Skólavarðan - 01.12.2006, Blaðsíða 14

14
SKÓLAVARÐAN 8.TBL. 6. ÁRG. 2006
hjá okkur stúlka frá Þýskalandi. Þegar
vetraði sá hún erfiðleika dótturinnar við
lesturinn og sagði okkur þá frá Tomatis
meðferðinni. Sonur nágranna hennar
hafði farið í gegnum þessa meðferð og
fengið þar umtalsverða bót meina sinna.
Ég fór nú að leita mér upplýsinga á netinu
og fann Tomatis Nordiska í Stokkhólmi
í Svíþjóð. Þar sem fjölskyldan hefur
alltaf haft mikið samband við Svíþjóð þá
varð úr að þangað var leitað. Ég hafði
samband við þessa stofnun og fengum við
tíma í greiningu um miðjan nóvember. Í
greiningarferlinu kom meðal annars í ljós
að dóttir mín var með dempaða heyrn á
tíðnibili málhljóða og vinstra eyra ráðandi,
sem enn frekar útskýrði lélega úrvinnslu
málhljóða. Að greiningu lokinni var sett
upp hlustunaráætlun sem miðaði að því
að laga heyrnina til að öll málhljóð yrðu
stúlkunni heyranleg.
Þá tók við þriggja vikna hlustunartíma-
bil þar sem unnið var eftir ákveðinni
áætlun. Fékk ég leyfi að leigja ferðatæki
til nota á Íslandi og var hlustað í tvær klst.
á dag (4x30 mín).
Tækið var síðan sent til baka að notkun
lokinni og beðið átekta með hvernig
þróun heyrnarinnar yrði. Í mars fórum
við mæðgur síðan aftur utan. Aftur var
greint, ný hlustunaráætlun sett upp og
tækið leigt á ný.
Í júní var síðan lokahnykkur heyrnar-
þjálfunarinnar. Dvöldum við úti í Svíþjóð
í tvær vikur og var var þá greint fyrst og
ný hlustunaráætlun sett upp, en einnig
bættist við 30 mínútna upplestur í stúdíói
á dag þar sem unnið var með texta og
hlustað á eigin upplestur.
Skemmst er frá að segja að þessi
litla átta ára stúlka hefur á síðustu tólf
mánuðum tekið ótrúlegan þroskakipp.
Hún hefur tekið verulegum framförum
í lestri og heyrir nú öll málhljóð, einnig
hefur hún öll styrkst sem einstaklingur auk
þess sem félagsfærni hennar hefur aukist
til muna.
Ég lýk þessari umfjöllun með annarri
tilvitnun í grein Mariu Lundquist: „Þegar
dr. Tomatis fór að beita hlustunarmeðferð
við sjúklinga sína gerði hann byltingar-
kennda uppgötvun sem leiddi til þess að
hann þróaði með frekari rannsóknum
kenningar um þýðingu eyrans og
heyrnarinnar fyrir starfsgetu og vellíðan
einstaklingsins. Virk hlustun gegnum raf-
eyrað hafði áhrif á einbeitingarhæfni og
athyglisskerpu sjúklinganna sem leiddi til
þess að þeir bættu marktækt málhæfni
sína, sköpunargleði og félagsfærni.
Niðurstöður heilarannsókna seinustu
ára á sviði heilaþroska sýna að heilinn
heldur áfram að breytast og þroskast
langt fram á fullorðinsár vegna örvunar
skynfæranna. Nú er það einnig orðið
ljóst að heilinn getur bætt mikið af þeim
brestum sem þar geta orðið á langri ævi.
Ofangreindar niðurstöður er það sem
liggur til grundvallar þeim meir en eitt
hundrað Tomatis miðstöðvum sem nú eru
starfandi vítt og breitt um heiminn. Þar
hafa sérfræðingar einbeitt sér að þeim
hindrunum sem eiga sér rætur í skerðingu
á getu heilans til þess að taka á móti og
vinna úr upplýsingum. Góður árangur
hefur náðst til hjálpar einstaklingum
með ýmiss konar vandamál þegar sam-
nefnarinn hefur verið að auka hæfni
heilans til þess að nema nákvæmar og
forgangsraða skynjunarboðum heyrnar.
Talþroski, málþroski og hreyfiþroski,
hegðunarfrávik, einbeitingarörðugleikar
og taugalífeðlisfræðileg endurhæfing
vegna höfuðáverka og blóðtappa og síðast
en ekki síst ólíkar gerðir streituvanlíðunar
eru allt dæmi um svið þar sem hægt
hefur verið að hjálpa einstaklingum
með mismunandi gerðir þroskafrávika.
Aðferðin hefur einnig verið talsvert notuð
af listamönnum til þess að bæta rödd og
framkomu. Margir frægir óperusöngvarar
eins og María Callas og Placido Domingo
og leikarar eins og Gérard Depardieu hafa
notið hjálpar Tomatiskerfisins til að öðlast
meiri færni í list sinni.
Ingileif Steinunn Kristjánsdóttir
Komið til Svíþjóðar með systur og vinkonu. Sólveig í hljóðveri.
Hlustunarsalur hjá Tomatis Nordiska, þar sem hægt er að hvílast meðan hlustað er.
NÁMSERFIÐLEIKAR - HLUSTUNARMEÐFERÐ