Skólavarðan - 01.09.2001, Blaðsíða 3
4
Leiðar i
Ritstjóri: Kristín Elfa Guðnadóttir
Ábyrgðarmaður: Helgi E. Helgason
Ritstjórn: Ásmundur Örnólfsson, Auður Árný Stefánsdóttir, Eiríkur Jónsson,
Helgi E. Helgason, Kristín Elfa Guðnadóttir, Kristín Stefánsdóttir, Magnús Ingvason,
María Palmadóttir, Sigurrós Erlingsdóttir
Hönnun: Penta ehf.
Ljósmyndun: Jón Svavarsson
Teikningar: Ingi
Auglýsingar: Öflun ehf. / Kristín Snæfells / kristinsn@islandia.is / sími: 533 4470
Prentun: Prentsmiðjan Grafík ehf.
Forsíðumynd: Jón Svavarsson / Penta ehf.
Verum viðbúin vandamálum
sem upp kunna að koma
„Heimurinn er föðurland mitt og góðverk eru mín
trúarbrögð,“sagði 18. aldar maðurinn Thomas Paine eitt sinn.
Paine var mjög sérstakur maður og framsýnn. Hann reit mikið
um mannréttindi og þótt hann væri fæddur í Englandi var hann
um tíma þingmaður í Frakklandi, greiddi meðal annars atkvæði
sitt gegn aftöku Loðvíks sextánda og vakti með því reiði Ro-
bespierre. Óneitanlega koma hugsjónamenn á borð við Thomas
Paine og táknmyndir góðmennsku á borð við móður Theresu
upp í hugann á tímum eins
og nú þegar hatrið virðist
um það bil að taka völdin.
Viljinn til að trúa því að
hægt sé að brjóta hatur á
bak aftur er sterkur. „Notum
mátt bænar og samfélags til
að upplifa dapurleika okkar
og sorg, hvetja til vitundar,
samhygðar og opna hjörtu
okkar... Við viljum ekki ráð-
ast á samlanda okkar og
brennimerkja þá sem blóra-
böggla vegna okkar eigin reiði og vanmáttar. Vinnum saman að
því að finna jákvæðar lausnir á þessum erfiðu tímum.“ Eitthvað
á þessa leið hljóða skilaboð alþjóðlegra samtaka barna, The
Global Children´s Organization, á heimasíðu þeirra.
Á Íslandi eru nokkur hundruð menn af arabískum uppruna
og/eða múslímar. Félag múslíma á Íslandi er trúfélag sem taldi
164 manns um síðustu áramót. Við höfum þegar fengið fregnir
af árásum á þessa samlanda okkar í kjölfar árásarinnar á Banda-
ríkin. Hverjir gera slíkt? Vissulega má til sanns vegar færa að
það sé óuppalið eða veikt fólk, nema hvort tveggja sé. En við
berum öll ábyrgð. Þegar einum blæðir, blæðir okkur öllum.
Margir hafa á orði að við séum þumbaraleg og lítt siðmenntuð
þjóð. Það kann að vera rétt, það kann að vera rangt. En víst er að
við virðumst hálffeimin við að tala um tilfinningar, um kærleika
og ást. Við erum líka oft hálffeimin, einhverra hluta vegna, við
að taka af skarið og skipta okkur hvert af öðru. Mikill árangur
hefur náðst víða í skólum í baráttunni gegn einelti eftir að skóla-
fólk gerði sér grein fyrir umfangi þess, fór að þora að horfast í
augu við það og bregðast einarðlega við því. Nákvæmlega það
sama verðum við að gera andspænis ofbeldi af hvaða toga sem
er. En það er ekki nóg að taka hart á kynþáttahatri og árásum
tengdum því. Við verðum að fyrirbyggja slíkt sem mest við meg-
um. Og við verðum að gera greinarmun á löglegum refsingum
fyrir voðaverk og hatursárásum á saklaust fólk, sem oft og tíðum
dulbúast sem lögmætar refsingar. Bandarísk samtök sem vinna
gegn fordómum í garð Araba (The American-Arab Anti-Discrim-
ination Committee) hefur gefið út ábendingar til kennara í tilefni
af hryðjuverkunum 11. september. Þær er að finna á slóðinni
http://www.adc.org/education/advice.htm
Ég hvet kennara til að kynna sér umfjöllunina á þessari síðu,
en þar segir meðal annars: „Nemendur af arabískum uppruna
og nemendur úr hópi múslíma eru sumir fullir kvíða og óróleika
í kjölfar hryðjuverkanna, hræddir við áreitni og finnst þeir vera
stimplaðir... Aðrir nemendur eru sumir hverjir viðkvæmir, fullir
af réttmætri reiði og leita útrásar fyrir hana... Kennarar þurfa að
vera reiðubúnir til að bregðast við vandamálum sem upp kunna
að koma... Skólastjórar, skólameistarar og rektorar, forsprakkar
stúdentahreyfinga, nemendafélaga o.fl. ættu að koma með yfir-
lýsingar opinberlega um að saklaust fólk eigi ekki að gjalda fyrir
illvirki annarra. Látum þá sem eru reiðir vita að árásir, áreitni,
móðganir og haturstal eru röng viðbrögð við harmleiknum.
Hægt er að birta yfirlýsingarnar í fjölmiðlum og sem greinar í
skólablöðum, flytja þær á skólafundum og á öðrum uppákomum
í samfélaginu.“
Að þessu sinni beinist athyglin að Aröbum. Hverjir verða næst
fyrir barðinu á reiði heimsins?
Höfnum hatri - fögnum friði.
Kristín Elfa Guðnadóttir
Efni
Greinar
Tungumáladagur 26. sept. 5
Evrópskur tungumáladagur, Vika símenntunar og málþing
henni tengt.
Starfi tónlistarskóla stefnt í hættu 7
Á fundaherferð FT og FÍH hefur komið í ljós mikill samhugur
félagsmanna. Þolinmæði tónlistarskólakennara er þrotin
og kosið er um boðun verkfalls þessa dagana.
Skólamálaþing 2001 9
ber yfirskriftina Fagmennska kennara og einkavæðing skóla.
Dr. Andy Hargreaves var aðalfyrirlesari þingsins í Reykjavík en
þingið á Akureyri er haldið 29. september.
Handleiðsla fyrir starfsmenn skóla 11
eftir Jórunni Sörensen og Toby S. Herman handleiðara.
Mín reynsla er að stjórnmálamenn hafi skilning á málefnum
grunnskólans 12
segir Hanna Hjartardóttir skólastjóri í viðtali við
Helga E. Helgason.
Nýbúafræðsla 14
Friðbjörg Ingimarsdóttir segir helstu fréttir af vettvangi
nýbúafræðslu í Reykjavík og Hulda Karen Daníelsdóttir segir
frá námskeiði um kennslu nemenda með annað móðurmál
en íslensku. Einnig er rætt við þátttakendur á námskeiðinu.
Námsvefurinn 18
er nýr og öflugur námsefnisbanki á vefnum.
Menn verða að vanda sig til að allt fari ekki í bál og brand 19
Hvernig gengur með framkvæmd kjarasamnings í framhalds-
skólum?
50 skólamenn fá 50 mínútur 20
Á fimmtugsafmæli sínu boðaði Ingvar Sigurgeirsson til
hugarflugsfundar og hugmyndir flæddu villt og galið.
Alþjóðadagur kennara 5. október 24
Vekjum athygli á degi kennara sem víðast í samfélaginu.
Öflugt og fjölbreytt félagsstarf 25
í Félagi kennara á eftirlaunum.
Fastir liðir
Formannspistill 3
Björg Bjarnadóttir skrifar.
Gestaskrif 6
Ingólfur V. Gíslason hellir upp á.
Fréttir og smáefni 6, 8, 25
Fyrsti karlkyns leikskólakennarinn Dani (6), samið við líkamsrækt-
arstöðvar, friðarmínúta í skólum, haustþingum að ljúka, rafræn
umsóknareyðublöð fyrir námsorlof (8), frá lagaanefnd KÍ og
hlutfallsleg lækkun félagsgjalda (25).
Skóladagar 21
Myndasaga Skólavörðunnar.
Kjaramál 26, 27
Smáauglýsingar og tilkynningar 29
Skilaboð frá skrifstofu 29
Smiðshöggið 30
Þegar kennari og nemendur ná saman. Ingibjörg Kristleifsdóttir
segir starfsgleðina tryggða þegar hópurinn sigrar kennarann sinn.