Skólavarðan - 01.02.2005, Side 23

23
KJARAMÁL FF
SKÓLAVARÐAN 1.TBL. 5. ÁRG. 2005
Samningaviðræður Félags framhalds-
skólakennara og Félags stjórnenda í
Framhaldsskólum við samninganefnd
ríkisins hafa staðið yfir með hléum frá
því í haust en viðræðuáætlun var gerð
í september sl. Kjarasamningar hafa ver-
ið lausir frá 30. nóvember 2004. Hækk-
un grunnlauna og aukinn kaupmáttur
dagvinnulauna eru mikilvægar kröfur
kennara og stjórnenda sem og sérstök
hækkun á byrjunarlaunum kennara.
Bætt mat á menntun og starfsreynslu
og umbætur á stofnanaþætti kjara-
samninga skipa einnig stóran sess í
kröfugerðinni.
Samningaviðræður hafa tekið nokkuð
óvænta stefnu á undanförnum vikum og
snúast nú meira en ætlað var í upphafi um
breytingar og einföldun á launakerfinu
og breytta framsetningu launatöflu. Enn-
fremur er rætt um að setja fé í stofnana-
samninga, en það hefur verið áberandi
krafa bæði aðildarfélaga BHM og KÍ fram-
haldsskóla og raunar talin forsenda fyrir
áframhaldandi dreifstýringu í kjarasamn-
ingagerðinni.
Samninganefndir FF og FS hafa fylgst
náið með þróun samningaviðræðna sam-
flotsnefndar BHM og ríkisins og líta svo á,
eftir fyrstu samningafundi með ríkinu eft-
ir áramót, að rétt sé að skoða möguleika
framhaldsskólans í sama eða sambærilegu
launakerfi sem þó er enn fremur ómótað.
FF og FS leggja áherslu á að samningum
verði hraðað sem frekast má svo að kaup-
máttur rýrni ekki meira en orðið er og
telja úrslitaatriði í þeirri kerfisbreytinga-
umræðu sem stendur yfir að fá sem fyrst
hreinar línur um sjálfan launaliðinn og
launaþróun félagsmanna KÍ á samnings-
tíma sem einnig þarf að gera út um.
Laun í framhaldsskólum þurfa að stand-
ast samanburð bæði við laun annarra opin-
berra starfsmanna og laun sérfræðinga á
almennum markaði. Hið síðarnefnda þarf
að gera að sameiginlegu baráttumáli
heildarsamtaka opinberra starfsmanna
með miklu ákveðnari hætti en hingað til.
Einnig er fyllilega tímabært í ljósi reynsl-
unnar að krefjast sértækra aðgerða stjórn-
valda til þess að tryggja frið um skólastarf,
m.a. með því að sjá til þess að kennarastarf-
ið sé vel launað og kjaraþróun þar tengd
við ásættanlega samanburðarhópa.
Elna Katrín Jónsdóttir
Um kjarasamninga
framhaldsskólans