Morgunblaðið - 18.09.2015, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 18. SEPTEMBER 2015
Helgi Bjarnason
helgi@mbl.is
Loftleiðir Icelandic fljúga í vetur
fimm VIP-ferðir umhverfis hnöttinn
með ferðafólk. Er það töluverð
fjölgun frá því sem verið hefur und-
anfarin ár. Í dag verður haldið í
fyrstu hringferð vetrarins, frá
Miami í Bandaríkjunum.
Guðni Hreinsson, fram-
kvæmdastjóri Loftleiða Icelandic,
segir að fyrst hafi verið farið í VIP-
ferðirnar árið 2003 en þær hafi ver-
ið þróaðar áfram síðan, aðallega í
samvinnu við bandarískar ferða-
skrifstofur. Lengi voru farnar ein til
tvær og stundum þrjár ferðir á
vetri en nú í vetur verða farnar
fimm ferðir. Þá er búið að semja um
mun fleiri ferðir á næstu árum.
Hnattferðirnar eru aðeins mis-
munandi en alltaf er höfð viðdvöl á
áhugaverðum stöðum. Stundum er
áherslan lögð á Afríku eða Suður-
Ameríku. Guðni segir algengast að
það taki um það bil þrjár vikur að
ljúka hringferðinni.
Loftleiðir Icelandic eru dóttur-
félag Icelandair. Er þota frá Ice-
landair notuð í þetta verkefni. Hún
er innréttuð með sérstökum lúxus-
sætum sem hægt er að breyta í rúm
á nóttunni. Getur vélin tekið 50 far-
þega með þessum innréttingum í
stað um 200 eins og með hefð-
bundnum sætum.
Íslensk áhöfn er í VIP-ferðunum,
þrír flugmenn, sex flugfreyjur, flug-
virki, kokkur og hleðslumaður. Mat-
reiðslumeistarinn sér um að farþeg-
arnir séu vel haldnir í mat og
drykk.
Nýta lausar vélar
Guðni segir að það sé kostur fyrir
Icelandair að nýta vélar og mann-
skap í slík verkefni á vegum Loft-
leiða yfir veturinn þegar minna er
að gera í áætlunarflugi þess.
Í sama tilgangi eru Loftleiðir
með tvær vélar í rekstri í Banda-
ríkjunum í vetur, báðar fyrir ferða-
skrifstofuna Apple Vacations. Önn-
ur vélin flýgur frá Boston og hin frá
Detroit, báðar til áfangastaða í
Mexíkó, Karíbahafinu og víðar. Ís-
lenskar áhafnir eru með vélarnar.
Fimm lúxus-
ferðir í vetur
 Loftleiðir fljúga umhverfis hnöttinn
Þjónusta Flugfreyjurnar snúast í kringum farþegana á meðan vélin flýgur
í kringum hnöttinn. Fimmtíu sæti eru í vél sem venjulega rúmar 200 manns.
Guðmundur Magnússon
gudmundur@mbl.is
„Það sem kemur mér mest á óvart í
þessari launakönnun er að kynbund-
inn launamunur skuli vera að aukast
á ný. Sérstaklega er þetta áberandi
hjá stjórnendum fyrirtækja, þar sem
hallar á konur. Þar er munurinn
4,6%. Við viljum vekja athygli á
þessu og skapa umræður um þetta.
Konur mega ekki sofna á verðinum
þrátt fyrir ágætan árangur í launa-
jöfnun á undanförnum árum,“ segir
Ólafía B. Rafnsdóttir, formaður VR.
Félagið kynnti í gær nýja launa-
könnun þar sem fram koma vísbend-
ingar um aukinn launamun kynjanna
á ný. En þar koma einnig fram upp-
lýsingar um að ávinningur af há-
skólamenntun sé að aukast á vinnu-
markaðnum. Þá kemur fram að
heildarlaun félaga í VR hækkuðu um
2,9% frá janúar 2014 og fram í jan-
úar á þessu ári. Launabil þeirra
hæstu og lægstu er nánast óbreytt,
fimmta árið í röð.
Þegar leitað er skýringa á vís-
bendingum um aukinn launamun
kynjanna bendir Ólafía á að breyt-
ingarnar séu almennt innan
skekkjumarka, en engu að síður sé
þetta aukning úr 8,5% árið 2014 í
9,9% í ár. Það sé mesta aukning á
kynbundnum launamun innan fé-
lagsins sem mælst hafi síðustu ár.
Skýringarnar kunni að liggja í því að
kynbundinn launamunur stjórnenda
hafi aukist marktækt milli ára og
aukagreiðslur karla í hærra launuð-
um störfum hækkað meira en
kvenna.
„Karlarnir fá greinilega ýmsar
aukasporslur sem konur fá ekki,“
segir Ólafía og hvetur konur í hópi
stjórnenda til að huga að sínum mál-
um. Hún segir að þetta séu vonbrigði
þegar haft sé í huga að verkefni fé-
lagsins um jafnlaunavottun hafi
gengið mjög vel. Í mörgum stórum
fyrirtækjum sé unnið markvisst að
því að eyða launmun kynjanna. Frá
aldamótum hafi launamunurinn inn-
an félagsins dregist saman um þriðj-
ung; kynbundinn munur var 15,3%
árið 2000 en er í dag 9,9%.
Launakönnunin sýnir að sölu- og
afgreiðslufólk hefur hækkað mest
þegar litið er til heildarlauna
eða um 4,5%. Stjórnendur
hækka um 3,6% í heildar-
launum. Þegar litið er til
grunnlauna hækka
starfsmenn í gæslu-,
lager- og framleiðslu-
störfum mest eða um
4,2%. Hæstu launin
og mesta hækkun
heildarlauna voru
hjá fjármálafyr-
irtækjum og
öðrum í sér-
hæfðri þjón-
ustu, 3,2%.
Morgunblaðið/Þórður
Öfugþróun Launakönnun VR bendir til að kynbundinn launamunur aukist á ný. Frá fundi FKA í síðasta mánuði.
Launamunur stjórn-
enda er orðinn 4,6%
 Vísbendingar um að kynbundinn launamunur aukist aftur
Menntun skilar nú meiri ávinn-
ingi en undanfarin ár sam-
kvæmt launakönnun VR.
„Þetta er það jákvæðasta í
könnuninni,“ segir Ólafía B.
Rafnsdóttir formaður félags-
ins. Í fyrra skilaði stúdents-
prófið 3% hærri launum en
grunnskólaprófið og BA/BS
próf 20% hærri launum. Mast-
ers- eða doktorsnám á há-
skólastigi skilaði 30% hærri
launum en grunnskólinn árið
2014, sem er 10 prósentu-
stigum minna en fimm árum
áður. Stúdentspróf skilar
nú 7% hærri launum en
grunnskólapróf og BA/BS
próf skilar 23% hærri
launum. Lengsta skóla-
gangan, masters- eða
doktorspróf, skilar
svo 37% hærri laun-
um en grunn-
skólanámið eitt og
sér, samkvæmt
könnuninni.
Jákvæðasta
í könnuninni
HAGUR AF MEIRI MENNTUN
Ólafía B.
Rafnsdóttir
Á fallegum og notalegum stað
á 5. hæð Perlunnar
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200
Hæstiréttur staðfesti í gær dóm
Héraðsdóms Suðurlands um að
karlmaður á fertugsaldri skuli
dæmdur í fangelsi í sex mánuði
vegna ítrekaðra kynferðisbrota
gegn 16 ára stúlku. Hún var tengd
honum fjölskylduböndum. Refs-
ingin er skilorðsbundin.
Maðurinn braut gegn stúlkunni
á árinu 2012 meðal annars með
því að senda henni kynferðisleg
textaskilaboð og skilaboð á sam-
félagsmiðlum. Einnig viðhafði
hann slík ummæli í samtölum við
stúlkuna. Maðurinn kannaðist við
að hafa sent skilaboðin en sagði
þau ekki hafa verið meint kyn-
ferðislega.
Fullnustu refsingarinnar er
frestað og fellur hún niður haldi
maðurinn skilorð í tvö ár. Þá er
honum gert að greiða stúlkunni
600 þúsund krónur í miskabætur.
Sömuleiðis þóknun réttargæslu-
manns brotaþola í héraði, 744 þús-
und krónur, og allan áfrýj-
unarkostnað málsins sem var 908
þúsund krónur.
Sex mánaða fangelsi vegna kynferðisbrota