Skólavarðan - 01.12.2006, Blaðsíða 22

22
NÁMSGÖGN
SKÓLAVARÐAN 8.TBL. 6. ÁRG. 2006
Út er komið námsefni fyrir framhalds-
skóla í fjármála- og neytendafræðslu
og varla annað hægt en hrópa húrra.
Þörfin er knýjandi, ýmis fyrirtæki og
fjármálastofnanir herja af síauknum
krafti á unglinga og fólk er í æ meira
mæli neytendur, hvernig sem á það er
litið. Höfundar Fjárans, Ragnhildur Björg
Guðjónsdóttir og Þuríður Hjartardóttir,
hafa unnið að gerð námsefnisins árum
saman og vandað til þess í hvívetna.
Þær hafa ólíkan bakgrunn sem hefur
greinilega skilað frjóu samstarfi. Ragn-
hildur er framhaldsskólakennari, sagn-
fræðingur að mennt og nam viðskipta-
fræði sem aukagrein. Hún er varaformaður
Neytendasamtakanna og hefur um árabil
haldið námskeið í fjármálum heimilanna.
Þuríður er framkvæmdastjóri Neytenda-
samtakanna og hefur verið í fjármála-
tengdum störfum alla tíð. Áður en að
samningu Fjárans kom sömdu Þuríður og
Ragnhildur heimilisbókhaldsforrit þar sem
lögð var áhersla á einfaldleika og gott og
þægilegt aðgengi.
Námsgögnin eru gefin út á USB lykli
(minnislykli) og þeim fylgir meðal annars
aðgengilegt bókhaldsforrit sem tekur mið
af lífi og neyslu unglinga. Nemandinn hefur
því sín eigin fjármál og fjármálanámsefnið
á einum og sama stað. Ásamt námsefninu
fær kennarinn sérstakt kennaraeintak sem
er sett þannig upp að hægt er að taka efnið
fyrir óháð tölvuaðgengi hjá nemendum.
Einnig fylgja kennsluleiðbeiningar og
glærur.
Undirrituð var svo ánægð með
námsgögnin að næsta skref var að fá þær
Ragnhildi og Þuríði í stutt viðtal til að fá
ítarlegri upplýsingar. „Okkur finnst brýnt
að efla fjármálalæsi ungs fólks,“ segir
Ragnhildur. „Þess vegna fórum við nú
af stað með þetta. Á námskeiðunum um
fjármál heimilanna hef ég oft verið spurð
hvort ekki sé eitthvað til fyrir unglinga. Í
rannsókn sem gerð var á vegum Norrænu
ráðherranefndarinnar kom fram að
fjármálalæsi ungs fólks er almennt ekki
gott og það eyðir um efni fram. Með því
að halda sitt eigið bókhald fá unglingar
meiri yfirsýn yfir það í hvað þeir eyða og
þar með betri grunn til að gera áætlanir.“
„Í námsefninu skoða unglingar
eigin neyslu, færa bókhald og nota svo
þennan grunn til að skipuleggja fjármálin
út frá eigin áherslum,“ segir Þuríður.
„Spurningin sem námsefninu er ætlað
að svara er þessi: Hvað þarftu til að reka
sjálfan þig? Ef unglingurinn gerir miklar
kröfur þarf hann líka að skipuleggja sig
betur og gera ráðstafanir til að standa
undir kostnaðinum.“
Ragnhildur upplýsir að fjármálafyrirtæki
komi stundum í lífsleiknitíma í skólum
með fjármálafræðslu. „Það er varhugavert
að kalla þetta fræðslu því þetta er meira
í formi kynningar hjá þeim,“ segir hún,
„ þessi kynning fer aðeins fram í einni
kennslustund og við hljótum að gera þá
kröfu til fræðslu að hún sé markviss en
felist ekki bara í að dreifa markaðstengdu
efni. Samvinna skóla og atvinnulífs
getur verið af hinu góða en það þarf að
skilgreina hana mun betur, þ.e.a.s. hvernig
hún fer fram og að hvaða markmiðum er
verið að vinna.’’
Námsefnið er samið í samræmi við
Aðalnámskrá framhaldsskóla og var
kennt til reynslu fyrsta árs nemendum
í Kvennaskólanum í Reykjavík í fyrra.
„Það tókst mjög vel,“ segir Ragnhildur.
„Bókhaldsvinnan breytti neyslumynstri
Nemendur læra:
• að gera skattaskýrslu
• að færa heimilisbókhald
• um hlutabréf, tékkareikninga,
séreignalífeyri og annan sparnað
• allt um vinnumarkaðinn; að lesa
launaseðil, réttindi og skyldur,
atvinnuleit o.fl.
• um lántökukostnað, greiðslukort,
vanskil og margt fleira gagnlegt
um lán
• að vera virkir siðrænir neytendur
og hvað það felur í sér
• að hafa áhrif sem neytendur
• um bílakaup, virðisaukaskatt,
tolla og margt fleira sem snýr að
neytendum
• um þvottamerki og fleiri gagn-
legar merkingar
• ... og svona má áfram telja
Neytenda- og fjármálanámsefni á minnislykli
Fjárans fjármálin!