulagi. Undir-
ritaður gætir hagsmuna húsfélag-
anna að Austurströnd 2-14… Með er-
indi dags. 12.5.2015 var ákvörðun
nefndarinnar … kærð og þess krafist
að hún yrði felld úr gildi,“ skrifar Páll.
Hann vísar svo til svars frá ritara
nefndarinnar um að vegna anna gæti
liðið jafnvel meira en ár þar til nefnd-
in úrskurðaði í málinu. Með vísan í
fyrirsjáanlega töf á afgreiðslu máls-
ins krefst Páll þess að framkvæmdir
verði stöðvaðar til bráðabirgða með
úrskurði nefndarinnar.
Þórður Ó. Búason, skipulags- og
byggingarfulltrúi á Seltjarnarnesi,
segir bæjarfélagið undirbúa viðbrögð
við þessari kröfu um stöðvun fram-
kvæmda. „Við ætlum að færa rök fyr-
ir okkar sjónarmiðum og leggja inn
hjá úrskurðarnefndinni. Við munum
una úrskurði nefndarinnar,“ segir
Þórður. baldura@mbl.is
Stöðvi uppbyggingu á Nesinu
Tölvuteikning/ASK arkitektar
Hrólfsskálamelur 1-5 Upphaf
fasteignafélag reisir þetta hús.
 Lögmaður
skrifar nefnd
Morgunblaðið/RAX
Húsgrunnur Byrjað er að slá upp fyrir fjölbýlishúsinu umdeilda á Nesinu.
Anna Lilja Þórisdóttir
annalilja@mbl.is
Ekki er hægt að segja að grunnskóla-
starf hefjist friðsamlega í Reykjavík,
en grunnskólakennarar í borginni
sendu frá sér ályktun í gær, eftir fund
trúnaðarmanna í fyrradag, þar sem
segir m.a. að grundvallarhugmynda-
fræði nýgerðs kjarasamnings sé
brostin. Þeir segja stöðuna grafalvar-
lega.
Ástæðan er gæsla í frímínútum og
matarhléum nemenda, en að sögn
Rósu Ingvarsdóttur, formanns Kenn-
arafélags Reykjavíkur, hafa kennarar
í mörgum skólum í borginni verið
skikkaðir í hana að þeim forspurðum.
Hingað til hefur þessi gæsla verið
greidd aukalega, en í nýjum kjara-
samningum kennara er hún skil-
greind sem B-verkefni, sem falla ekki
undir kennslu.
Vinnutími kennara er ákveðinn út
frá vinnumati, sem er gert í samstarfi
viðkomandi kennara og skólastjóra.
Árleg vinnuskylda kennara er 1.800
klukkustundir og sé svigrúm fyrir
önnur verkefni innan þess tíma-
ramma, þegar önnur störf hafa verið
tekin til, er skólastjóra heimilt að fela
kennara verkefni á borð við gæslu.
Rósa segir að einungis örfáir skóla-
stjórar í Reykjavík hafi haldið vinnu-
matsfundi með kennurum sínum.
„Þarna er verið að fela kennurum
verkefni án þess að það liggi fyrir
hvort þeir hafi tíma til að sinna því.
Fólki finnst að það sé ekki verið að
fara eftir kjarasamningnum,“ segir
Rósa.
Mismunandi viðhorf
Hún segir mismunandi hvernig
kennarar hafi tekið í að sinna gæsl-
unni. Misjafnt sé hversu mikla gæslu
er um að ræða, allt frá einum frímín-
útum á viku upp í tvær klukkustundir.
Gæsla er ekki eina verkefnið sem
getur fallið undir áðurnefndan B-þátt,
t.d. falla þar undir tækjaumsjón og
nemendaferðir. Spurð hvort viðbrögð
kennara séu svona hörð vegna eðlis
verkefnisins og hvort þau væru þau
sömu væri um að ræða annars konar
verkefni, segist Rósa ekkert geta full-
yrt um það. „Kennarar líta misjöfnum
augum á gæsluna. Sumir líta á frímín-
útur sem óformlegt nám barnanna og
finnst gott að geta fylgst með þeim úti
á lóð, t.d. skoða samskiptin. Öðrum
finnst eftir fimm ára háskólanám, að
vera úti á lóð og passa börn ekki vera
faglegt starf.“
Rósa segir pattstöðu komna upp í
málinu. „Auðvitað þurfa skólastjórar
að leysa gæsluna, en þeir hafa ákveðið
að gera það svona flatt upp á alla, án
þess að ganga frá vinnumatinu.“
Hanna Guðbjörg Birgisdóttir,
skólastjóri í Háaleitisskóla og vara-
formaður Skólastjórafélags Reykja-
víkur, segir að skólastjórar vinni
þessa dagana að vinnumatinu. Þeim
sækist það mishratt vegna mismikils
fjölda kennara. Hún segist ekki kann-
ast við að kennarar séu skikkaðir í
gæslu ef þeir vilji ekki sinna henni og
segist ekki hafa heyrt það frá öðrum
skólastjórum í borginni. „Kennarar
hafa alltaf getað neitað því að taka að
sér gæslu og þetta er, eftir því sem ég
best veit, yfirleitt gert í fullri sátt
kennara og skólastjórnendur.“
Hanna Guðbjörg vinnur sjálf að
vinunmati með kennurum Háaleitis-
skóla þessa dagana og segir það
ganga vel. Þó sé nokkuð um að erfitt
geti reynst að koma öllum verkefnum
kennara innan 1.800 klukkustunda
rammans.
Nauðsynlegt að fá svigrúm
Málið var tekið fyrir á fundi Skóla-
og frístundaráðs Reykjavíkur í gær
og í bókun fundarins segir m.a. að
nauðsynlegt sé að skólasamfélagið fái
svigrúm til að tryggja innleiðingu
nýja samningsins í samráði skóla-
stjórnenda og kennara.
Ragnar Þorsteinsson, sviðsstjóri
Skóla- og frístundasviðs Reykjavíkur,
segir að í flestum grunnskólum fari
vinnumatið nú fram í formi samtala
kennara og skólastjóra og að því
loknu muni liggja fyrir hverjir sinni
gæslu.
„Auðvitað höfum við áhyggjur af
öryggi barnanna, ef gæslan er ekki
mönnuð, en ég ber vonir til þess að
málin skýrist eftir að vinnumatinu er
lokið. Hvort það leysist, því get ég
ekki svarað,“ segir Ragnar og segist
ekki vita til þess að kennarar hafi ver-
ið skikkaðir í gæslu.
Mikil óánægja í byrjun skólaárs
 Grunnskólakennarar í Reykjavík segja hugmyndafræði kjarasamningsins brostna  Segja vinnu-
tímaskilgreiningu ekki liggja fyrir  Tvennum sögum fer af því hvort kennarar séu skikkaðir í gæslu
Morgunblaðið/Eggert
Að snæðingi Óvíst er hvernig gæslan í grunnskólum Reykjavíkur verður.
Anna Lilja Þórisdóttir
annalilja@mbl.is
Þriðjungur þeirra geislafræðinga
sem starfa á Landspítalanum mun
láta af störfum eftir tæpa viku,
dragi þeir ekki uppsagnir sínar til
baka. Þetta myndi hafa gríðarleg
áhrif á starfsemina, m.a. þau að bið
eftir skipulögðum aðgerðum myndi
lengjast. Stjórnendur Landspítal-
ans leita nú lausna, sem felast eink-
um í bættum starfsaðstæðum. For-
maður Félags geislafræðinga segir
að um sé að ræða vanefndir á
samningi frá 2013.
Uppsagnir 20 af þeim 60 geisla-
fræðingum sem starfa á sjúkrahús-
inu munu taka gildi 1. september.
Störfin hafa verið auglýst og ráðið í
einhver þeirra, samkvæmt upplýs-
ingum frá Landspítalanum.
Myndgreiningar, sem geisla-
fræðingar sjá um, eru lykilrann-
sókn í öllum meðferðum. Verði
uppsagnirnar ekki dregnar til baka
þarf að endurskipuleggja alla starf-
semina með tilheyrandi töfum sem
bætast við þær raskanir sem hafa
orðið vegna verkfalla geislafræð-
inga, lækna og hjúkrunarfræðinga
undanfarna mánuði. Ljóst er að
starfsemin verður skert.
Samkvæmt heimildum Morgun-
blaðsins er nú unnið hörðum hönd-
um að því að fá geislafræðingana til
að draga uppsagnir sínar til baka,
m.a. með því að bæta starfsaðstæð-
ur þeirra, og eru áhersluatriðin
mismunandi eftir því hvar á sjúkra-
húsinu þeir vinna. Málið er á mjög
viðkvæmu stigi og á morgun munu
stjórnendur spítalans funda með
geislafræðingum og fara yfir málin.
Katrín Sigurðardóttir, formaður
Félags geislafræðinga, segir að
verið sé að vinna að lausn sem m.a.
felist í að efna samning frá 2013. „Í
því felst m.a. að geislafræðingar
munu eiga fulltrúa í skipuriti
sjúkrahússins,“ segir Katrín.
„Einnig um ýmsar vinnuaðstæður,
þetta snýr ekki að beinum launa-
hækkunum.“
Lausna leitað
vegna uppsagna
 Úppsagnir geislafræðinga að taka gildi
Umhverfis- og framkvæmdaráð
Hafnarfjarðar samþykkti á fundi
sínum í gær tillögur verkfræðistof-
unnar Verkís um aðgerðir til að
bæta öryggi við Reykdalsstíflu, en
þar voru tveir ungir drengir hætt
komnir í apríl sl. þegar þeir hugðust
sækja þangað bolta. Hvirfilmyndun í
þró neðan yfirfalls stíflunnar hélt
þeim niðri þannig þeir komust ekki
upp.
Grjótið stöðvar hvirflamyndun
Í tillögum Verkís segir að lausnin
sé óhefðbundin, en áhættunnar og
kostnaðarins virði sé að láta á hana
reyna. Felst hún í því að grjóthnull-
ungum verði komið fyrir í skarðinu
fyrir neðan yfirfallið, en hugmyndin
er að þeir stöðvi hvirflamyndun í
þrónni og dragi úr vatnsorkunni. Í
tillögunum koma fram ítarlegar leið-
beiningar um það af hvaða gerð
steinarnir skuli vera og hvernig
skuli koma þeim fyrir.
Að auki er mælst til þess að hand-
rið verði sett upp við stífluna og var-
úðarskilti einnig. jbe@mbl.is
Stíflan fyllt af stóru grjóti
 Öryggi bætt við
Reykdalsstíflu í
Hafnarfirði
Morgunblaðið/Júlíus
Stíflan Lón Reykdalsvirkjunar var hálftæmt eftir slysið síðastliðið vor.